MAKVIN لاقاپاتىمەن تانىمال بولعان ەنشٸ نۇربولات بازارباەۆ ٷيلەندٸ. ۇزاتۋ تويىندا تٷسٸرٸلگەن ۆيدەو جەلٸدە قىزۋ تالقىلاندى, قولدانۋشىلار قالىڭدىقتىڭ شاش ٷلگٸسٸنە تاڭعالعان. سوعان وراي MAKVIN قالىڭدىعى جايلى شىندىقتى ايتىپ بەردٸ, - دەپ حابارلايدى Tengrinews.kz.
"قالىڭدىعىمنىڭ ەسٸمٸ - جانييا. ول زييالى وتباسىدان شىققان. اتا-اناسى عالىمدار, حيميكتەر. ٶزٸ بيشٸ. سپورتتىق بال بيٸنەن سپورت شەبەرٸ. حالىقارالىق جٷلدەلەرٸ كٶپ. كٶپ جىل بويى يتالييادا, اقش-تا تۇرىپ, بيمەن كەسٸبي تٷردە اينالىستى. ول سپورتتىق بال بيٸنەن ەلەمنٸڭ ۆيتسە-چەمپيونى", - دەدٸ ەنشٸ.
كٶپشٸلٸك قالىڭدىقتىڭ شاش ٷلگٸسٸن تالقىلاعان. ەنشٸنٸڭ ايتۋىنشا, بۇل ولاردىڭ قالاۋى عانا ەكەن.
"ول تويعا 10 كٷن قالعاندا شاشىن قىسقارتتى. بٸز ەركٸن شىعارماشىلىق ادامىمىز. نە بولاتىنىن بٸلمەدٸك", - دەيدٸ MAKVIN.
سونداي-اق, ول ۆيدەونىڭ قالاي تاراپ كەتكەنٸن ايتتى.
"نەدەن باستالدى. بٸزدٸڭ شارانى دوسىمىز ازات ەبٸكەن جٷرگٸزگەن. ول ۇزاتۋ تويىندا قالىڭدىق ماعان قاراي جٷرەتٸن كەزٸندە تٷسسٸز سۋرەت جاسايمىز دەپ ويلاستىردى. 60-جىلداردىڭ سۋرەتٸن جاساعىمىز كەلدٸ. بۇل كادر بٸر عانا سۋرەت ٷشٸن جاسالدى. سوڭىندا كٶپ ۆيدەو تٷسٸرٸلٸپ, "زا تەبيا باكە" پاراقشاسىنا جٷكتەلدٸ. قالاي جٷكتەلگەنٸنەن بەيحابارمىز. بۇل تۋرالى كەلەسٸ كٷنٸ عانا بٸلدٸك", - دەدٸ ورىنداۋشى.
MAKVIN ٶز اتا-اناسى مەن تۋىستارىنىڭ قالىڭدىقتىڭ شاش ٷلگٸسٸنە قانداي باعا بەرگەنٸن ايتتى.
"ونىڭ اتا-اناسى قالىپتى قابىلدادى. اتا-اناسى جاڭاشىل, اناسى كٶپ ۋاقىت ەۋروپادا تۇرعان, ەكەسٸ جۇمىسى بويىنشا ەلەمگە ساپارلاپ جٷرەدٸ. ياعني بارلىعىن دۇرىس تٷسٸندٸ. ال مىنا جەلٸدە جازىپ جاتقاندار تەك شۋ شىعارىپ جٷر. ولار بولماسا, مۇنداي شۋعا ۇلاسپايتىن ەدٸ. مەنٸڭ اتا-انام دا بەرٸن جاقسى قابىلدادى. مەنٸڭ وتباسىمدا بەرٸ مۋزىكانتتار, رەجيسسەرلەر. ەشقانداي دا داۋ-داماي بولعان جوق. مەنٸڭ تۋىستارىم شىمكەنتتەن, بارلىعى دەستٷردٸ ۇستانادى. بەتاشاردا بولعان ەجەم بۇعان تٸپتٸ قۋانىشتى. سەبەبٸ مەن - ونىڭ كەنجە نەمەرەسٸمٸن", - دەدٸ بازارباەۆ.
