Foto: kazislam.kz
Saýda jáne integratsiia ministri Arman Shaqqaliev 2025 jyldyń birinshi jartyjyldyǵynda saýda kólemi 8,4% óskenin, al taýar ainalymy 31,4 trillion teńgeni quraǵanyn málimdedi. Bul týraly ol 15 shildede ótken Úkimet otyrysynda aitty dep habarlaidy Ult.kz.
Onyń ishinde, kóterme saýda 9,2% ósti (21,2 trillion teńge), bólshek saýda 6,6% qurady (10,2 trillion teńge).
Saýdanyń ósýi kóterme saýdada 45% asatyn negizgi 9 taýar esebinen qamtamasyz etildi. Bul munai jáne munai ónimderi, gaz, turmystyq tehnika, uialy telefondar, farmatsevtika, mashina jasaý ónimderi, astyq jáne temeki.
"Atalǵan taýarlar boiynsha jyl sońyna deiingi boljamdy satý kólemi 26,4 trillion teńge quraýy tiis, ony eń aldymen ishki óndiristiń ósýi esebinen qamtamasyz etý qajet", - dep otyr ministr.
Shaqqalievtiń baiandamasyna qarasaq 6 aidyń qorytyndysy boiynsha barlyq óńirlerden ósim kórinip otyr. Eń úlken úlesti qamtamasyz etken 5 óńirge barlyq taýar ainalymynyń 72% tiesili. Bul – Almaty, Astana, Shymkent qalalary, Atyraý jáne Qaraǵandy oblystary. Ósý qarqyny boiynsha kóshbasshylar – Túrkistan (+69,3%), Aqmola (+45,4%) jáne Pavlodar oblystary (+22,3%).
Ministrdiń sózinshe saýdadaǵy ósimdi qamtamasyz etýdegi úsh negizgi baǵyt boiynsha keshendi jumys júrgizilýde. Olar - zamanaýi saýda formattaryn damytý, elektrondyq saýdany damytý, jasyryn saýdanyń tómendeýi.
