جانى قۇربان بولعان دەرٸگەرلەرگە تاعزىم ەتەمٸز. بٷگٸن بٸز ولاردى ەسكە الىپ, ۆيرۋسقا قارسى قايتادان كٷش بٸرٸكتٸرۋ ٷشٸن جۇمىلۋىمىز كەرەك. س.اسفەنديياروۆ اتىنداعى قازاق ۇلتتىق مەديتسينالىق ۋنيۆەرسيتەتٸنٸڭ رەكتورى تالعات نۇرعوجين وسىلاي مەلٸمدەدٸ, دەپ حابارلايدى قازاقپارات.
«پرەزيدەنتٸمٸز قاسىم-جومارت توقاەۆتىڭ جارلىعىمەن بٷگٸن, ياعني 13 شٸلدە - COVID-19 قازا بولعان قازاقستاندىقتاردى ۇلتتىق ازا تۇتۋ كٷنٸ بوپ بەلگٸلەندٸ. بٷگٸن بٸز ولاردى ەسكە الىپ, ۆيرۋسقا قارسى قايتادان كٷش بٸرٸكتٸرۋ ٷشٸن جۇمىلۋىمىز كەرەك. ٶكٸنٸشكە وراي, بۇل ۆيرۋس ودان ەرٸ تارالۋىن توقتاتار ەمەس. بٸرەۋدٸڭ اناسىن, ەكەسٸن, باۋىرىن جالماپ جاتىر. بارلىق قورعانىس شارالارىنا قاراماستان اق حالاتتى ابزال جاندار دا Covid-19 قۇربانى بولىپ جاتىر. پاتسيەنتتٸڭ دەنساۋلىعىن ساقتاۋ جولىندا ٶز ٶمٸرٸن پيدا ەتكەن ەرٸپتەستەرٸمە تٸزەمدٸ بٷگٸپ, باسىمدى يەمٸن. ولاردىڭ كٶپشٸلٸگٸ ەلٸ دە ۆيرۋسپەن كٷرەستە تٸك تۇر. ولار – ناعىز باتىرلار دەگٸم كەلەدٸ», - دەدٸ تالعات نۇرعوجين.
سپيكەر مەملەكەت باسشىسىنىڭ حالىق دەنساۋلىعىن ساقتاۋدا بار شارالاردى جاساپ جاتقانىن ايتتى.
«اۋرحانالار مەن دەرٸحانالاردى دەرٸمەن قامتۋ جاقىن ارادا قالپىنا كەلتٸرٸلەدٸ. پتر تالداۋلارى دا كٶبەيەدٸ. جىلجىمالى زەرتحانالار اشىلادى. ناۋقاستارعا قوسىمشا ستاتسيونارلىق ورىندار اشىلادى. س.اسفەنديياروۆ اتىنداعى قازاق ۇلتتىق مەديتسينالىق ۋنيۆەرسيتەتٸنٸڭ پروفەسسورلىق وقىتۋشىلىق قۇرامى, رەزيدەنتتەرٸ مەن ەرٸكتٸ ستۋدەنتتەرٸ Covid-19 كٷرەسكە بەلسەنە قاتىسىپ جاتىر. پرەزيدەنتٸمٸز ايتقانداي, تەك دەرٸگەرلەر مەن مەملەكەتتٸڭ كٷشٸ بۇل كٷرەستە جەتكٸلٸكسٸز. ەر قازاقستاندىق بەلسەنە كٸرٸسۋٸ كەرەك. مامانداردىڭ ۇسىنىسىن بۇلجىتپاي ورىنداعان جاعدايدا عانا بٸز بۇل ٸندەتتٸ بٸرگە جەڭەمٸز», - دەدٸ ت.نۇرعوجين.
ايتا كەتۋ كەرەك, بٷگٸندە قازاقستاندا 59 899 ادام كوروناۆيرۋس جۇقتىرعان. ونىڭ ٸشٸندە 34 190 ادام جازىلىپ شىقسا, 375 ادام كوروناۆيرۋستان كٶز جۇمدى.
