ەلەمدٸك ٷستەل تەننيسٸ وليمپٸنە تۋرا جول سالىپ كەلە جاتقان جاس سپورتشى – قوستاناي وبلىسىنىڭ تۋماسى جەنييا بەكمۇحامبەتوۆا. بار بولعانى 12 جاستا بولسا دا, ول تەك ٶتكەن جىلدىڭ ٶزٸندە سەگٸز حالىقارالىق جارىستا جەڭٸسكە جەتكەن. ال بيىل جەنييا ٶز شەبەرلٸگٸن تاعى بٸر دەلەلدەپ, باتۋميدە ٶتكەن Youth Contender Batumi 2025 جاسٶسپٸرٸمدەر اراسىنداعى حالىقارالىق تۋرنيرٸندە جاڭا جەڭٸسٸنە قول جەتكٸزدٸ, دەپ حابارلايدى Ult.kz Toppress.kz-كە سٸلتەمە جاساپ.
2025 جىلعى 18–21 قىركٷيەك ارالىعىندا گرۋزييانىڭ باتۋمي قالاسىندا ٶتكەن جارىسقا ەزەربايجان, انگلييا, فرانتسييا, بەلارۋس, يزرايل, قازاقستان, ليتۆا, مولدوۆا, پولشا, سولتٷستٸك ماكەدونييا, باە, بولگارييا, نيدەرلاند, ٷندٸستان, تٷركييا جەنە ۋكراينادان سپورتشىلار قاتىستى.
بۇل تۋرنيردە بەكمۇحامبەتوۆا U13 جەنە U15 جاس ساناتتارىندا بٸردەي ٶنەر كٶرسەتتٸ.
«جارىستىڭ ٶزٸندە جەنييا ٶز ويىنىن جوعارى دەڭگەيدە كٶرسەتتٸ. فينالدا ول ٷندٸستاننان كەلگەن قارسىلاسى — كاۆيا گۋپتانى (ازييا چەمپيونى – رەد.) جەڭدٸ. سونداي-اق تٷركييادان كەلگەن سپورتشى دا مىقتى بولدى. بۇل قىزداردى يتالييالىق ماماندار جاتتىقتىرادى, ولاردى ەلەم چەمپيوناتتارىنا دايىندايدى», – دەدٸ قوستاناي وبلىسىنىڭ اعا جاتتىقتىرۋشىسى عايىپ دانيياروۆ.
تٶرتتٸك فينالدا جەنييا ەزەربايجان سپورتشىسى سوفييا تروفيمەنكونى جەڭدٸ. جارتىلاي فينالدا تٷركييادان كەلگەن بەليناي داۆۋستى 3:1 ەسەبٸمەن تٸزە بٷكتٸردٸ. ال فينالدا ٷندٸستان ٶكٸلٸ كاۆيا گۋپتامەن كەزدەسٸپ, 3:1 ەسەبٸمەن التىن مەدال يەلەندٸ.
ايتا كەتسەك, جاس قازاقستاندىق سپورتشى ٷستەل تەننيسٸنە بار بولعانى 5 جىل بۇرىن كەلگەن. دەگەنمەن ول نەبەرٸ 11 جاسىندا حورۆاتييادا ٶتكەن WTT Youth Contender تۋرنيرٸندە ٶز جاس ساناتىندا سەنساتسييالىق جەڭٸسكە جەتكەن بولاتىن.
«ٶتكەن جىلى U11 ساناتىندا ەلەمدٸك رەيتينگتە ول بارلىق سپورتشىلاردىڭ ٸشٸندە ەلەمدە ەكٸنشٸ ورىندا بولدى. ەندٸگٸ ماقساتىمىز – جەنييانى جاسٶسپٸرٸمدەر وليمپياداسىنا دايىنداۋ, كەيٸنٸرەك ەرەسەكتەر قۇراماسىنا قوسۋ. بۇل ٷشٸن شامامەن 1–2 جىل جۇمىس قاجەت», – دەيدٸ عايىپ دانيياروۆ.
جەنييانىڭ جەكە باپكەرٸ, №2 بالالار مەن جاسٶسپٸرٸمدەر سپورت مەكتەبٸنٸڭ جاتتىقتىرۋشىسى يۋلييا دانيياروۆا ونىڭ كٷن سايىن ٷش ساعات جاتتىعاتىنىن, سوعان قاراماستان مەكتەپتە دە جاقسى وقيتىنىن ايتادى.
قازٸر جەنييا بەكمۇحامبەتوۆا ەلەمدٸك رەيتينگتە U13 ساناتىندا 12-ورىندا تۇر.
ايتا كەتۋ كەرەك, Allur كومپانيياسى ٷستەل تەننيسٸ جارىستارىنىڭ تۇراقتى سەرٸكتەسٸ بولىپ تابىلادى. كومپانييا قوستاناي وبلىسىندا بۇل سپورت تٷرٸنٸڭ دامۋىنا ەلەۋلٸ ٷلەس قوسىپ كەلەدٸ, سونداي-اق قازاقستاندىق تەننيسشٸلەردٸڭ حالىقارالىق جارىستارعا قاتىسۋىنا قولداۋ كٶرسەتٸپ, دايىندىققا قاجەتتٸ رەسۋرستارمەن قامتاماسىز ەتەدٸ.
