قىرعىزستان پرەزيدەنتٸ سوورونباي جەەنبەكوۆ ەلدٸڭ بۇرىنعى باسشىسى المازبەك اتامباەۆتىڭ ٸسٸ زاڭ اياسىندا شەشٸلۋٸ تيٸس ەكەنٸن مەلٸمدەدٸ.
مەملەكەت باسشىسىنىڭ باسپاسٶز قىزمەتٸ شۋ وبلىسى پانفيلوۆ اۋدانى تۇرعىندارىنىڭ سۇراعىنا جاۋاپ بەرە وتىرىپ, بۇرىنعى پرەزيدەنتكە قاتىستى جاعدايعا تٷسٸنٸكتەمە بەردٸ, دەپ جازدى Sputnik قىرعىزستان.
"قىرعىزستاندىقتاردى المازبەك اتامباەۆتىڭ اينالاسىنداعى جاعدايعا قاتىستى مەنٸڭ كٶزقاراسىم قىزىقتىرىپ وتىرعانىن بٸلەمٸن. سوڭعى كەزدەرٸ ونىڭ اينالاسىندا بولىپ جاتقان وقيعا, ونىڭ ٸشٸندە اتامباەۆتىڭ تەرگەۋگە شاقىرىلۋى – زاڭدى قۇبىلىس. قۇقىقتىق مەملەكەتتە تەك قانا زاڭ اياسىندا ەرەكەت ەتۋ كەرەك. ادام كٸم بولسا دا – بۇرىنعى پرەزيدەنت پە, شەنەۋنٸك پە, ەسكەري نەمەسە قاراپايىم قىزمەتكەر مە – بەرٸ زاڭ الدىندا تەڭ. سوندا عانا ەل داميدى. اتامباەۆتىڭ ٸسٸ دە قىرعىزستان زاڭناماسى اياسىندا شەشٸلۋٸ تيٸس", — دەپ اتاپ ٶتتٸ پرەزيدەنت.
ەسكە سالا كەتسەك, 13 ماۋسىم كٷنٸ قىرعىزستان پارلامەنتٸ ارنايى كوميسسييا قۇرعان بولاتىن. كوميسسييا المازبەك اتامباەۆتىڭ التى قىلمىسقا قاتىسى بار بولۋى مٷمكٸن دەگەن قورىتىندى جاسادى. 20 ماۋسىم كٷنٸ جوگوركۋ كەنەش بۇل قورىتىندىنى ماقۇلداپ, باس پروكۋراتۋراعا جٸبەرگەن.
كەيٸن باس پروكۋرور التى فاكتٸنٸڭ بەسەۋٸ بويىنشا قىلمىستىق ٸس قوزعاۋعا نەگٸز بار ەكەنٸن ايتتى. 27 ماۋسىم كٷنٸ جوگوركۋ كەنەش اتامباەۆتى ەكس-پرەزيدەنت مەرتەبەسٸنەن ايىرۋ تۋرالى شەشٸم قابىلدادى.
بۇدان سوڭ ساياساتكەردٸڭ ٷيٸنٸڭ ماڭىندا جاقتاستارى جينالا باستادى. ٸٸم تەرگەۋ توبى اتامباەۆتى ٷش رەت جاۋاپ الۋعا شاقىردى. الايدا ول بارعان جوق. جوگوركۋ كەنەش شەشٸمٸن زاڭسىز دەپ سانايتىنىن العا تارتقان. اتامباەۆ كوستيتۋتسييالىق پالاتاعا تالاپ جولدادى.
