قازاقستان شاحمات فەدەراتسيياسىنىڭ پرەزيدەنتٸ, يندۋسترييا جەنە ينفراقۇرىلىمدىق دامۋ مينيسترٸ بەيبٸت اتامقۇلوۆ بٷگٸن قازاقستاندىق گروسسمەيستەر جانسايا ەبدٸمەلٸكپەن كەزدەسٸپ, ونى كەسٸبي جەتٸستٸگٸمەن جەكە قۇتتىقتاپ, شاحمات فەدەراتسيياسىنىڭ ەڭ جوعارى ناگرادالارىنىڭ بٸرٸ – «دارا» وردەنٸن تاپسىردى, دەپ حابارلايدى اتالعان ۆەدومستۆونىڭ باسپاسٶز قىزمەتٸ.
ەستەرٸڭٸزگە سالا كەتەيٸك, گيبرالتارداعى ەيەلدەر اراسىنداعى شاحماتتان گران-پري كەزەڭٸندەگٸ ويىنىنىڭ قورىتىندىسى بويىنشا جانسايا ەبدٸمەلٸك تاريحي جەتٸستٸكتٸڭ اۆتورى بولدى. بٸردە-بٸر ويىندا جەڭٸلمەگەن شاحماتشى مەرتەبەلٸ جارىستا مەرزٸمٸنەن بۇرىن جەڭٸسكە جەتٸپ قانا قويماي, سونىمەن قاتار حالىقارالىق گروسسمەيستەر اتاعىن العان العاشقى قازاقستاندىق, سونداي-اق ورتالىق ازييا ٶكٸلٸ بولدى.
بەيبٸت اتامقۇلوۆ سپورتشىنى جەتٸستٸگٸمەن شىن جٷرەكتەن قۇتتىقتاپ, ەلٸمٸزدٸڭ سپورت جەتٸستٸكتەرٸ قازىناسىنا قوسقان ٷلەسٸ ٷشٸن العىس بٸلدٸردٸ. سونداي-اق, شاحماتشىعا جاڭا جەتٸستٸكتەر تٸلەدٸ.
ايتا كەتەيٸك, جانسايا ەبدٸمەلٸك – قازاقستاندىق شاحماتشى, حالىقارالىق گروسسمەيستەر.
ٶزٸنٸڭ العاشقى اتاعىن جانسايا ەبدٸمەلٸك التى جاسىندا, 2006 جىلى الماتى قالاسىنىڭ چەمپيوناتىندا 8 جاسقا دەيٸنگٸ قىزدار اراسىندا جەڭٸپ العان.
