ادامزات بالاسى تاعى بٸر اۋىر كەزەڭدٸ باستان كەشٸرٸپ جاتىرمىز. مۇنداي اۋىر جاعدايلاردى بابالارىمىز دا باسىنان ٶتكەرگەن. بٸز جاراتۋشى يەمٸزدەن ەردايىم جەڭٸلدٸك, جاقسىلىق تٸلەۋشٸمٸز. الايدا ٶمٸردٸڭ دە ٶز زاڭدىلىقتارى بار. جاقسىلىعىنا شٷكٸر ەتە بٸلسەك, اۋىرلىعىنا سابىر ەتە بٸلۋگە تۋرا كەلەدٸ.
مۇنداي قيىن كەزەڭدە ەر جەكە ادام عانا ەمەس, تۇتاس ۇلت سىنالادى. قالاي تٶتەپ بەرەدٸ? قالاي قورعانا الادى? قالاي كٷرەسە الادى? قايتٸپ جەڭەدٸ? بەرٸ – سىن. مۇنداي الاپات سىن جەتكەن جۇرت سٷرٸنبەۋٸ مٷمكٸن ەمەس. ەلەمدەگٸ نەبٸر الپاۋىت ەلدەردەگٸ جاعداي سونىڭ ايعاعى. تەك سٷرٸنگەندە بٸر-بٸرٸمٸزگە سٷيەنە بٸلۋٸمٸز كەرەك. تابالاسپاي, جاعالاسپاي جاعاعا شىعۋعا تيٸسپٸز. امان-ەسەن جاعاعا جەتسەك, اقىلداسا وتىرىپ, كەتكەن كەمشٸلٸكتەرٸمٸزدٸ تٷزەۋدٸڭ امالىنا كٶشەر ەدٸك.
بۇل ٸندەت سٶز جوق ايىلىمىزدى جيعىزدى. تەۋبەمٸزگە تٷسٸردٸ. ٸسٸن وڭدى جٷرگٸزە المايتىن شەندٸلەر مەن شەكتەن تىس داراقىلىققا سالىنىپ, ىسىراپقا جول بەرٸپ كەلە جاتقان جۇرتتىڭ جاعا-جەڭٸن تٷزەپ, اقشانى قايدا جۇمساۋدى, ۋاقىتتى قالاي پايدالانۋدى, بالالاردى قاي باعىتتا وقىتۋدى, بەرٸن-بەرٸن باسقاشا قاراستىرۋ كەرەكتٸگٸ جٶنٸندە قازٸردٸڭ ٶزٸندە ٷلكەن وي سالۋدا دەپ ەسەپتەيمٸن. ٸس باسىنداعى ازاماتتار مەن قاراپايىم قازاعىمنىڭ ٸشٸندە ەلٸ دە ەش ويلانباي جٷرگەندەر بولسا, وعان ەرينە ناليسىڭ.
بۇل ٸندەتتٸڭ بەتٸن جٷيەلٸ جۇمىس, سانالى تەرتٸپ قانا قايتارا الاتىنىن كٶرٸپ وتىرمىز. دەرٸ-دەرمەكتٸڭ قولجەتٸمدٸ بولۋىنا كەدەرگٸ كەلتٸرگەن ادامدارعا قاتتى رەنجٸدٸم. ٸشٸ ەرگەجەيلٸ ادامدار. ٶز باۋىرلارىمىز. ەلدەن, ەلدٸڭ باسشىسىنان ۇيالماي ما ەكەن?
ٶز باسىم حالىقتىڭ قاسٸرەتٸنەن قاراجات جاساعان ادامدار تٶبە كٶرسەتكەن وسىنداي قيىن كەزەڭدە قاسىم-جومارت توقاەۆ سەكٸلدٸ قولى تازا, بيٸك مەدەنيەتتٸ كٸسٸنٸڭ پرەزيدەنت بولىپ وتىرعانىنا شٷكٸر دەدٸم. «قارامايسىڭدار ما? ۇيالمايسىڭدار ما?» دەپ ايتىپ وتىرعانىم دا سوندىقتان. اقىلى, ارى بار ازاماتتار ٷلگٸ الار دەگەن ٷمٸتتەمٸن.
وسى ٸندەتتٸڭ قاراماعىنا ٸلٸنٸپ باقيلىق بولعان بار ادامنىڭ جاقىندارىنا كٶڭٸل ايتامىن. قانشاما قيماسىمىز كەتتٸ. جاندارى جەنناتتا بولعاي!
ەلٸمٸز امان, جۇرتىمىز تىنىش بولسىن. ٸندەتتٸڭ بەتٸ تەزٸرەك قايتسا ەكەن دەپ تٸلەيمٸن. سوعان بارشاڭىز تەرتٸپكە باعىنىپ, كارانتين تالاپتارىن ساقتاپ, ات سالىسىڭىز-
دار.
ەكٸم تارازي,
جازۋشى-دراماتۋرگ, مەملەكەتتٸك سىيلىقتىڭ لاۋرەاتى
