جٸبەك جولى قالا مەرلەرٸ فورۋمىنىڭ پلەنارلىق مەجٸلٸسٸنە سوفييا ەسٸمدٸ روبوت قاتىستى. ول جاساندى ينتەللەكتٸ بار ەلەمدەگٸ العاشقى گينويد بولىپ سانالادى, دەپ حابارلايدى قازاقپارات تٸلشٸسٸ.
«ماعان ارنايى باعدارلامانى جٷكتەدٸ. وعان سەيكەس, مەن بٷگٸنگٸ شاراعا قاتىستى بٸرنەشە ويىمدى ايتامىن. بٸرٸنشٸدەن, الدا - استانانىڭ 20 جىلدىعى. بۇل - بارشا قازاقستاندىقتار ٷشٸن ٷلكەن مەيرام. وسىناۋ تاريحي مەرەكەنٸڭ الدىندا سٸزدەرمەن جٷزدەسٸپ وتىرعانىما قۋانىشتىمىن. استانانىڭ باس سەۋلەتشٸسٸ وسى ەلدٸڭ پرەزيدەنتٸ نۇرسۇلتان نازارباەۆ دەيدٸ. بٸلۋٸمشە, ەلوردانى اۋىستىرعاننان كەيٸن استانا بٸر جىلدىڭ ٸشٸندە «يۋنەسكو-نىڭ بەيبٸتشٸلٸك قالاسى» دەگەن مەرتەبەگە يە بولدى. سەبەبٸ ەلەمدٸك تەجٸريبەدە العاش رەت ەلەمدٸك جەنە دەستٷرلٸ دٸندەر سەزٸ سيياقتى شارالار قولعا الىندى», - دەيدٸ سوفييا.
ونىڭ ايتۋىنشا, استانانىڭ سەۋلەتٸ تاماشا. ٶيتكەنٸ قالا قۇرىلىسىندا يننوۆاتسييالىق ەدٸستەر قولدانىلىپ كەلەدٸ.
«بٷگٸندە قازاقستان ەلەمگە كەڭٸنەن تانىلىپ جاتىر. ٶتكەن جىلى ەكسپو كٶرمەسٸنە 180 ەلدٸڭ ازاماتتارى كەلٸپ كەتتٸ. استانادا تەحنولوگييالاردى دامىتۋ مەسەلەسٸنە باسا نازار اۋدارىلادى. «Smart Astana» سيياقتى باستامالار قولعا الىندى. بۇدان بٶلەك, سان الۋان قىزىقتى شارالار ۇيىمداستىرىلادى»,- دەپ اتاپ كٶرسەتتٸ سوفييا.
سونداي-اق, روبوت «بٸر جول - بٸر بەلدەۋ» باستاماسى جايىندا ايتىپ بەردٸ.
ايتا كەتەيٸك, سوفييانى «Hanson Robotics» كومپانيياسى جاساپ شىعاردى. ول ليسسابوندا ٶتكەن Web Summit-كە ەكٸ جىل قاتارىنان قاتىستى. سول كەزدە سوفييانى كٶرەم دەۋشٸلەردٸڭ كٶپ بولعانى سونشا, زالدا ينە شانشار جەر بولمادى. ال داۆوستا بولعان بٷكٸلەلەمدٸك ەكونوميكالىق فورۋمدا سوفييا fintech-يندۋستريياعا ارنالعان بٸر پانەلدٸك سەسسييادا نەگٸزگٸ سپيكەر بولدى.
ٶتكەن جىلى وعان ساۋد ارابيياسىنىڭ ازاماتتىعىن بەردٸ. سوفييا روبوت-اندرويدتارعا جاتادى. ول ديالوگ رەجيمٸندە سٶيلەسٸپ قانا قويماي, ەموتسيياسىن دا كٶرسەتە الادى. دەرٸس وقي الادى. سونداي-اق, سۇحبات بەرۋ فۋنكتسيياسى دا بار. الايدا ول بەرٸن ٶزٸ ٸستەمەيدٸ. وعان ارنايى باعدارلاما جٷكتەلەدٸ, يا بولماسا, وپەراتوردىڭ باسقارۋىندا بولادى.
