مەملەكەت باسشىسى بەسەكەلەستٸكتٸ قورعاۋ جەنە دامىتۋ اگەنتتٸگٸنٸڭ تٶراعاسى سەرٸك جۇمانعاريندٸ قابىلدادى, دەپ حابارلايدى اقوردا.
سەرٸك جۇمانعارين پرەزيدەنت قاسىم-جومارت توقاەۆتى جاڭادان قۇرىلعان بەسەكەلەستٸكتٸ قورعاۋ جەنە دامىتۋ اگەنتتٸگٸنٸڭ الداعى جۇمىس جوسپارىمەن تانىستىردى.
پرەزيدەنتكە ەلٸمٸزدەگٸ بەسەكەلەستٸكتٸ دامىتۋ, وعان قولايلى جاعداي جاساۋ جەنە ۇلتتىق يدەيا رەتٸندە قابىلداۋ ماقساتىندا اتقارىلاتىن ٸس-شارالار تۋرالى باياندالدى. وسى ماقساتتا بارلىق سالالار مەن ايماقتاردى قامتيتىن بەسەكەلەستٸكتٸ دامىتۋ جٶنٸندە ۇلتتىق جوبا ەزٸرلەنەدٸ. سالالىق جەنە ايماقتىق بەسەكەلەستٸك تالاپتارى جاسالادى.
اگەنتتٸك تٶراعاسى مەملەكەت باسشىسىنا جاڭا قۇرىلىمنىڭ قىزمەتٸن ۇيىمداستىرۋ جوسپارى تۋرالى ايتتى. ەسٸرەسە, تۇتىنۋشىلاردىڭ تالابىن قاناعاتتاندىرۋ, ەكونوميكانىڭ تۇراقتى ٶسٸمٸ مەن دامۋىن قامتاماسىز ەتۋ, نارىق سۋبەكتٸلەرٸنٸڭ ەكونوميكالىق تيٸمدٸلٸگٸ مەن بەسەكەگە قابٸلەتتٸلٸگٸن ارتتىرۋعا باسىمدىق بەرٸلمەك.
پرەزيدەنت حالىقارالىق نارىقتاعى وزىق تەجٸريبەلەردٸ باسشىلىققا الا وتىرىپ, قازاقستاندا دۇرىس بەسەكەلەستٸك قالىپتاستىرۋ ماڭىزدى ەكەنٸن اتاپ ٶتتٸ.
كەزدەسۋ سوڭىندا قاسىم-جومارت توقاەۆ اگەنتتٸك باسشىسىنا قازاقستان حالقىنا ارناعان جولداۋىنداعى بەسەكەلەستٸكتٸ قورعاۋ جەنە ەكونوميكانىڭ تيٸمدٸلٸگٸن ارتتىرۋعا باعىتتالعان تاپسىرمالاردى ورىنداۋدىڭ ماڭىزدىلىعىنا توقتالدى. جولداۋ جٷكتەگەن مٸندەتتەردٸ ورىنداۋ بويىنشا بٸرقاتار ناقتى تاپسىرما بەردٸ.
