فوتو: baribar.kz
جاس باستالىپ, ستۋدەنتتەر دە وقۋدان بوساي باستادى. الدى ٷش اي جاز, جاستار قوسىمشا اقشا تابۋ ٷشٸن تٷرلٸ جۇمىسقا شىعادى. ەلٸمٸزدە ستۋدەنتتەر جازعى دەمالىس كەزٸندە قانداي جۇمىس تٷرلەرٸمەن اينالىسا الاتىنىن Ult.kz تٸلشٸسٸ انىقتاپ كٶردٸ.
ستۋدەنتتەر وقۋ بارىسىندا جۇمىس ٸستەي الادى, بٸراق جۇمىس ۋاقىتى وقۋ كەستەسٸنە ساي بولۋ كەرەك. وقۋ ورنىنىڭ رۇقساتىن الۋ قاجەت بولۋى مٷمكٸن. دۋالدى بٸلٸم بەرۋ جٷيەسٸ بويىنشا وقيتىن ستۋدەنتتەر بٸرٸنشٸ نەمەسە ەكٸنشٸ كۋرسىنان باستاپ ماماندىعىمەن جۇمىس ٸستەي الادى.
ال جاز مەزگٸلٸندە «جاسىل ەل» باعدارلاماسى ٸسكە قوسىلادى. 18 جاسقا تولعان ستۋدەنتتەر جازعى دەمالىس كەزٸندە بۇل باعدارلاماعا قاتىسىپ, قۇرىلىس, كٶگالداندىرۋ سيياقتى جۇمىستارعا ارالاسا الادى. جالاقى كٶلەمٸ 30 000–150 000 تەڭگە ارالىعىندا. الايدا كٶپ ستۋدەنت كٷندەلٸكتٸ تابىس ەكەلەتٸن جۇمىس ٸستەگٸسٸ كەلەدٸ ەكەن. مەسەلەن:
فوتو: businessmir.kz
كۋرەرلٸك قىزمەت: كۋرەر بولىپ جۇمىس ٸستەپ, كٷنٸنە 10 000 تەڭگەدەن استام تابىس تابۋعا بولادى. رەپەتيتورلىق قىزمەت: IELTS, SAT سيياقتى پەندەر بويىنشا رەپەتيتورلىق قىزمەت كٶرسەتۋ. ق.سەتباەۆ اتىنداعى قازۇتۋ-دىڭ ستۋدەنتٸ ارقاس ەدٸلەتوۆ بيىل ٷشٸنشٸ جىل كۋرەرلٸك قىزمەت كٶرسەتەدٸ. تابىسى دا جامان ەمەس.
«يە, جاز بودى كۋرەر بولىپ ٸستەيمٸن. العاشقى جىلى قالاداعى اقىلى ساموكاتتاردى مٸنٸپ تاسيتىنمىن. بىلتىر ٶزٸمە موپەد ساتىپ الدىم, اقشامدى جيناپ. بيىل دا كۋرەر بولىپ باستادىم. ستۋدەنتكە ەشكٸم كٶپ اقشا بەرە قويمايدى. ول ٷشٸن تەۋەلدٸ بولماي, وسىلاي جەكە ٶزٸم تاسىعاندى جٶن كٶرەمٸن. كٷنٸنە 25-30 مىڭ تەڭگەگە دەيٸن تابامىن. وسى جۇمىسىمنىڭ ارقاسىندا قازٸر الماتىنىڭ ٷلكەن كٶشەلەرٸن دە, كٸشكەنتاي كٶشەلەرٸن دە جاقسى بٸلٸپ الدىم, كٶزٸمدٸ جۇمىس تۇرىپ تاۋىپ بارا الامىن. تابىسىڭنىڭ 15 پايىزىن تٸركەلگەن كومپانييا ۇستايدى, بٸراق سونىڭ ٶزٸندە ٶتە جاقسى اقشا تابامىن دەپ ويلايمىن. 19 جاسىمدا ايىنا 700-800 مىڭ تەڭگە تاۋىپ وتىرمىن. بۇل مەنٸڭ ٶزٸمە تولىعىمەن جەتٸپ, وتباسىمدى دا اراسىندا قۋانتىپ تۇرۋىما ەبدەن جەتەدٸ», – دەيدٸ ارقاس ەدٸلەتوۆ.
سونىمەن قاتار, قازٸر جاستار كلينينگتٸك قىزمەتتەر, ياعني ٷي نەمەسە كەڭسە تازالاۋ قىزمەتٸن دە كٶرسەتٸپ جٷر. قۇرىلىس جۇمىستارىندا كٶمەكشٸ: قۇرىلىس الاڭدارىندا قارا جۇمىستاردى اتقارۋ. مەيرامحانالاردا قىزمەت كٶرسەتۋ: داياشى, كاسسير, ساتۋشى-كونسۋلتانت سيياقتى جۇمىستار دا اتقارادى.
فوتو: tasty-team.ru
داياشى بولىپ جۇمىس باستاعان رايىمبەك بەدەلبەك الماتى قالاسىنداعى كٶپ سالالى كوللەدجتٸڭ ستۋدەنتٸ. ول بيىل العاش رەت ەڭبەككە ارالاسىپ جاتىر ەكەن.
«بيىل 16 جاسقا تولستىم. بۇعان دەيٸن جاسىڭ جەتپەيدٸ دەپ ەشقانداي جەر جۇمىسقا المايتىن ەدٸ. قازٸر جاسىما ساي جۇمىس ٸستەي الامىن, ول ٷشٸن انام جۇمىس ٸستەۋٸمە قارسى ەمەسٸن كٶرسەتٸپ, جولداعى قاۋٸپسٸزدٸگٸمدٸ ٶز جاۋاپكەرلشٸلٸگٸنە العان قولحات جازىپ بەردٸ. العاشقى جۇمىسىم بولعاندىقتان, داياشى بولۋدان باستايىن دەپ شەشتٸم. ەزٸرگە ەشقانداي تەجٸريبەم جوق, سوندىقتان ٷلكەن جۇمىستاردى جاۋاپكەرشٸلٸككە الۋعا قورىقتىم. قازٸر ەڭ باستى ماقساتىم, جاڭا وقۋ جىلىنا وتباسىما سالماق سالماي ٶزٸم دايىندالۋ. جاستاردىڭ, ەسٸرەسە ەر ازاماتتىڭ «ٶز قالتاسى» بولعانى دۇرىس دەپ ەسەپتەيمٸن», – دەيدٸ رايىمبەك بەدەلبەك .
نەگٸزٸ ەر بالانىڭ قۇقىعى قورعالادى. ەڭبەك كودەكسٸ بويىنشا, 14 جاستان اسقان جاستار جازعى دەمالىس كەزٸندە جۇمىس ٸستەي الادى. جۇمىس ۋاقىتى مەن شارتتارى ەڭبەك كودەكسٸنە سەيكەس بولۋى تيٸس.
اقبوتا مۇسابەكقىزى
