جاتىر موينى قاتەرلٸ ٸسٸگٸمەن اۋىراتىندار جىل ٶتكەن سايىن جاسارىپ كەلە جاتىر. بۇل تۋرالى قر دەنساۋلىق ساقتاۋ مينيسترلٸگٸنٸڭ باس ونكولوگ دەرٸگەرٸ, قازاق ۇلتتىق ونكولوگييا جەنە راديولوگييا ينستيتۋتىنىڭ ديرەكتورى ديليارا قايداروۆا Instagram پاراقشاسىندا ٶتكەن تٸكەلەي ەفيردە ايتتى, دەپ حابارلايدى قازاقپارات.
«جاتىر موينى قاتەرلٸ ٸسٸگٸنٸڭ پايدا بولۋىنا سەبەپ بولاتىن نەگٸزگٸ فاكتور – ادامنىڭ پاپيللوما ۆيرۋسى. بۇل تۋرالى بٷگٸنگٸ تاڭدا بٷكٸل ەلەم بٸلەدٸ. ادام پاپيللوما ۆيرۋسىنىڭ 16 جەنە 18-تيپٸ جاتىر موينى قاتەرلٸ ٸسٸگٸن تۋدىرادى. بٸزدٸڭ مەملەكەتتە ادام پاپيللوما ۆيرۋسىنا ارنالعان سكرينينگ جوق, سول سەبەپتٸ ەيەلدەر تۇراقتى تٷردە دەرٸگەرگە بارىپ, قارالىپ تۇرۋى كەرەك», - دەيدٸ باس ونكولوگ دەرٸگەر ديليارا قايداروۆا.
ونىڭ ايتۋىنشا, سەرٸگٸن جيٸ اۋىستىرۋ جەنە باسقا دا سەبەپتەر بۇل اۋرۋ تٷرٸنٸڭ پايدا بولۋىنا سەبەپشٸ بولادى.
«قورعانىس قۇرالدارىن قولدانباعان جىنىستىق قاتىناس, ادام بويىندا باكتەرييالىق جەنە ۆيرۋستىق ەرتٷرلٸ ينفەكتسييا بولۋى جاتىر موينى قاتەرلٸ ٸسٸگٸنٸڭ پايدا بولۋىنا ەكەپ سوعادى. جىنىستىق قاتىناسپەن تىم ەرتە اينالىساتىن قىزدار ەرتٷرلٸ ينفەكتسييا, ۆيرۋس جۇقتىرىپ الادى. سونىڭ سالدارىنان جاتىر موينى زاقىمدالادى. ونداي بويجەتكەندەردە 10, 15, 20 جىل كٶلەمٸندە قاتەرلٸ ٸسٸك دەرتٸ پايدا بولۋى مٷمكٸن. نەگٸزٸ بۇل اۋرۋ تٷرٸمەن 40 جاستان اسقاندار اۋىرادى, بٸراق جىل ٶتكەن سايىن جاتىر موينى قاتەرلٸ ٸسٸگٸ جاسارىپ كەلەدٸ. بٸزگە 1992 جىلعى قىزدار وسى دەرتپەن كەلەدٸ», - دەيدٸ ول.
