Otandyq birneshe biznes ókili birigip jappai tártipsizdikterden keiin eldi qaita qalpyna keltirýge 2 mlrd teńge qarjy bóldi, dep habarlaidy QazAqparat.
«Biz dostarymyzben birge kóptegen qaiyrymdylyq jobalarǵa qarjylyq qoldaý tanytamyz. Jeke, qoǵamdyq uiymdar, analar úii, Iqanat jáne taǵy sol siiaqty. Al aýyr qaiǵyly jait bolǵanda, biz birigip, qol ushyn sozýǵa tyrysamyz. Eldegi jaǵdaidan soń dostarymyzben aqyldasa kele 2 mlrd teńge qarjy bólý týraly sheshim qabyldadyq. Atalǵan qarajat biraz máseleni sheshýge septigin tigizedi degen úmittemin. Árine, bólinetin qarajat aldymen Almatyǵa, ondaǵy marqum bolǵan jandardyń otbasy men jaqyndaryna jumsalady. Sodan soń Shymkent, Taldyqorǵan, Taraz jáne taǵy basqa qalalarǵa baǵyttalady», - dep jazdy tanymal kásipker, «BI Group» kompaniiasynyń basshysy Aidyn Rahymbaev Instagram paraqshasynda.
Sondai-aq, biznesmen qazaqstandyqtardy qiyn sátte uiymshyl bolýǵa shaqyrdy.
«Sońǵy oqiǵalardan keiin altaý ala bolsa aýyzdaǵy ketedi degen sózdiń astarynda ne jatqanyn túsingendeimiz. Sondyqtan barlyǵymyz birigip, bir jaǵadan bas, bir jeńnen qol shyǵaryp, osy qiyndyqtardy da jeńetinimizge senemin. Kúshimiz birlikte. Jańa Qazaqstanymyzdy qurýǵa birge at salysaiyq», - deidi ol.
