"قازٸر جانازا كٶپ, قۇرمەتتٸ اعايىندار, ەت جاقىنى بولماساڭىزدار, جانازا رەسٸمدەرٸنە بارماڭىزدار". بەلگٸلٸ دٸنتانۋشى قايرات جولدىبايۇلى قازاقستاندىقتارعا وسىنداي ٷندەۋ جاسادى, دەپ حابارلايدى Tengrinews.kz.
"ارداقتى اعايىندار! قازٸرگٸ ٸندەتكە بايلانىستى مەن سٸزدەرگە ماڭىزدى بٸر ٷندەۋ تاستاعىم كەلٸپ وتىر. جانازا كٶبەيدٸ. كٷن سايىن قارالى حاباردى ەستٸپ, جٷرەگٸمٸز اۋىرىپ, كٶڭٸلٸمٸز قۇلازىپ, قابىرعامىز قايىسۋدا. ٶكٸنٸشكە وراي, ەلٸ كٷنگە دەيٸن اۋىل-اۋىلدا, تٸپتٸ قالالاردا قۇدالىق سيياقتى توي-تومالاق ەلٸ ٷزٸلمەي تۇر, جالعاسىپ جاتىر. سونى دوعارىڭىزدار. بولمايدى... سەبەبٸ سول قۇدالىققا, سول قۋانىشقا كەلگەن كٸسٸلەردٸڭ اراسىنان وسىناۋ دەرتكە شالىنىپ, قانشاما ادام مىنا دٷنيەمەن قوشتاسىپ جاتىر. سوندىقتان تويدى, تومالاقتى, قۇدالىق سيياقتى رەسٸمدەردٸ دوعارىڭىزدار. قازٸر جانازا كٶپ, قۇرمەتتٸ اعايىندار, ەت جاقىنى بولماساڭىزدار, جانازا رەسٸمدەرٸنە بارماڭىزدار", - دەدٸ قايرات جولدىبايۇلى Instagram جەلٸسٸندەگٸ پاراقشاسىندا.
دٸنتانۋشى جاقىنىنان ايىرىلعان قازاقستاندىقتارعا تۋىستارىنا "سٸزدەردٸ تٷسٸنەمٸز, جانازاعا كەلمەي-اق قويىڭىزدار" دەپ ايتۋىن سۇرادى.
"قۇرمەتتٸ جانازا يەلەرٸ, اعايىن-تۋىسقا ايتىڭىزدار: "بٸز سٸزدەردٸ تٷسٸنەمٸز, جانازاعا كەلمەي-اق قويىڭىزدار. مىنا ٸندەت بٸتكەننەن كەيٸن, ٶلٸمگە قاتىستى بارلىق رەسٸمدٸ جاسايمىز, سول كەزدە كەلەسٸزدەر" دەپ ايتىڭىزدار. قۇرمەتتٸ اعايىندار, از عانا قازاق قىرىلىپ قالماسىن دەسەك, توي-دۋماندى, قۇدالىق سيياقتى رەسٸمدەردٸ توقتاتىڭىزدار. جانازاعا بارماڭىزدار", - دەدٸ ول.
ەسكە سالايىق, قازٸر ەلٸمٸزدە كوروناۆيرۋس جۇقتىرعاندار جەنە پنەۆمونييامەن اۋىرىپ جاتقاندار سانى كٶبەيدٸ. سول سەبەپتەن كارانتين شارالارى كٷشەيتٸلدٸ, ازاماتتار قاشىقتىق ساقتاپ, سانيتارلىق شارالاردى ورىنداۋ كەرەك.
