قازنەتتە Pfizer-BioNTech شىعارعان ۆاكتسينانىڭ كلينيكالىق سىناقتارىنا قاتىسقان 270 جٷكتٸ ەيەلدٸڭ بٸرەۋٸ عانا دەنٸ ساۋ بالا تۋعانى تۋرالى اقپارات تارادى. قالعاندارى تٷسٸك تاستاعان. بۇل - جالعان اقپارات, دەپ حابارلايدى stopfake.kz.
بۇل اقپارات وسى جىلدىڭ 19 قاڭتارىندا جەلٸنٸڭ اعىلشىن تٸلدٸ سەگمەنتٸندە جارييالانعان ماقالاعا نەگٸزدەلگەن.
وندا 270 قاتىسۋشىنىڭ 238-ٸ بەلگٸسٸز سەبەپتەرمەن سىناقتان شىعىپ كەتكەنٸ, ال قالعان 32-نٸڭ بٸرەۋٸ عانا ساۋ بالانى دٷنيەگە ەكەلگەن دەپ ايتىلعان. بۇل مەلٸمەتتەردٸ اۆتور Pfizer-BioNTech-تٸڭ «5.3.6 2021 جىلعى 28 اقپانعا دەيٸن الىنعان PF-07302048 (bnt162b2) جاعىمسىز قۇبىلىستار تۋرالى تٸركەۋدەن كەيٸنگٸ حابارلامالارعا جيىنتىق تالداۋ» قۇجاتىنان العان.
Reuters پورتالىنىڭ فاكتچەكەرلەرٸ تەحاس ۋنيۆەرسيتەتٸنٸڭ وڭتٷستٸك-باتىس مەديتسينالىق ورتالىعىنداعى انا مەن بالا مەديتسيناسى كافەدراسىنىڭ دوتسەنتٸ ەميلي ادحيكاريمەن سۇحباتتاستى. ول Pfizer-BioNTech-تٸڭ تٷپنۇسقا قۇجاتىمەن تانىسىپ, 238 قاتىسۋشىنىڭ سىناقتان شىقپاعانىن, ەلٸ دە بالا كٶتەرٸپ جٷرگەنٸن, سوندىقتان كلينيكالىق سىناقتار كەزٸندە جٷكتٸلٸكتٸڭ نەتيجەسٸ تۋرالى ايتا الماعاندارىن تٷسٸندٸردٸ.
لوندون يمپەراتورلىق كوللەدجٸنٸڭ رەپرودۋكتيۆتٸ يممۋنولوگييا پەنٸنٸڭ وقىتۋشىسى ۆيككي مالە Reuters اگەنتتٸگٸنە ماقالادا ايتىلعان جاعىمسىز ەسەرلەر مٸندەتتٸ تٷردە ۆاكتسينالارمەن بايلانىستى بولمايتىنىن ايتتى. ونىڭ سٶزٸنشە, ماقالادا سيپاتتالعان وقيعالار ۆاكتسيناتسييادان كەيٸن بولعان, بٸراق ونىڭ سالدارى بولۋى مٸندەتتٸ ەمەس. سونداي-اق, ول ماقالادا ەگٸلگەن ەيەلدەر اراسىندا ورىن العان 205 تٷسٸك تاستاۋ جاعدايى تۋرالى ايتىلعانىن, بۇل اقش-تا ۆاكتسيناتسييالانعان جٷكتٸ جەنە بالا ەمٸزەتٸن ەيەلدەردٸڭ از عانا بٶلٸگٸن قۇرايتىنىن اتاپ ٶتتٸ.
جٷكتٸ ەيەلدەر مەن بالا ەمٸزەتٸن انالاردى COVID-19 قارسى ۆاكتسيناتسييالاۋدى باستاماس بۇرىن پرەپاراتتار تولىق كلينيكالىق جەنە كلينيكاعا دەيٸنگٸ زەرتتەۋلەردەن ٶتتٸ. بٷگٸنگٸ تاڭدا بۇل پروتسەدۋرا قاۋٸپسٸز جەنە مەرزٸمٸنەن بۇرىن بوسانۋ نەمەسە ۇرىقتىڭ قايتىس بولۋ قاۋپٸن ارتتىرمايدى دەپ ايتۋعا عىلىمي نەگٸز جەتكٸلٸكتٸ.
دەمەك, Pfizer ۆاكتسيناسىنىڭ كلينيكالىق زەرتتەۋلەرٸنٸڭ بارلىق قاتىسۋشىلارى تٷسٸك تاستادى دەگەن اقپارات – فەيك جەنە مانيپۋلياتسييا.
