قازاقستاندىق كەسٸپقوي بوكسشى جەنٸبەك ەلٸمحانۇلىنىڭ 28 ناۋرىزعا جوسپارلانعان كەزەكتٸ جەكپە-جەگٸ كەيٸنگە قالدى, دەپ حابارلايدى "ۇلت اقپارات".
«ٶكٸنٸشكە وراي 28 ناۋرىزدا كانادادا ٶتەتٸن جەكپە-جەك كەيٸنگە قالدى. كوروناۆيرۋستىڭ سالقىنى بٸزدٸڭ جەكپە-جەككە دە تيدٸ. ٷش اي قان مەن تەر شىعارىپ, قىزۋ دايىندالىپ, جاقسى فورماعا كٸرٸپ ەدٸك. مىقتى سپاررينگتەر جاساپ, QAZAQ STYLE-دى شىڭداپ, شوۋ كٶرسەتۋگە دايىن بولعانبىز. بٸراق توپ رەنك (Top Rank Promotions كومپانيياسى) سپورتشىلاردىڭ دەنساۋلىعى ماڭىزدى دەپ شەشتٸ. بٸزدٸڭ عانا ەمەس ناۋرىز بەن سەۋٸردە ٶتەتٸن بٷكٸل جەكپە-جەك توقتاتىلدى», - دەپ جازدى جەنٸبەك ەلٸمحانۇلى Instagram -داعى پاراقشاسىندا.
ەستەرٸڭٸزگە سالا كەتەيٸك, وسىعان دەيٸن جەنٸبەك ەلٸمحانۇلىنىڭ 28 ناۋرىزدا كٸممەن جۇدىرىقتاساتىنى تۋرالى جازعان بولاتىنبىز.
