كٶلەڭكەلٸ ەكونوميكاعا قارسى كٷرەس اياسىندا الماتى قالاسىنىڭ مەدەۋ اۋدانىنداعى مەملەكەتتٸك كٸرٸستەر باسقارماسى جەلٸلٸك بيزنەس ارقىلى تاۋار ساتاتىن تۇلعالارمەن جۇمىس ٸستەپ جاتىر, دەپ حابارلايدى قازاقپارات تٸلشٸسٸ.
باسقارمانىڭ ايتۋىنشا, جەلٸلٸك بيزنەستٸڭ جىل سايىنعى ەلەمدٸك اينالىمى 1 ميلليارد اقش دوللارىنان اسادى. قازاقستاندىق نارىقتا دا كٶپتەگەن شەتەلدٸك كومپانييالار قانداي دا بٸر تاۋاردى جەلٸلٸك بيزنەستٸڭ كٶمەگٸمەن ساتادى جەنە سالىق تٶلەمەيدٸ. سونىمەن قاتار, ٶنٸمنٸڭ سەرتيفيكاتتالۋى - بٶلەك ەڭگٸمە.
«ەلەۋمەتتٸك جەلٸلەردٸڭ ارقاسىندا مۇنداي ادامداردى انىقتاۋ وڭاي. جەلٸلٸك كومپانييالاردىڭ بارلىق قىزمەتٸ, وعان تارتىلعان ادامداردىڭ اتى-جٶنٸ, سەمينارلار ٶتەتٸن ورىندار, تابىس تاباتىن كٶشباسشىلار تۋرالى بارلىق اقپارات ەلەۋمەتتٸك جەلٸلەردە بار», - دەپ اتاپ ٶتتٸ مكب.
باسقارما مونيتورينگ توبىنىڭ ەلەۋمەتتٸك جەلٸلەردە جارييالانعان بارلىق دەرەكتٸ تالداپ, تيٸستٸ سالىقتى تٶلەگەنٸن تەكسەرۋ ٷشٸن سالىق بازاسىنداعى مەلٸمەتتەرمەن سالىستىراتىنىن جەتكٸزدٸ. ەرٸ قاراي سالىقتاردى ٶندٸرۋ شارالارى جٷرگٸزٸلەدٸ.
مەسەلەن, «ACCELER8» جەنە «ELEV8» ٶنٸمدەرٸن ساتاتىن BEPIC شەتەلدٸك كومپانيياسى مەن ونىڭ ٶكٸلدەرٸ تاپقان تابىستارىنان سالىق تٶلەمەيدٸ. ونىڭ كٶشباسشىلارى ايىنان 4 مىڭنان 40 مىڭ دوللارعا دەيٸن تابىس تاباتىندارىن ەلەۋمەتتٸك جەلٸدە جارييالايدى.
«ون كٷن ٸشٸندە قۇقىقبۇزۋشىلىقتاردى ٶزدٸگٸمەن شەشپەگەن جاعدايدا اتالعان كومپانييا ٶكٸلدەرٸنە قاتىستى سالىقتىق تەكسەرۋلەر جٷرگٸزٸلەدٸ», - دەپ ەسكەرتتٸ سالىق ورگانى.
سالىق ورگانىندا تٸركەلمەستەن كەسٸپكەرلٸك نەمەسە ٶزگە دە قىزمەتتٸ جٷزەگە اسىرعانى ٷشٸن جەكە تۇلعالارعا - 15 اەك, لاۋازىمدى تۇلعالارعا, شاعىن كەسٸپكەرلٸك سۋبەكتٸلەرٸنە - 25 اەك كٶلەمٸندە ايىپپۇل, ەكٸمشٸلٸك قۇقىقبۇزۋشىلىق جاسالعان قۇرالدار مەن مٷلٸكتٸ تەركٸلەۋ تٷرٸندە ەكٸمشٸلٸك جاۋاپكەرشٸلٸك قاراستىرىلعان.
«جەلٸلٸك بيزنەستٸڭ ٶكٸلدەرٸنەن تۇتىنۋ تاۋارلارىن ساتىپ العاندا ساتۋشىدان مەملەكەتتٸك تٸركەۋ مەن جەكە كەسٸپكەرلٸك تۋرالى اقپاراتتى جەنە كاسسالىق چەكتٸ تالاپ ەتۋ كەرەك. وسىلايشا حالىق كٷتپەگەن جاعدايلار بولعاندا ٶزٸن-ٶزٸ قورعاي الادى», - دەپ اتاپ ٶتتٸ مەملەكەتتٸك كٸرٸستەر باسقارماسى.
