پرەمەر-مينيستر ەليحان سمايىلوۆ Tengrinews.kz پورتالىنا بەرگەن سۇحباتىندا شەتەلدەن قايتارىلۋعا تيٸس قارجىنىڭ سوماسىن اتادى, دەپ حابارلايدى Sputnik قازاقستان.
ٷكٸمەت باسشىسىنىڭ ايتۋىنشا, مينيسترلەر كابينەتٸ شەتەلگە زاڭسىز شىعارىلعان قارجىنى تالداۋ بويىنشا قىرۋار جۇمىس اتقاردى. ساۋدا-ەكونوميكالىق وپەراتسييالار دا جان-جاقتى زەردەلەندٸ.
"بٸز ەجەپتەۋٸر قاراجاتتى انىقتادىق. سونىڭ بارلىعى ەسكپورتتىق نەمەسە يمپورتتىق وپەراتسييالار ٷشٸن تٶلەنگەن اقشا رەتٸندە شىعارىلعان. بٸراق ەكٸ جىلدان بەرٸ ەلگە قايتارىلماي جاتىر. قازٸر جالپى سوماسى جارتى تريلليون تەڭگە بويىنشا 200-دەن استام ماتەريال قۇقىق قورعاۋ ورگاندارىنا تاپسىرىلدى", - دەدٸ سمايىلوۆ.
بٷگٸندە شەتەلگە شىعارىلاتىن كاپيتالدى بارىنشا ازايتۋ ٷشٸن زاڭناماعا بٸرقاتار ٶزگەرٸس ەنگٸزٸلدٸ. اتاپ ايتقاندا, ديۆيدەندتەر بويىنشا جەڭٸلدٸك الىنىپ تاستالدى. بۇدان بٶلەك, ماتەريالدىق ەمەس قىزمەتتەر بويىنشا شەتەلگە اقشا اۋدارۋعا شەكتەۋ ەنگٸزٸلٸپ وتىر.
