فوتو: kazislam.kz
ساۋدا جەنە ينتەگراتسييا مينيسترٸ ارمان شاققاليەۆ 2025 جىلدىڭ بٸرٸنشٸ جارتىجىلدىعىندا ساۋدا كٶلەمٸ 8,4% ٶسكەنٸن, ال تاۋار اينالىمى 31,4 تريلليون تەڭگەنٸ قۇراعانىن مەلٸمدەدٸ. بۇل تۋرالى ول 15 شٸلدەدە ٶتكەن ٷكٸمەت وتىرىسىندا ايتتى دەپ حابارلايدى Ult.kz.
ونىڭ ٸشٸندە, كٶتەرمە ساۋدا 9,2% ٶستٸ (21,2 تريلليون تەڭگە), بٶلشەك ساۋدا 6,6% قۇرادى (10,2 تريلليون تەڭگە).
ساۋدانىڭ ٶسۋٸ كٶتەرمە ساۋدادا 45% اساتىن نەگٸزگٸ 9 تاۋار ەسەبٸنەن قامتاماسىز ەتٸلدٸ. بۇل مۇناي جەنە مۇناي ٶنٸمدەرٸ, گاز, تۇرمىستىق تەحنيكا, ۇيالى تەلەفوندار, فارماتسەۆتيكا, ماشينا جاساۋ ٶنٸمدەرٸ, استىق جەنە تەمەكٸ.
"اتالعان تاۋارلار بويىنشا جىل سوڭىنا دەيٸنگٸ بولجامدى ساتۋ كٶلەمٸ 26,4 تريلليون تەڭگە قۇراۋى تيٸس, ونى ەڭ الدىمەن ٸشكٸ ٶندٸرٸستٸڭ ٶسۋٸ ەسەبٸنەن قامتاماسىز ەتۋ قاجەت", - دەپ وتىر مينيستر.
شاققاليەۆتٸڭ بايانداماسىنا قاراساق 6 ايدىڭ قورىتىندىسى بويىنشا بارلىق ٶڭٸرلەردەن ٶسٸم كٶرٸنٸپ وتىر. ەڭ ٷلكەن ٷلەستٸ قامتاماسىز ەتكەن 5 ٶڭٸرگە بارلىق تاۋار اينالىمىنىڭ 72% تيەسٸلٸ. بۇل – الماتى, استانا, شىمكەنت قالالارى, اتىراۋ جەنە قاراعاندى وبلىستارى. ٶسۋ قارقىنى بويىنشا كٶشباسشىلار – تٷركٸستان (+69,3%), اقمولا (+45,4%) جەنە پاۆلودار وبلىستارى (+22,3%).
مينيستردٸڭ سٶزٸنشە ساۋداداعى ٶسٸمدٸ قامتاماسىز ەتۋدەگٸ ٷش نەگٸزگٸ باعىت بويىنشا كەشەندٸ جۇمىس جٷرگٸزٸلۋدە. ولار - زاماناۋي ساۋدا فورماتتارىن دامىتۋ, ەلەكتروندىق ساۋدانى دامىتۋ, جاسىرىن ساۋدانىڭ تٶمەندەۋٸ.
