قر ۇلتتىق بانكٸنٸڭ تٶراعاسى ەربولات دوساەۆ قازاقستان قارجىگەرلەرٸنٸڭ IX كونگرەسٸندە «تسيفرلىق تەڭگە» پيلوتتىق جوباسى تۋرالى ايتتى, دەپ حابارلايدى قازاقپارات.
«بٷكٸل ەلەم بويىنشا 63 ورتالىق بانك ۇلتتىق تسيفرلىق ۆاليۋتالاردى ەنگٸزۋ مەسەلەسٸن زەردەلەۋدە. ۇلتتىق بانك نارىق قاتىسۋشىلارىمەن بٸرگە «تسيفرلىق تەڭگە» پيلوتتىق جوباسىن ٸسكە اسىرا باستادى. بٸز تٶلەم سەرۆيستەرٸنٸڭ قولجەتٸمدٸلٸگٸن ارتتىرىپ, ەكونوميكاداعى ترانزاكتسييالاردىڭ قۇنىن تٶمەندەتۋ ٷشٸن جوبانىڭ ايتارلىقتاي ەلەۋەتٸن كٶرٸپ وتىرمىز. تسيفرلىق تەڭگە پلاتفورماسى تٷبەگەيلٸ جاڭا سەرۆيستەر قۇرۋ ٷشٸن دە مٷمكٸندٸكتەر اشادى. بۇل رەتتە ۇلتتىق تسيفرلىق ۆاليۋتانى شىعارۋدان تۋىندايتىن بارلىق ىقتيمال تەۋەكەلدەر مەن ارتىقشىلىقتاردى جان-جاقتى باعامداۋ قاجەت», - دەدٸ ەربولات دوساەۆ.
ونىڭ ايتۋىنشا, بيىلعى جەلتوقساندا پيلوتتىق جوبانىڭ نەتيجەلەرٸ بويىنشا بايانداما جارييالانادى, وندا تەحنولوگييالىق ساراپتامانىڭ قورىتىندىلارى, نارىق قاتىسۋشىلارىمەن, ساراپتامالىق قوعامداستىقپەن بٸرگە جاسالعان زەرتتەۋلەر مەن تالقىلاۋلاردىڭ نەتيجەسٸ جارييالانادى.
«ەكونوميكالىق جاعدايلار جىلدام ٶزگەرەتٸن شاقتا قارجى نارىعىنىڭ بيزنەس-دەرەكتەرٸنٸڭ بٸرىڭعاي پلاتفورماسىن قۇرۋ ارقىلى رەتتەۋشٸلەر مەن نارىققا قاتىسۋشىلار اراسىنداعى جوعارى تەحنولوگييالىق ٶزارا ٸس-قيمىلدى قامتاماسىز ەتۋ ماڭىزدى. كرەديتتٸك تٸركەلٸم قارجى نارىعىنىڭ باسقا دەرەككٶزدەرٸمەن بٸرگە بٸرىڭعاي دەرەكتەر قويماسى – قارجىلىق data lake ٷشٸن نەگٸز بولادى. بۇل قاداعالاۋ جەنە رەتتەۋ ماقساتىندا وزىق تالداۋدى قولدانۋعا ارنالعان جاڭا مٷمكٸندٸكتەردٸ اشادى جەنە نارىققا قاتىسۋشىلار ٷشٸن رەتتەۋشٸ تالاپتاردىڭ ساقتالۋىن جەڭٸلدەتەدٸ. RegTech جەنە SupTech تەحنولوگييالارىن ەنگٸزۋ داتا-ورتالىقتاندىرىلعان قاداعالاۋ مەن رەتتەۋگە كٶشۋدٸ قامتاماسىز ەتەدٸ, سونداي-اق نارىق شىعىندارىن ازايتادى», - دەپ تٷسٸندٸردٸ سپيكەر.
سونىمەن بٸرگە قازاقستاننىڭ دەپوزيتتەرگە كەپٸلدٸك بەرۋ قورى (قدكق) پيلوتتىق رەجيمدە «كەپٸلدٸك بەرٸلگەن ٶتەمدٸ تٶلەۋدٸڭ ەلەكتروندىق پورتالىن» ٸسكە قوستى.
ە. دوساەۆتىڭ ايتۋىنشا, بٷگٸنگٸ تاڭدا تەۋەلسٸز مەملەكەتتەر دوستاستىعىندا مۇنداي ونلاين تٶلەم جٷيەسٸنٸڭ بالاماسى جوق.
