بٷگٸن پارلامەنت مەجٸلٸسٸنٸڭ جالپى وتىرىسىندا دەپۋتات دانييا ەسپاەۆا دارىندى جاستاردىڭ شەتەلگە كەتۋٸنە قولدانىستاعى گرانتتاردى بٶلۋ جٷيەسٸ سەبەپ بولىپ وتىرعانىن مەلٸم ەتتٸ, دەپ حابارلايدى قازاقپارات.
«ٶكٸنٸشكە قاراي, ۇبت مەن گرانتتاردى تاعايىنداۋدىڭ داۋلى سيپاتى, سونداي-اق وسىمەن بايلانىستى ەموتسييالىق كٷيزەلٸستەر جىلدار بويى جالعاسىپ كەلەدٸ جەنە ول سوزىلمالى مەسەلەگە اينالدى. سونىمەن قاتار بۇل جاعداي كٶپتەگەن جاستاردى قاجەتسٸز ماشاقاتتان اينالىپ ٶتۋ ماقساتىندا باسقا دا جولداردى ٸزدەستٸرۋگە يتەرمەلەپ وتىر. وعان قوسا, وسىنداي مٷمكٸندٸكتەردٸ, ياعني مەملەكەتتٸك گرانتتاردى رەسەيدٸڭ, چەحييانىڭ, قىتايدىڭ جەنە باسقا دا ەلدەردٸڭ جوعارى وقۋ ورىندارى ۇسىنىپ وتىرعانىن ۇمىتپاۋعا تيٸسپٸز», - دەپ توقتالدى ول.
وسى ورايدا دەپۋتات كەيبٸر مەلٸمەتتەرگە توقتالا كەلە, تەك بيىلدىڭ ٶزٸندە ۇبت-دان باس تارتىپ, شەتەلدٸك گرانتتار بويىنشا بٸلٸم الۋعا قازاقستاننىڭ 40 مىڭ تٷلەگٸ باعىت العانىن, بۇل ٶز كەزەگٸندە تٷلەكتەردٸڭ 30 پايىزعا جۋىعى ەكەنٸن اتاپ ٶتتٸ. بۇل تۇرعىدا د. ەسپاەۆا قولدانىستاعى گرانتتاردى بٶلۋ جٷيەسٸ ەلدەن تالاپتى جاستاردىڭ شەتەلگە قونىس اۋدارۋىن ىنتالاندىرىپ وتىرعانىن سٶز ەتتٸ.
ونىڭ پايىمىنشا, رەسەيلٸك, ەۋروپالىق جەنە قىتايلىق ۋنيۆەرسيتەتتەر ۇبت-نىڭ قاجەتٸنسٸز-اق تالاپتى جاستاردى ٸرٸكتەپ جاتىر, سونداي-اق ولاردىڭ اراسىنداعى كٶپتەگەن جاس ماماندار ەندٸ قازاقستانعا ورالماۋى مٷمكٸن.
«بٸرٸنشٸدەن, 110 باللدان جوعارى العان, الايدا تاڭداعان ماماندىعىمەن گرانت يەلەنبەگەن تالاپكەرلەرگە كەلەسٸ كەزەكتە ۇبت بويىنشا پەندەر ايىرماشىلىعىن تاپسىرۋ تالابىمەن بٶلٸنبەنگەن گرانتتارى بار باسقا ماماندىقتار بويىنشا گرانت ۇسىنعان دۇرىس. ەكٸنشٸدەن, ۇبت-دان بٶلەك, قابىلداۋ ەمتيحانى جٷيەسٸ ارقىلى جوعارى وقۋ ورنىنا تٷسۋدٸڭ بالامالى نۇسقالارىن تالاپكەرلەر تاڭداۋىنا ەنگٸزۋ مٷمكٸندٸگٸن قاراستىرعان جٶن. ٷشٸنشٸدەن, دارىندى ەرٸ تالاپتى جاستاردىڭ شەتەلگە قونىس اۋدارۋىن توقتاتۋ مەن عالىمدار مەن جاس مامانداردىڭ ەلگە ورالۋىن ىنتالاندىراتىن باعدارلامانى ەزٸرلەۋ كەرەك», - دەدٸ دەپۋتات.
