جاسٶسپٸرٸمدەر جٷكتٸلٸگٸ: ۇلتتىق كوميسسييا جاڭا ستراتەگييا ەزٸرلەيدٸ

فوتو: اشىق دەرەككٶز

2025 جىلدىڭ 20 ماۋسىمىندا قر پرەزيدەنتٸ جانىنداعى ەيەلدەر ٸستەرٸ جەنە وتباسىلىق-دەموگرافييالىق ساياسات جٶنٸندەگٸ ۇلتتىق كوميسسييانىڭ وتىرىسى ٶتٸپ, وندا جاسٶسپٸرٸمدەر اراسىنداعى ەرتە جٷكتٸلٸكتٸڭ الدىن الۋ مەسەلەلەرٸ تالقىلاندى, دەپ حابارلايدى Ult.kz.

جيىن بارىسىندا بۇل مەسەلەنٸڭ ەلەۋمەتتٸك ماڭىزى زور ەكەنٸ اتاپ ٶتٸلٸپ, جاڭا پروفيلاكتيكالىق ستراتەگييانى ەزٸرلەۋ تۋرالى شەشٸم قابىلداندى.

وتىرىستى ۇلتتىق كوميسسييا تٶراعاسى, قازاقستان رەسپۋبليكاسىنىڭ مەدەنيەت جەنە اقپارات مينيسترٸ ايدا بالاەۆا اشىپ, جاستاردىڭ رەپرودۋكتيۆتٸ دەنساۋلىعىن ساقتاۋ جەنە ەرتە جٷكتٸلٸكتٸڭ الدىن الۋ مەسەلەلەرٸنٸڭ ٶزەكتٸلٸگٸن اتاپ ٶتتٸ. ونىڭ ايتۋىنشا, جاسٶسپٸرٸمدەر مەن جاستاردىڭ جىنىستىق جەنە رەپرودۋكتيۆتٸ ساۋاتتىلىق دەڭگەيٸنٸڭ تٶمەندٸگٸ الاڭداتارلىق جايت.

جاڭا قۇرام جەنە باستى مەسەلەلەر

وتىرىس ۇلتتىق كوميسسييانىڭ جاڭارتىلعان قۇرامىمەن ٶتتٸ, وعان قوعام قايراتكەرلەرٸ, ساراپشىلار مەن عالىمدار قاتارىنان 8 جاڭا مٷشە ەندٸ. سونىمەن قاتار, ۇلتتىق كوميسسييا تٶراعاسىنىڭ جاڭا ورىنباسارى بولىپ ايمان وماروۆا تاعايىندالدى. جيىننىڭ نەگٸزگٸ كٷن تەرتٸبٸندە جاسٶسپٸرٸمدەر اراسىنداعى ەرتە جٷكتٸلٸكتٸڭ الدىن الۋ شارالارى مەن رەپرودۋكتيۆتٸ دەنساۋلىق اپتالىعىنىڭ قورىتىندىلارى سٶز بولدى.

دەنساۋلىق ساقتاۋ مينيسترلٸگٸنٸڭ ۇسىنىستارى

قر دەنساۋلىق ساقتاۋ مينيسترٸ اقمارال ەلنازاروۆا جاسٶسپٸرٸمدەر اراسىنداعى جٷكتٸلٸك پەن جاساندى تٷسٸك جاساتۋ كٶرسەتكٸشٸنٸڭ جوعارى ەكەنٸن مەلٸمدەدٸ. مينيسترلٸك بالالارعا گينەكولوگييالىق كٶمەكتٸ جەتٸلدٸرۋگە باعىتتالعان 2023-2025 جىلدارعا ارنالعان جول كارتاسىن جەنە بالالارعا پروفيلاكتيكالىق كٶمەكتٸ جاقسارتۋ جٶنٸندەگٸ ٸس-شارالار جوسپارىن قابىلداعان. جوسپار اياسىندا كونتراتسەپتيۆتەرگە قولجەتٸمدٸلٸكتٸ ارتتىرۋ, اقپاراتتىق تٷسٸندٸرۋ جۇمىستارىن جٷرگٸزۋ جەنە كادر ەلەۋەتٸن كٷشەيتۋ كٶزدەلگەن.

