Almatyda Ile Alataýy tabiǵi ulttyq parkiniń biraz territoriiasy uzaq merzimge jekemenshikke paidalanýǵa berildi. Osy oraida, parktiń damý bolashaǵy qalai bolatyny týraly press-týr barysynda aityldy, dep habarlaidy "Ult aqparat".
QR Ekologiia, geologiia jáne tabiǵi resýrstar ministrliginiń ókilderi jýrnalisterge parkti damytýdyń sheberlik josparyn tanystyrdy.
Ulttyq parkterde ekologiialyq týrizmdi damytý Qazaqstanda týrizm salasyn damytýdyń 2019-2025 jyldarǵa arnalǵan memlekettik baǵdarlamasy aiasynda júrgizilmek.
«AQSh, Andorra, Avstraliia siiaqty biraz eldiń tájiribesin qarap shyqtyq. Bul sheberlik jospar halyqaralyq tájiribege negizdelgen. Ile Alataýy parkin damytýǵa amerikalyq modeldi negizge aldyq. Amerikada ulttyq parkter ǵasyrlar boiy damyp keledi», - dedi ministrlikten.
Búginde Qazaqstanda Ulttyq parkterde týristik soqpaqtar, kempingter, sanitarlyq kabinalar, basqa da qajetti infraqurylymdar jetkiliksiz.
Sheberlik jospardy júzege asyrýda osy olqylyqtardyń ornyn toltyrý kózdelgen.
Bul jumystardyń atqarylýyn Ulttyq park basshylyǵy baqylaityn bolady.Salynatyn týristik nysandar Ulttyq park janyndaǵy Úilestirý keńesinde talqylanyp otyrady.
«Birinshi kezeńde Aiýsai shatqalynda zamanaýi Vizit ortalyǵy salynady. Bul jerde kelýshiler park jaily qajetti aqparat alyp, demalys túrin tańdaityn bolady. Áleýmettik baǵyttaǵy nysandar, tamashalaý alańdary, kópirler jasalady», - dedi ministrlik ókilderi.
Investorǵa jalpy kólemi 35 ga bolatyn Úlken Almaty, Kishi Almaty, Kamen, Talǵar, Kókbastaý, Túrgen orman sharýashylyǵy territoriiasy paidalanýǵa berilgen. Tenderlik komissiianyń sheshimimen №1 lot jeńimpazy bolyp «KÝLTAÝ i K» JShS tanyldy.
Bul aýmaqtarda kezeń-kezeńimen 10 zamanaýi Vizit ortalyǵy salynyp, 155 shaqyrym jaiaý joldar jóndeledi.
Almatylyqtar úshin Ile Alataýy ulttyq parki territoriiasy árdaiym ashyq ári tegin bolady.
