Qazaqstandyq kásipqoi boksshy Jánibek Álimhanulynyń 28 naýryzǵa josparlanǵan kezekti jekpe-jegi keiinge qaldy, dep habarlaidy "Ult aqparat".
«Ókinishke orai 28 naýryzda Kanadada ótetin jekpe-jek keiinge qaldy. Koronavirýstyń salqyny bizdiń jekpe-jekke de tidi. Úsh ai qan men ter shyǵaryp, qyzý daiyndalyp, jaqsy formaǵa kirip edik. Myqty sparringter jasap, QAZAQ STYLE-dy shyńdap, shoý kórsetýge daiyn bolǵanbyz. Biraq Top renk (Top Rank Promotions kompaniiasy) sportshylardyń densaýlyǵy mańyzdy dep sheshti. Bizdiń ǵana emes naýryz ben sáýirde ótetin búkil jekpe-jek toqtatyldy», - dep jazdy Jánibek Álimhanuly Instagram -daǵy paraqshasynda.
Esterińizge sala keteiik, osyǵan deiin Jánibek Álimhanulynyń 28 naýryzda kimmen judyryqtasatyny týraly jazǵan bolatynbyz.