بالالاردىڭ قۇقىقتارىن قورعاۋ كوميتەتٸنٸڭ تٶراعاسى ناسىمجان وسپانوۆا بٸلٸم بەرۋ جٷيەسٸندەگٸ جىنىستىق تەربيە مەن تٷسٸندٸرۋ جۇمىستارىنىڭ بارىسى تۋرالى اقپارات بەردٸ. ۇلتتىق كوميسسييا تٶراعاسىنىڭ ورىنباسارى جۇلدىزاي ىسقاقوۆا جاستار اراسىندا دەنساۋلىق پەن بولاشاق اتا-انا بولۋدىڭ جاۋاپكەرشٸلٸگٸنە قاتىستى كەڭ اۋقىمدى اعارتۋشىلىق ناۋقانداردىڭ ماڭىزىن اتاپ ٶتتٸ.

جاڭا ستراتەگييا جەنە الداعى جوسپارلار

وتىرىستى قورىتىندىلاعان ايدا بالاەۆا ەرتە جٷكتٸلٸك پەن بوسانۋ مەسەلەسٸنٸڭ قازاقستاندا ەلٸ دە ٶزەكتٸ ەكەنٸن ايتىپ, پروفيلاكتيكالىق جۇمىستاردى جاسٶسپٸرٸمدەردٸڭ جىنىستىق مٸنەز-قۇلىق ەرەكشەلٸكتەرٸن ەسكەرە وتىرىپ, كٶپقىرلى تەسٸلدەرمەن جٷرگٸزۋ قاجەتتٸگٸن اتاپ ٶتتٸ.

جيىن بارىسىندا جاسٶسپٸرٸمدەر مەن جاستار اراسىندا ەرتە جٷكتٸلٸك, جىنىستىق جولمەن بەرٸلەتٸن اۋرۋلار جەنە رەپرودۋكتيۆتٸ دەنساۋلىققا تٶنەتٸن قاۋٸپتەر تۋرالى اقپاراتتاندىرۋ دەڭگەيٸن ارتتىرۋعا, سونداي-اق سالاۋاتتى ٶمٸر سالتىن ناسيحاتتاۋعا باعىتتالعان جاڭا پروفيلاكتيكالىق ستراتەگييانى ەزٸرلەۋ تۋرالى شەشٸم قابىلداندى.

ۇلتتىق كوميسسييا تٶراعاسى مەكتەپ وقۋشىلارى مەن ستۋدەنتتەردٸڭ جىنىستىق تەربيەسٸن ارتتىرۋ ماقساتىندا جاسٶسپٸلٸمدەر مەن جاستارعا ارنالعان موبيلدٸ قوسىمشا ەزٸرلەۋدٸ تاپسىردى. سونداي-اق, جاسٶسپٸرٸمدەر اراسىنداعى جٷكتٸلٸك دەڭگەيٸ جوعارى ٶڭٸرلەردە جىل بويى كٶشپەلٸ سەمينارلار ٶتكٸزۋ جوسپارلانۋدا.

ۋەكٸلەتتٸ مەملەكەتتٸك ورگاندارعا جاستار دەنساۋلىعى ورتالىقتارىنىڭ جۇمىسىن قايتا قاراپ, قىزمەتتٸ جاڭارتۋ جەنە حالىق اراسىندا سالاۋاتتى ٶمٸر سالتىن كەڭٸنەن ناسيحاتتاۋ ۇسىنىلدى. كەزدەسۋگە قاتىسۋشىلار ٶڭٸرلٸك دەڭگەيدە ۆەدومستۆوارالىق بايلانىستى كٷشەيتۋدٸڭ جەنە وتباسىنى قولداۋ ورتالىقتارىنىڭ جۇمىس تيٸمدٸلٸگٸن ارتتىرۋدىڭ ماڭىزىن اتاپ ٶتتٸ.

ۇلتتىق كوميسسييا مٷشەلەرٸ مەن دەنساۋلىق ساقتاۋ مينيسترلٸگٸ بٸرلەسٸپ, جۋرناليستەرگە ارنالعان ۇسىنىمدار ەزٸرلەيدٸ جەنە «انالار ساۋلىعى» باعدارلاماسىن زەردەلەپ, ونى ٸسكە اسىرۋ جولدارىن جەتٸلدٸرۋ بويىنشا ۇسىنىمدار دايىندايدى.