الماتىدا ٸلە الاتاۋى تابيعي ۇلتتىق پاركٸنٸڭ بٸراز تەرريتوريياسى ۇزاق مەرزٸمگە جەكەمەنشٸككە پايدالانۋعا بەرٸلدٸ. وسى ورايدا, پاركتٸڭ دامۋ بولاشاعى قالاي بولاتىنى تۋرالى پرەسس-تۋر بارىسىندا ايتىلدى, دەپ حابارلايدى "ۇلت اقپارات".
قر ەكولوگييا, گەولوگييا جەنە تابيعي رەسۋرستار مينيسترلٸگٸنٸڭ ٶكٸلدەرٸ جۋرناليستەرگە پاركتٸ دامىتۋدىڭ شەبەرلٸك جوسپارىن تانىستىردى.
ۇلتتىق پاركتەردە ەكولوگييالىق تۋريزمدٸ دامىتۋ قازاقستاندا تۋريزم سالاسىن دامىتۋدىڭ 2019-2025 جىلدارعا ارنالعان مەملەكەتتٸك باعدارلاماسى اياسىندا جٷرگٸزٸلمەك.
«اقش, اندوررا, اۆسترالييا سيياقتى بٸراز ەلدٸڭ تەجٸريبەسٸن قاراپ شىقتىق. بۇل شەبەرلٸك جوسپار حالىقارالىق تەجٸريبەگە نەگٸزدەلگەن. ٸلە الاتاۋى پاركٸن دامىتۋعا امەريكالىق مودەلدٸ نەگٸزگە الدىق. امەريكادا ۇلتتىق پاركتەر عاسىرلار بويى دامىپ كەلەدٸ», - دەدٸ مينيسترلٸكتەن.
بٷگٸندە قازاقستاندا ۇلتتىق پاركتەردە تۋريستٸك سوقپاقتار, كەمپينگتەر, سانيتارلىق كابينالار, باسقا دا قاجەتتٸ ينفراقۇرىلىمدار جەتكٸلٸكسٸز.
شەبەرلٸك جوسپاردى جٷزەگە اسىرۋدا وسى ولقىلىقتاردىڭ ورنىن تولتىرۋ كٶزدەلگەن.
بۇل جۇمىستاردىڭ اتقارىلۋىن ۇلتتىق پارك باسشىلىعى باقىلايتىن بولادى.سالىناتىن تۋريستٸك نىساندار ۇلتتىق پارك جانىنداعى ٷيلەستٸرۋ كەڭەسٸندە تالقىلانىپ وتىرادى.
«بٸرٸنشٸ كەزەڭدە ايۋساي شاتقالىندا زاماناۋي ۆيزيت ورتالىعى سالىنادى. بۇل جەردە كەلۋشٸلەر پارك جايلى قاجەتتٸ اقپارات الىپ, دەمالىس تٷرٸن تاڭدايتىن بولادى. ەلەۋمەتتٸك باعىتتاعى نىساندار, تاماشالاۋ الاڭدارى, كٶپٸرلەر جاسالادى», - دەدٸ مينيسترلٸك ٶكٸلدەرٸ.
ينۆەستورعا جالپى كٶلەمٸ 35 گا بولاتىن ٷلكەن الماتى, كٸشٸ الماتى, كامەن, تالعار, كٶكباستاۋ, تٷرگەن ورمان شارۋاشىلىعى تەرريتوريياسى پايدالانۋعا بەرٸلگەن. تەندەرلٸك كوميسسييانىڭ شەشٸمٸمەن №1 لوت جەڭٸمپازى بولىپ «كۋلتاۋ ي ك» جشس تانىلدى.
بۇل اۋماقتاردا كەزەڭ-كەزەڭٸمەن 10 زاماناۋي ۆيزيت ورتالىعى سالىنىپ, 155 شاقىرىم جاياۋ جولدار جٶندەلەدٸ.
الماتىلىقتار ٷشٸن ٸلە الاتاۋى ۇلتتىق پاركٸ تەرريتوريياسى ەردايىم اشىق ەرٸ تەگٸن بولادى.
