فوتو: Tengrinews.kz
جازعى دەمالىس ماۋسىمى جاقىنداعان سايىن تۋريستەر تابيعاتتى, مەدەنيەتتٸ, جايلى ينفراقۇرىلىمدى بٸرٸكتٸرەتٸن باعىتتاردى ٸزدەي باستايدى. قازاقستاندا جازعى تۋريزمدٸ دامىتۋ ٷشٸن تٷرلٸ مٷمكٸندٸك بار. قر تۋريزم جەنە سپورت مينيسترلٸگٸ ەكوتۋريزم جەنە تانىمدىق باعىتتار ەلەۋەتٸن اشاتىن توپ-5 باعىتتى ۇسىندى, دەپ حابارلايدى Ult.kz.
1. كاتونقاراعاي, شىعىس قازاقستان وبلىسى
كاتونقاراعاي ۇلتتىق پاركٸ — قازاقستاندا Green Destinations حالىقارالىق تٸزٸمٸنە ەنگەن العاشقى اۋماق. ٶڭٸر كٶركەم تابيعاتىمەن, بيٸك تاۋلارىمەن, كٶلدەرٸمەن, ەمدٸك بۇلاقتارىمەن تانىمال. تۋريستەر يازەۆوە كٶلٸنە, بەلۋحا تاۋىنا, «راحمان قاينارى» قورىق ايماعىنا جەنە شٷكٸر شايجٷنٸسوۆ مۋزەيٸنە بارۋىنا بولادى. بۇل ٶڭٸر ەكوتۋريزم, الپينيزم جەنە ساۋىقتىرۋ تۋريزمٸ ٷشٸن ٶتە قولايلى ورىن سانالادى.
2. قورعالجىن قورىعى, اقمولا وبلىسى
قورعالجىن — قوقيقازداردى تابيعي مەكەنٸندە كٶرۋگە بولاتىن ەلەمدەگٸ سيرەك ورىنداردىڭ بٸرٸ. جازدا قورىق كٶلدەرٸنە مىڭداعان جىل قۇسى ۇشىپ كەلەدٸ. بۇل باعىت ورنيتولوگييامەن اينالىساتىندار مەن تابيعات تىنىشتىعىن قالايتىن تۋريستەر اراسىندا تانىمال.
3. التىنەمەل ۇلتتىق پاركٸ, جەتٸسۋ وبلىسى
التىنەمەل — تابيعي الۋانتٷرلٸلٸك پەن مەدەني مۇرا توعىسقان ٸرٸ تۋريستٸك ورتالىقتاردىڭ بٸرٸ. پاركتە زاماناۋي ۆيزيت-ورتالىق جۇمىس ٸستەيدٸ. تۋريستەرگە باعىتتار بويىنشا اقپارات بەرۋ, قىزمەت كٶرسەتۋ, ناۆيگاتسييالىق قولداۋ ۇسىنىلادى. باستى نىسانداردىڭ قاتارىندا — «ايعاي قۇم», اقتاۋ تاۋلارى مەن تامعالى-تاس پەتروگليفتەرٸ بار. بۇل باعىت وتباسىلىق جەنە جەكە ساياحاتقا دا قولايلى.
4. سايرام-ٶگەم ۇلتتىق پاركٸ, تٷركٸستان وبلىسى
سايرام-ٶگەم — وڭتٷستٸك ايماقتاعى ەلەۋەتٸ جوعارى, بٸراق ەلٸ تولىق اشىلماعان باعىتتاردىڭ بٸرٸ. مۇندا مۇزدىق كٶلدەرگە اپاراتىن جاياۋ باعىتتار مەن تاۋ فلوراسىمەن تانىسۋ مٷمكٸندٸگٸ بار. ەكوتۋريزم دامىپ كەلە جاتقان بۇل ٶڭٸر ٸشكٸ تۋريزم ٷشٸن تىڭ مٷمكٸندٸككە اينالۋدا.
5. «سارتاس» ۆيزيت-ورتالىعى, ماڭعىستاۋ وبلىسى
ماڭعىستاۋ ٶڭٸرٸ تۋريستٸك ينفراقۇرىلىمدى بەلسەندٸ تٷردە دامىتىپ كەلەدٸ. جاڭادان اشىلعان «سارتاس» ۆيزيت-ورتالىعى ٶڭٸردٸڭ پەتروگليفتەرٸنە, جارتاس كەشەندەرٸنە جەنە قاسيەتتٸ ورىندارىنا باراتىن كەلۋشٸلەر ٷشٸن اشىق. بۇل ورتالىق لوگيستيكا مەن قاۋٸپسٸز مارشرۋتتارعا قولايلى جاعداي جاسايدى. جاز مەزگٸلٸ — ماڭعىستاۋدىڭ ەرەكشە تابيعاتى مەن تاريحي كەڭٸستٸگٸن تانۋعا تاپتىرماس كەزەڭ.
