سۋرەت: inform.kz
ٷكٸمەت جۇمىسىنا كٶڭٸلٸڭٸز تولا ما? قازٸرگٸ كابميننٸڭ جۇمىسىنا قانداي باعا بەرەسٸز? بۇل سۇراققا مەجٸلٸس كۋلۋارىندا دەپۋتات ەدٸل جاڭبىرشين جاۋاپ بەردٸ, دەپ حابارلايدى Ulysmedia.kz پورتالى.
جاڭبىرشين بۇل رەتتە مەسەلە كەيبٸر سالا مينيسترلەرٸنە بايلانىستى بولىپ تۇرعانىن اتاپ ٶتتٸ. ونىڭ ايتۋىنشا, مينيسترلەر ٶز سالاسىندا ٷلكەن قاتەلٸك جٸبەرسە, وتستاۆكاعا كەتۋٸ كەرەك.
«مىسالى, ەنەرگەتيكا مينيسترٸ. قىستىڭ كٶزٸ قىراۋدا بٸر قالا ەمەس, بٸرنەشە قالادا ٷيلەردٸڭ قاتىپ قالۋى – ٷلكەن كاتاستروفا. ونى پرەزيدەنت دە ايتتى. سوندىقتان, جىلىتۋ مەرزٸمٸ اياقتالعاننان كەيٸن باستاپ كەلەسٸ جىلىتۋ مەرزٸمٸ باستالعانعا دەيٸن ول نىساندار دايىندىقتان ٶتۋٸ كەرەك. سحەماسى سونداي. سوندا بٸزدٸڭ ەنەرگەتيكا مينيسترلٸگٸ سول مەسەلەنٸ قاداعالاۋىنا الماعان با? سول مەسەلەلەردٸ باقىلاماعان با? تٸپتٸ سول ەكٸباستۇزعا دا بارعان جوق. سوندىقتان وعان قاتىستى كٶپ سۇراق بار», - دەيدٸ ول.
ەدٸل جاڭبىرشين ەكٸنشٸدەن اۋىل شارۋاشىلىعى مينيسترٸ ەربول قاراشٶكەەۆ وتستكاۆكاعا كەتۋٸ كەرەك دەپ ەسەپتەيتٸنٸن ايتتى. دەپۋتات توقاەۆتىڭ قاراشٶكەەۆكە بٸرنەشە تاپسىرما بەرگەنٸن, ۆەتەرينارييا سالاسىن, ازىق-تٷلٸك, شٶپ مەسەلەسٸن رەتتەۋدٸ تاپسىرعانىنا قاراماستان, مينيستردٸڭ سول جۇمىستى ەڭسەرە الماعانىن ايتادى. ال جۋرناليستەردٸڭ «پرەمەر-مينيستردٸڭ ٶزٸنە قاتىستى نە ايتار ەدٸڭٸز?» دەگەن سۇراققا ول بىلايشا جاۋاپ بەردٸ.
«پرەمەر ٷشٸن مەن جاۋاپ بەرە المايمىن. ونى ٶزدەرٸ شەشەدٸ. بٸراق جالپى كەشە پرەزيدەنت ايتقان سٶزدەرٸندە «بٸزدٸڭ ٷكٸمەت جوسپارلاعان كٶپ ينديكاتورىنا جەتە الماعانىن» اشىق ايتتى. ياعني ٷكٸمەتكە دە سۇراق بار», - دەدٸ جاڭبىرشين.
