اقسۋ فەرروقورىتپا زاۋىتىنىڭ مەتالل قورىتۋشىسى الەكساندر شۋتوۆ قازاقستان جاستارىن ٶندٸرٸس ورىندارىندا جۇمىس ٸستەۋگە شاقىردى. ونىڭ ايتۋىنشا, ٶندٸرٸس سالاسىندا ەڭ جارقىن جەتٸستٸككە جەتۋدٸڭ ٷلگٸسٸن پرەزيدەنت ٶز ٶمٸرٸمەن كٶرسەتٸپ وتىر, دەپ حابارلايدى قازاقپارات تٸلشٸسٸ.
«مەن 26 جاستامىن. ماماندىعىم - مەتاللۋرگ. 20 جاسىمنان باستاپ اقسۋ فەرروقورىتپا زاۋىتىندا جۇمىس ٸستەپ كەلەمٸن. قازٸرگٸ ۋاقىتتا جۇمىستا ماستەر لاۋازىمىندا ەڭبەك ەتەمٸن. ٶز جۇمىسىمنىڭ مٸندەتتەمەلەرٸنەن بٶلەك, مەن زاۋىتتىڭ قوعامدىق ٶمٸرٸنە بەلسەنە ارالاسىپ جٷرمٸن. جاستار كەڭەسٸنٸڭ عىلىمي جۇمىسى بويىنشا بەلسەندٸسٸمٸن. ەرتٷرلٸ عىلىمي-تەحنيكالىق كونفەرەنتسييالاردان قالماۋعا تىرىسامىن. سونىمەن بٸرگە, پاۆلودار وبلىسىنىڭ جاستار كەسٸپوداعىنىڭ مٷشەسٸمٸن», - دەدٸ جاس مەتاللۋرگ پرەزيدەنتتٸڭ قاتىسۋىمەن ٶتٸپ جاتقان «تەۋەلسٸزدٸك ۇرپاقتارى» اتتى جاستار جىلىنىڭ اشىلۋ سالتاناتىندا.
ونىڭ ايتۋىنشا, زاۋىتتاعى مەتاللۋرگتەردٸڭ كٶپشٸلٸگٸ - كرەاتيۆتٸ جاستار. ولاردىڭ بەرٸ دە زامانعا ساي يدەيالاردىڭ باستاماشىسى بولىپ وتىر.
«بۇل يدەيالار ٶندٸرٸستٸ ارتىرىپ قانا قويماي, ەلەۋمەتتٸك سالادا دا ماڭىزىن كٶرسەتٸپ كەلەدٸ. جاستار تۇرمىستىق قالدىقتاردى ٶڭدەۋ, اۋلالاردى جاقسارتۋ, بالالارعا ارنالعان الاڭداردىڭ ٸرگەسٸن قالاۋ سەكٸلدٸ ماڭىزدى جوبالاردى جٷزەگە اسىرۋدا. پەشتە جۇمىس ٸستەۋ ەڭبەككە دەگەن سٷيٸسپەنشٸلٸگٸمدٸ تۋعىزدى. كەسٸپورىندا جۇمىس ٸستەگەن ۋاقىتتا مەملەكەتتٸك دەڭگەيدەگٸ ٶزگەرٸستەرگە كۋە بولعانىمدى ايتا كەتكٸم كەلەدٸ», - دەيدٸ الەكساندر شۋتوۆ.
جاس مەتاللۋرگ ەلٸمٸزدٸڭ ادال ەڭبەك ەتٸپ جٷرگەن بارشا جاستارىنىڭ اتىنان مەملەكەت باسشىسىنا العىس ايتتى.
«سٶز سوڭىندا ماماندىق تاڭداۋ الدىندا تۇرعان جاستارعا ٷندەۋ تاستاعىم كەلەدٸ. ٶندٸرٸس - ٶز ەلەۋەتٸڭدٸ تانىتۋدىڭ كەرەمەت مٷمكٸندٸگٸ. ەڭبەك جولىن ٶندٸرٸستە باستاي وتىرىپ, كٶپ ماقساتقا جەتۋگە بولادى. بٸزدٸڭ پرەزيدەنت نۇرسۇلتان ەبٸشۇلى وسى رەتتە بٸزگە جارقىن ٷلگٸ بولىپ تابىلادى», - دەپ تٷيدٸ سٶزٸن الەكساندر شۋتوۆ.
ايتا كەتسەك, جاستار جىلىنىڭ اشىلۋىنا ٷكٸمەت مٷشەلەرٸ, قر پارلامەنتٸ دەپۋتاتتارى, جەرگٸلٸكتٸ اتقارۋشى ورگان باسشىلارى, قر پرەزيدەنتٸ جانىنداعى جاستار ساياساتى كەڭەسٸنٸڭ مٷشەلەرٸ, «100 جاڭا ەسٸم» بايقاۋىنىڭ جەڭٸمپازدارى, «بولاشاق» باعدارلاماسىنىڭ تٷلەكتەرٸ, جاس عالىمدار قاتىسۋدا. سونىمەن قاتار بۇل جيىنعا شىعارماشىلىق, ستۋدەنتتٸك جەنە جۇمىسشى جاستار ٶكٸلدەرٸ, جاس سپورتشىلار, دارىندى بالالار, زاماناۋي مەديا سالاسىنىڭ ٶكٸلدەرٸ, بالالار ٷيٸنٸڭ تەربيەلەنۋشٸلەرٸ مەن تٷلەكتەرٸ, جاس ەسكەري قىزمەتشٸلەر كەلگەن.
ەسكە سالا كەتسەك, قر پرەزيدەنتٸ نۇرسۇلتان نازارباەۆ قازاقستان حالقىنا بيىلعى جولداۋىندا 2019 جىلدى جاستار جىلى دەپ جارييالاۋدى ۇسىنعان بولاتىن.
پرەزيدەنت ٶز سٶزٸندە جاستاردىڭ بارلىق ساناتىن قولداۋعا ارنالعان شارالاردى تولىق قامتيتىن ەلەۋمەتتٸك ساتىنىڭ اۋقىمدى پلاتفورماسىن قالىپتاستىرۋ كەرەكتٸگٸن ايتقان بولاتىن ال, ارادا بٸر ايدان استام ۋاقىت ٶتكەندە ەلباسى جارلىعىمەن 2019 جىل جاستار جىلى دەپ جارييالاندى.
.jpeg)