جاپونييا جۇما كٷنٸ ەل ٷكٸمەتٸنٸڭ توكيو قالاسىندا ٶتەتٸن وليمپيادا ويىندارىنىڭ كوروناۆيرۋسقا بايلانىستى كەيٸنگە قالدىرىلىپ, ولاردى 2032 جىلى ٶتكٸزۋگە تىرىسىپ جاتقانى تۋرالى شەشٸم قابىلدادى دەگەن جاڭالىقتى جوققا شىعاردى, دەپ حابارلايدى KYODO NEWS اگەنتتٸگٸ.
بۇعان دەيٸن بريتاندىق The Times باسىلىمى جاپونييا ٷكٸمەتٸندەگٸ دەرەككٶزگە سٸلتەمە جاساپ, ەل ٷكٸمەتٸنٸڭ توكيوداعى وليمپيادا ويىندارىن كوروناۆيرۋسقا بايلانىستى كەيٸنگە قالدىرۋ كەرەك دەگەن قورىتىندىعا كەلگەنٸن حابارلاعان بولاتىن.
«بٸز بۇل جاڭالىقتى تولىقتاي جوققا شىعارامىز», - دەپ مەلٸمدەدٸ جاپونييا مينيسترلەر كابينەتٸ باس حاتشىسىنىڭ ورىنباسارى مانابۋ ساكاي كەزەكتٸ باسپاسٶز مەسليحاتى كەزٸندە.
بەيسەنبٸدە حالىقارالىق وليمپيادا كوميتەتٸنٸڭ باسشىسى توماس باح KYODO NEWS اگەنتتٸگٸنە بەرگەن ونلاين-سۇحباتىندا: «قازٸرگٸ كەزدە 23 شٸلدە كٷنٸ توكيوداعى وليمپيدا ويىندارى اشىلمايدى دەپ ساناۋعا ەش نەگٸز جوق», - اتاپ ٶتتٸ.
حوك مەن جاپونييا ٷكٸمەتٸنٸڭ وليمپيادا ويىندارىن بيىل ٶتكٸزۋگە نيەتتەنٸپ وتىرعانىنا قاراماستان, ۆيرۋستىڭ تارالۋىنا بايلانىستى ەلدەگٸ جاعداي ۋشىعىپ جاتىر.
ەسكە سالا كەتسەك, جاپونييادا وليمپيادا ويىندارى 2020 جىلدىڭ جازىندا ٶتۋٸ تيٸس بولعان, الايدا كوروناۆيرۋسقا بايلانىستى بيىلعى جىلدىڭ جازىنا اۋىستىرىلدى. جارىستاردىڭ 2021 جىلدىڭ 23 شٸلدەسٸ مەن 8 تامىزى ارالىعىندا ٶتۋٸ كٷتٸلۋدە.
