Qazaqstan shahmat federatsiiasynyń prezidenti, Indýstriia jáne infraqurylymdyq damý ministri Beibit Atamqulov búgin qazaqstandyq grossmeister Jansaia Ábdimálikpen kezdesip, ony kásibi jetistigimen jeke quttyqtap, Shahmat federatsiiasynyń eń joǵary nagradalarynyń biri – «Dara» ordenin tapsyrdy, dep habarlaidy atalǵan vedomstvonyń baspasóz qyzmeti.
Esterińizge sala keteiik, Gibraltardaǵy áielder arasyndaǵy shahmattan Gran-pri kezeńindegi oiynynyń qorytyndysy boiynsha Jansaia Ábdimálik tarihi jetistiktiń avtory boldy. Birde-bir oiynda jeńilmegen shahmatshy mártebeli jarysta merziminen buryn jeńiske jetip qana qoimai, sonymen qatar halyqaralyq grossmeister ataǵyn alǵan alǵashqy qazaqstandyq, sondai-aq Ortalyq Aziia ókili boldy.
Beibit Atamqulov sportshyny jetistigimen shyn júrekten quttyqtap, elimizdiń sport jetistikteri qazynasyna qosqan úlesi úshin alǵys bildirdi. Sondai-aq, shahmatshyǵa jańa jetistikter tiledi.
Aita keteiik, Jansaia Ábdimálik – qazaqstandyq shahmatshy, halyqaralyq grossmeister.
Óziniń alǵashqy ataǵyn Jansaia Ábdimálik alty jasynda, 2006 jyly Almaty qalasynyń chempionatynda 8 jasqa deiingi qyzdar arasynda jeńip alǵan.
