"ريو-دە جانەيرو قالاسىندا ٶتٸپ جاتقان وليمپيادا ويىندارىندا اۋىر اتلەتيكادان قىزدار اراسىندا 69 كەلٸدە ٶنەر كٶرسەتەتٸن جازيرا جاپپارقۇل كٷمٸس جٷلدەگە يە بولدى", - دەپ حابارلايدى ۇلت.كز تٸلشٸسٸ.
69 كەلٸ سالماق دەرەجەسٸندە سىنعا تٷسكەن وتانداسىمىز جۇلقا كٶتەرۋ سىنىندا 115 كەلٸنٸ كٶتەرٸپ, ەكٸنشٸ ورىننان كٶرٸندٸ. بۇل سىندا قىتايلىق اتلەت يانمەي سيان 116 كەلٸمەن بٸرٸنشٸ نەتيجە كٶرسەتتٸ.
سەرپە كٶتەرۋدەن جەرلەسٸمٸز 144 كەلٸنٸ باسىنان اسىرىپ, تاعى دا قىتايلىق قىزدان كەيٸنگٸ ورىننان كٶرٸندٸ. وسىلايشا 259 ۇپايمەن ەكٸنشٸ ورىندى ەنشٸلەدٸ. ال يانمەي سيان 261 ۇپايمەن التىن جٷلدەنٸ قانجىعالادى.
جازيرا جاپپارقۇل 1993 جىلى وڭتٷستٸك قازاقستان وبلىسىنىڭ ارىس اۋدانىندا دٷنيەگە كەلگەن. 8 جاسىنان باستاپ اۋىر اتلەتيكامەن اينالىسا باستاعان. العاشقى باپكەرٸ راشيت تٶلەگەنوۆ. قازٸر دە وسى باپكەرٸمەن جۇمىس جاساپ كەلەدٸ.
ول ەڭ العاش 58, 63 كەلٸ سالماقتا قازاقستان چەمپيونى اتاندى. ال 2010 جىلى 17 جاسىندا سينگاپۋردە ٶتكەن تۇڭعىش جاسٶسپٸرٸمدەر اراسىنداعى وليمپيادا ويىندارىندا قازاق قىزدارى اراسىنان تۇڭعىش جەڭٸس تۇعىرىنىڭ ەڭ بيٸك ساتىسىنان كٶرٸندٸ. بۇل ونىڭ ٷلكەن سپورتقا دەگەن قۇشتارلىعىن وياتتى. سينگاپۋردە جازيرا 63 كەلٸدە ٶنەر كٶرسەتٸپ, قوس سايىستىڭ قورىتىندىسى بويىنشا 205 (90+115) كەلٸنٸ باعىندىردى.
2012 جىلى گۆاتەمالاداعى جاسٶسپٸرٸمدەر اراسىنداعى ەلەم بٸرٸنشٸلٸگٸندە چەمپيون اتاندى. قوس سايىستىڭ قورىتىندىسى - 239 كەلٸ (106+133). ال 2013 جىلى جاپپارقۇل جاسٶسپٸرٸمدەر اراسىنداعى ەلەم چەمپيوناتىندا كٷمٸس جٷلدەگەر اتاندى.
جازيرا 2011 جىلى العاش رەت ەرەسەكتەر اراسىنداعى ەلەم بٸرٸنشٸلٸگٸنە قاتىستى. الايدا وندا جٷلدە بۇيىرمادى. قارسىلاستارىنىڭ بارلىعى كٸلەڭ مىقتىلار ەدٸ. 2013 جىلى دا ەرەسەكتەر اراسىنداعى ەلەم چەمپيوناتىندا باعى جانبادى. الايدا, ول 2014 جىلى ٶز ەلٸمٸزدە الماتى قالاسىندا ٶتكەن ەلەم بٸرٸنشٸلٸگٸندە تۇڭعىش رەت قازاق قىزدارى اراسىندا اۋىر اتلەتيكادان "ەلەم چەمپيوناتىنىڭ كٷمٸس جٷلدەگەرٸ" دەگەن اتاققا قول جەتكٸزدٸ. وندا جۇلقا كٶتەرۋدەن 118 كەلٸنٸ, سەرپە كٶتەرۋ بەسەكەسٸندە 144 كەلٸنٸ كٶتەرٸپ, قوس سايىستىڭ قورىتىندىسى بويىنشا 262 كەلٸنٸ باعىندىردى.
2015 جىلى حيۋستوندا ٶتكەن, ريو وليمپياداسىنىڭ جولدامالارى ساراپقا سالىنعان ەلەم چەمپيوناتىندا تاعى دا جەڭٸس تۇعىرىنىڭ ەكٸنشٸ ساتىسىنان كٶرٸنٸپ, ەكٸنشٸ مەرتە ەلەم بٸرٸنشٸلٸگٸنٸڭ كٷمٸس جٷلدەگەرٸ دەگەن اتاققا قول جەتكٸزدٸ.
ۇلت پورتالى
