وتاندىق بٸرنەشە بيزنەس ٶكٸلٸ بٸرٸگٸپ جاپپاي تەرتٸپسٸزدٸكتەردەن كەيٸن ەلدٸ قايتا قالپىنا كەلتٸرۋگە 2 ملرد تەڭگە قارجى بٶلدٸ, دەپ حابارلايدى قازاقپارات.
«بٸز دوستارىمىزبەن بٸرگە كٶپتەگەن قايىرىمدىلىق جوبالارعا قارجىلىق قولداۋ تانىتامىز. جەكە, قوعامدىق ۇيىمدار, انالار ٷيٸ, Iqanat جەنە تاعى سول سيياقتى. ال اۋىر قايعىلى جايت بولعاندا, بٸز بٸرٸگٸپ, قول ۇشىن سوزۋعا تىرىسامىز. ەلدەگٸ جاعدايدان سوڭ دوستارىمىزبەن اقىلداسا كەلە 2 ملرد تەڭگە قارجى بٶلۋ تۋرالى شەشٸم قابىلدادىق. اتالعان قاراجات بٸراز مەسەلەنٸ شەشۋگە سەپتٸگٸن تيگٸزەدٸ دەگەن ٷمٸتتەمٸن. ەرينە, بٶلٸنەتٸن قاراجات الدىمەن الماتىعا, ونداعى مارقۇم بولعان جانداردىڭ وتباسى مەن جاقىندارىنا جۇمسالادى. سودان سوڭ شىمكەنت, تالدىقورعان, تاراز جەنە تاعى باسقا قالالارعا باعىتتالادى», - دەپ جازدى تانىمال كەسٸپكەر, «BI Group» كومپانيياسىنىڭ باسشىسى ايدىن راحىمباەۆ Instagram پاراقشاسىندا.
سونداي-اق, بيزنەسمەن قازاقستاندىقتاردى قيىن سەتتە ۇيىمشىل بولۋعا شاقىردى.
«سوڭعى وقيعالاردان كەيٸن التاۋ الا بولسا اۋىزداعى كەتەدٸ دەگەن سٶزدٸڭ استارىندا نە جاتقانىن تٷسٸنگەندەيمٸز. سوندىقتان بارلىعىمىز بٸرٸگٸپ, بٸر جاعادان باس, بٸر جەڭنەن قول شىعارىپ, وسى قيىندىقتاردى دا جەڭەتٸنٸمٸزگە سەنەمٸن. كٷشٸمٸز بٸرلٸكتە. جاڭا قازاقستانىمىزدى قۇرۋعا بٸرگە ات سالىسايىق», - دەيدٸ ول.
