جەلٸدە ٶمٸر بويىنا باس بوستاندىعىنان ايىرىلعان اقتٶبەلٸك تەرروريستەردٸڭ جاڭا ۆيدەوسى پايدا بولدى. اقپانبەتوۆ ەلٸبەك, قۋانىشباەۆ باقىت, راحمەتوۆ اسحات جەنە تاڭاتاروۆ ارسەن ٸستەگەن ٸستەرٸنە ٶكٸنەتٸنٸن ايتىپ, جاقىندارىنان كەشٸرٸم سۇرايدى, - دەپ حابارلايدى kaz.tengrinews.kz.
"مەن ەڭ بٸرٸنشٸ كەزەكتە اتا-انانى تىڭداۋعا كەڭەس بەرەر ەدٸم. ولار جاماندىق تٸلەمەيدٸ, - دەيدٸ راحمەتوۆ اسحات. - ولار سەنٸڭ ادام بولۋىڭدى قالايدى, الاڭدايدى. ال بٸز كٶشەدە جٷرٸپ تەربيە الامىز, اسىعىس شەشٸم قابىلداپ, اقپاراتتىڭ بارلىعىن كٶشەدەن الامىز. اتا-انالارىڭ تٸرٸ بولعاندا, قادٸرلەڭدەر, ايتقاندارىن تىڭداڭدار".
سوتتالعان جٸگٸت وسى ەرەكەتٸنە ٶكٸنەتٸنٸن جەنە قازٸر اناسىنا كٶمەكتەسە الماي وتىرعانىن ايتىپ وتىر. "انام ەگدە جاستاعى كٸسٸ, جاسى 50-دەن استى. مەن وعان قامقورلىق كٶرسەتۋٸم كەرەك. ەندٸ عانا ٷي سالا باستاعان ەدٸك, بٸراق, ەرينە, ونى سوعىپ اياقتامادىق. مەن ولارعا ٷيدٸ سوعۋعا كٶمەكتەسۋٸم كەرەك ەدٸ. انام مەنٸ 28 جىل بويى تەربيەلەدٸ, ٶسٸردٸ, كيٸندٸردٸ, ورتا بٸلٸم بەردٸ. ول قولىنان كەلگەنٸنٸڭ بارلىعىن جاسادى. وسىنىڭ بارلىعىن مەن ٸستەۋٸم كەرەك ەدٸ. ەرينە, مەن بۇل ٷشٸن قاتتى ۇيالامىن, ىڭعايسىزدانامىن. اتا-انانى باعالاۋ كەرەك, ولارعا قامقورلىق كٶرسەتۋ كەرەك", - دەيدٸ ول. ٶز كەزەگٸندە تاڭاتاروۆ ارسەن ينتەرنەتتەگٸ ۆيدەوروليكتەرگە سەنبەۋگە كەڭەس بەردٸ. "بٸزدٸڭ قازاقستاندا بارلىعى دۇرىس (دٸن جايىندا - اۆتور.), - دەيدٸ تاڭاتاروۆ. مەنٸڭ ايتقان سٶزدەرٸمدٸ بٸرەۋلەر ەستٸپ, تٷسٸنٸپ وتىرعان شىعار. مەن ەندٸ جاستارىمىزدىڭ وسىلاي ەموتسييالارعا بەرٸلمەۋٸن سۇرايمىن. سوسىن ساعان ايتىلعان دٷنيەلەردٸ تەكسەرٸپ الۋعا كەڭەس بەرەمٸن. سەبەبٸ باسقا بٸرەۋلەر بٸزدٸڭ ەموتسيياعا تەز بەرٸلەتٸنٸمٸزدٸ قولدانۋى مٷمكٸن. سالدارىنان سەن جالعىز قالاسىڭ, جاقىڭدارىندى, تۋىستارىڭدى جوعالتاسىڭ".
ەسكە سالايىق, 2016 جىلدىڭ 5 ماۋسىمىندا اقتٶبەدە بولعان تەراكت كەزٸندە جەتٸ ادام قازا بولعان ەدٸ. ولاردىڭ ٷشەۋٸ ەسكەريلەر, تٶرتەۋٸ - بەيبٸت تۇرعىندار. جاراقات العاندار سانى 30 شاقتى. تەرروريستەر قالاداعى ەكٸمشٸلٸك عيماراتتار مەن تٷرمەنٸ باسىپ الماق بولعان ەدٸ.
دەستٷرلٸ ەمەس دٸن اعىمىنىڭ 25 ٶكٸلٸ "پانتەرا" جەنە "پاللادا" قارۋ دٷكەندەرٸنە, 6655 ەسكەري بٶلٸمٸنە شابۋىل جاساعان. ول كەزدە قازاقستاندا العاش رەت تەرروريستٸك قاۋٸپتٸڭ قىزىل دەڭگەيٸ جارييالانعان بولاتىن.
