ەلباسىنىڭ بىلتىرعى «قازاقستاندىقتاردىڭ ەل-اۋقاتىنىڭ ٶسۋٸ: تابىس پەنتۇرمىس ساپاسىن ارتتىرۋ» اتتى حالىققا جولداۋىنداعى يگٸ باستامالاردىڭ بٸرٸ وسى 2019 جىلدى «جاستار جىلى» دەپ جارييالاۋى ەدٸ. مٸنە بٷگٸندە جۇرت بولىپ قولداعان سول باستامانى رەسمي تٷردە جٷزەگە اسىرۋدىڭ العاشقى قادامى جاسالدى.
ەلباسىنىڭ قاتىسۋىمەن ەلوردادا «جاستار جىلىنىڭ» رەسمي اشىلۋ سالتاناتى ٶتتٸ. وعان ەر سالادا جەمٸستٸ ەڭبەك ەتٸپ جٷرگەن جاستار ٶكٸلدەرٸ, تٸپتٸ, شەت ەلدەردە تۇراتىن قانداستارىمىزدىڭ شاقىرىلۋى بۇل يگٸ شارانىڭ اۋقىمدىلىعىن ايعاقتايدى. جيىندا كٶتەرٸلگەن مەسەلەلەر مەن ايتىلعان ۇسىنىستاردىڭ قاي-قايسىسى دا – ٶزەكتٸ. ەندٸ سول ۇسىنىستار نەگٸزٸندٸ ناقتى باعدارلامالار ەزٸرلەنٸپ, جەر-جەرلەردە, تٸپتٸ ەل اۋماعىنان تىس, قازاق دياسپورالارى تۇراتىن شەت ەلدەردە دە جٷزەگە اسۋى تيٸس.
«جاستار جىلىن» جارييالاۋدى نەگە قولداپ, بۇل باستاماعا قۋانىپ وتىرمىز? ونىڭ بٸرنەشە سەبەبٸ بار. ەڭ باستىسى, بۇل – بولاشاقتى ويلاۋدان تۋعان ٸس. قاي زاماندا بولماسىن قوعامنىڭ قوزعاۋشى كٷشٸ, العا جەتەلەۋشٸسٸ – جاستار. جاستار دەگەندە تىڭ يدەيالار, سونى باستامالار ويعا ورالادى. ەلٸمٸزدٸڭ ەندٸگٸ دامۋ كٶكجيەگٸن كەڭەيتەتٸن دە وسى جاستار. دەمەك, قازٸر قۋاتى تاسىعان, ەڭسەلٸ ەلٸمٸز ەڭ الدىمەن جاستاردى قولداپ, ولارعا مەملەكەتتٸك دەڭگەيدە دەمەۋ كٶرسەتۋٸ – زاڭدىلىق.
جاستارىمىز دا وتاننىڭ وسى قامقورلىعىن تەرەڭ سەزٸنٸپ, وزىق بٸلٸمٸمەن, ادال ەڭبەگٸمەن لايىقتى جاۋاپ قايتارادى دەگەن ويدامىن. بۇل ويىمنىڭ قاتە ەمەستٸگٸنە, جاستاردىڭ ەلباسى سەنٸمٸن اقتايتىنىنا بٷگٸنگٸ ٶتكەن جيىندى, ونداعى جالىندى جاستاردى كٶرٸپ, تاعى بٸر كٶز جەتكٸزدٸم. «جاستار جىلى» جارقىن ٸستەر جىلى بولسىن دەگٸم كەلەدٸ.
باتىربەك مىرزابەكوۆ,
«قۇرمەت» وردەنٸنٸڭ يەگەرٸ,
قازاقستان جازۋشىلار وداعىنىڭ مٷشەسٸ,
قازاقستاننىڭ قۇرمەتتٸ جۋرناليسٸ
