فوتو: Andrey_Popov/shutterstock.com
قازاقستاندا يپوتەكا تٶلەپ وتىرعانداردىڭ سانى العاش رەت 500 مىڭ ادامنان استى. مۇنداي دەرەكتەردٸ بٸرٸنشٸ نەسيەلٸك بيۋرو ۇسىندى. بۇل - 1 مامىرداعى جاعداي بويىنشا قالىپتاسقان دەرەك, - دەپ حابارلايدى Tengrinews.kz سايتى krisha.kz-كە سٸلتەمە جاساپ.
بٷگٸندە يپوتەكالىق نەسيەلەردٸڭ جالپى كٶلەمٸ 5.9 تريلليون تەڭگە بولادى. بۇل رەتتە 290 مىڭ قارىز الۋشىنىڭ ٶتەۋ مەرزٸمٸ 10 جىلدان ەرتە اياقتالمايدى.
ەربٸر ونىنشى يپوتەكا تٶلەپ وتىرعان قازاقستاندىق تاعى 20 ميلليون تەڭگە تٶلەۋٸ قاجەت.
يپوتەكالىق قارىز بويىنشا بەرەشەكتٸڭ ورتاشا سوماسى 10 ميلليون 200 مىڭ تەڭگە بولادى.
استانادا - 98.1 مىڭ يپوتەكا, الماتىدا 83.5 مىڭ يپوتەكا رەسٸمدەلگەن. بۇل - جالپى يپوتەكا سانىنىڭ 36 پايىزى.
رەسٸمدەلگەن نەسيە سانى بويىنشا استانا مەن الماتى كٶش باستاپ تۇر.
