QR Ulttyq bankiniń tóraǵasy Erbolat Dosaev Qazaqstan qarjygerleriniń IX kongresinde «Tsifrlyq teńge» pilottyq jobasy týraly aitty, dep habarlaidy QazAqparat.
«Búkil álem boiynsha 63 ortalyq bank ulttyq tsifrlyq valiýtalardy engizý máselesin zerdeleýde. Ulttyq bank naryq qatysýshylarymen birge «Tsifrlyq teńge» pilottyq jobasyn iske asyra bastady. Biz tólem servisteriniń qoljetimdiligin arttyryp, ekonomikadaǵy tranzaktsiialardyń qunyn tómendetý úshin jobanyń aitarlyqtai áleýetin kórip otyrmyz. Tsifrlyq teńge platformasy túbegeili jańa servister qurý úshin de múmkindikter ashady. Bul rette ulttyq tsifrlyq valiýtany shyǵarýdan týyndaityn barlyq yqtimal táýekelder men artyqshylyqtardy jan-jaqty baǵamdaý qajet», - dedi Erbolat Dosaev.
Onyń aitýynsha, biylǵy jeltoqsanda pilottyq jobanyń nátijeleri boiynsha baiandama jariialanady, onda tehnologiialyq saraptamanyń qorytyndylary, naryq qatysýshylarymen, saraptamalyq qoǵamdastyqpen birge jasalǵan zertteýler men talqylaýlardyń nátijesi jariialanady.
«Ekonomikalyq jaǵdailar jyldam ózgeretin shaqta qarjy naryǵynyń biznes-derekteriniń biryńǵai platformasyn qurý arqyly retteýshiler men naryqqa qatysýshylar arasyndaǵy joǵary tehnologiialyq ózara is-qimyldy qamtamasyz etý mańyzdy. Kredittik tirkelim qarjy naryǵynyń basqa derekkózderimen birge biryńǵai derekter qoimasy – qarjylyq data lake úshin negiz bolady. Bul qadaǵalaý jáne retteý maqsatynda ozyq taldaýdy qoldanýǵa arnalǵan jańa múmkindikterdi ashady jáne naryqqa qatysýshylar úshin retteýshi talaptardyń saqtalýyn jeńildetedi. RegTech jáne SupTech tehnologiialaryn engizý data-ortalyqtandyrylǵan qadaǵalaý men retteýge kóshýdi qamtamasyz etedi, sondai-aq naryq shyǵyndaryn azaitady», - dep túsindirdi spiker.
Sonymen birge Qazaqstannyń depozitterge kepildik berý qory (QDKQ) pilottyq rejimde «Kepildik berilgen ótemdi tóleýdiń elektrondyq portalyn» iske qosty.
E. Dosaevtyń aitýynsha, búgingi tańda táýelsiz memleketter dostastyǵynda mundai onlain tólem júiesiniń balamasy joq.
