اۋىل شارۋاشىلىعى ۆيتسە-مينيسترٸ رٷستەم قۇرمانوۆ شارۋا قوجالىقتاردىڭ اتىنا تٸركەلگەن 72,4 ملن گا جايىلىم جەردٸڭ جارتىسىنا جۋىعى عانا يگەرٸلٸپ وتىرعانىن ايتتى, دەپ حابارلايدى قازاقپارات.
«پرەزيدەنتتٸڭ تاپسىرماسى بويىنشا ٶڭٸرلەردە پايدالانىلماي جاتقان جايىلىمدىق جەردٸڭ كٶلەمدەرٸ انىقتالىپ جاتىر. 2019 جىلدىڭ قاراشا ايىندا مينيسترلٸك اۋىل تۇرعىندارىنا ارنالعان مەن اۋىل شارۋاشىلىعى سالاسىنداعى كەسٸپورىنداردىڭ اتىنا تٸركەلگەن جايىلىم جەرلەرگە جٸتٸ تالداۋ جۇمىستارىن اياقتاعان ەدٸ. اۋداندار مەن اۋىلدىق وكرۋگتەردەگٸ جايىلىمعا تٷسەتٸن نورماتيۆتٸ جٷكتەمەلەر مال سانىمەن سالىستىرا ەسەپتەلدٸ», - دەدٸ رٷستەم قۇرمانوۆ اۋىل شارۋاشىلىعى مينيسترلٸگٸنٸڭ القا مەجٸلٸسٸندە.
تالداۋ جۇمىستارى كٶرسەتكەندەي, بٷكٸل وبلىستاعى قاراپايىم حالىق ٷشٸن, ەسٸرەسە وڭتٷستٸكتەگٸ ٶڭٸرلەردە جايىلىم جەردٸڭ جەتٸسپەيتٸنٸ انىقتالىپ وتىر. ونىڭ ٷستٸنە قازٸرگٸ شارۋا قوجالىقتاردىڭ اتىنا تٸركەلگەن 72,4 ملن گا اۋماقتىڭ جارتىسىنا جۋىعى مال باسىنىڭ جەتكٸلٸكتٸ سانىمەن قامتىلماعان.
«وسىعان بايلانىستى مينيسترلٸك حالىققا جايىلىم جەردٸ بٶلۋ بويىنشا وبلىس ەكٸمدەرٸنٸڭ اتىنا تيٸستٸ حاتتاردى جولدادى. نەتيجە دە بار. جىل باسىنان بەرٸ مەملەكەتتٸڭ مەنشٸگٸنە 1,8 ملن گا جايىلىم جەر قايتارىلدى. بۇل باعىتتاعى جۇمىس جالعاسىن تابادى», - دەدٸ ۆيتسە-مينيستر.
سونىمەن قاتار 2019 جىلى اشم جەر رەسۋرستارىن باسقارۋ بويىنشا كوميتەت جەر زاڭناماسىنىڭ ساقتالۋىن قاداعالاۋ جۇمىستارى اياسىندا سوت ارقىلى مەملەكەت مەنشٸگٸنە پايدالانىلماي جاتقان 1,2 ملن گا جەردٸ, 37 مىڭ گا ەگٸندٸك القابىن, 1163 مىڭ گا جايىلىم جەردٸ قايتارعان.
«اتالعان جەردٸ جاڭا جەر پايدالانۋشىلارعا تاراتىپ, اۋىل شارۋاشىلىعى اينالىمىنا ەنگٸزۋ جۇمىسى جالعاسۋدا», - دەدٸ ول.
ەسكە سالا كەتسەك, بۇعان دەيٸن اۋىل شارۋاشىلىعى ۆيتسە-مينيسترٸ رٷستەم قۇرمانوۆ سولتٷستٸك قازاقستان مەن اقمولا وبلىستارىنداعى پايدالانىلماي جاتقان جەرگە عارىش ارقىلى جٷرگٸزٸلگەن اۋديتتٸڭ قورىتىندىسىن جارييالاپ, بۇل جۇمىس بيىل باسقا وبلىستاردا جالعاساتىنىن مەلٸم ەتكەن ەدٸ.
