بٷگٸن - 2016 جىلدىڭ سوڭعى كٷنٸ. ساناۋلى ساعاتتاردان كەيٸن مەشٸن جىلىنا دا قوش ايتامىز. الدا تاۋىق جىلى توسادى. وسى ورايدا جاڭا جىلعا قاتىستى قىلقالام يەلەرٸنٸڭ ٶلەڭ-جىرلارىن توپتاستىرۋدى جٶن كٶرگەن ەدٸك. ٶلەڭ وقيىق!
***
جاڭا جىل تٷنٸ
«الاقاي, بٷگٸن جاڭا جىل كەلەدٸ,
جاڭا جىلدى كٷتەتٸن تٷن كەلەدٸ».
جۇرتتىڭ بەرٸ بٸرتٷرلٸ قۋانىشتى,
كەۋدەلەرٸن وسى وي كەپ ٷرلەگەلٸ.
اۋىرتپالىق جينالىپ... كەتەتٸندەي,
جىلمەن بٸرگە بٸر باقىت جەتەتٸندەي.
اسپان جاقتان نۇر ساۋلاپ تٷنٸ بويى,
ەرتەڭ دٷنيە ٶزگەرٸپ كەتەتٸندەي.
ە, اللا, كەزەك كەلٸپ, اي, كٷن امان,
جاقسىلىققا داستارحان جايدىر ەمەن.
— اياز اتا كەلەدٸ! — دەپ قىزىم مەز,
— بٸلەم, ول — ورال اعا... — دەيدٸ بالام.
مەز بولىپ قوناقتىڭ كٶپ كەلگەنٸنە,
«جاڭا جىل كەپ جايعاستى تٶرگە, مٸنە,
تەك قار جوق. جاڭبىر جاۋىپ...» — دەيدٸ ەيەلٸم,
...ە, شٷكٸر, ول دا اللانىڭ بەرگەنٸ دە.
جاڭا جىلدىڭ تاڭى اتتى...
لەزدە تٸپتٸ,
(شٷكٸر, تاڭنىڭ اتقانىن كٶز كٶرٸپتٸ).
... باياعى تاڭ.
تٸرشٸلٸك سول باياعى...
يە, ايتپاقشى, كٷنتٸزبە ٶزگەرٸپتٸ:
1 قاڭتار 2010 جىل.
باۋىرجان باباجانۇلى
***
جاڭا جىل تٷنٸ
اق جۇلدىزدار تويلاپ,
اق اسپاندا ويناپ
اسىعادى جەرگە,
جارالعانداي اردان,
اق كٶبەلەك ارمان.
قىردان قىرعا زۋلاپ,
سەبيلەر جٷر شۋلاپ,
جارىسىپ پەك جەلمەن.
پەيٸلگە نۇر سەۋٸپ,
شاڭعىلارىن تەۋٸپ.
شاتىققا ەن قوسىپ,
الاقانىن توسىپ,
شىرشالار تۇر ەنە,
مەيٸرٸم سىيلاپ ميعا,
كٶكتەن قونعان سىيعا.
سىيمايتۇعىن سٶزگە,
كٶرٸنبەيتٸن كٶزگە.
تەك اللاعا ايان,
اق ەلەمدە جارىق
باقىت بارى انىق.
... جاڭا جىلدىڭ كٷنٸ,
جاڭا ٷمٸتتٸڭ تٸنٸ.
سول بٸر باقىت كٸرسٸن,
بٷگٸن ەربٸر ٷيگە –
جىرىلماعان كٷيدە.
مارالتاي رايىمبەكۇلى
***
كلاۋسوفوبييا. جاڭا جىل - 2016
جانا جىلدى قارسى المايمىن بيىل مەن,
جىلقىدايمىن قالىپ قويعان ٷيٸردەن...
قاراپ تۇرمىن, اياپ تۇرمىن بٸرتٷرلٸ
شىرشالاردى قاباقتارى تٷيٸلگەن.
جاڭا جىلدى تويلاۋدان دا جالىققام,
جاڭا جىلدى ويلاۋدان دا جالىققام.
مەن ول تٷگٸل, تٶرت جىلدا بٸر كەلەتٸن,
دٷبٸرلەتكەن سايلاۋدان دا جالىققام...
ادامدار-اي, ارمانى كٶپ, ارمانى,
امان بولساق, بولا جاتار قالعانى.
ەڭ باستىسى, وسى ٶتكەن جىل ٷشٸن,
ەشبٸر جاننان ۇيالماساق بولعانى...
ەسكٸ جىلدا نەدەن قالدىق, كەشتەتتٸك,
قاي جەرٸندە قاتەلەستٸك, ەش كەتتٸك?
جاقسى نەرسە جازايىقشى...
جاڭا جىل -
جاڭا كٸتاپ 365 بەتتٸك...
وقىعىم كەپ جۇرتقا وسى ٶلەڭدٸ,
بٸر الاپات كٷش بۋىپ تۇر دەنەمدٸ.
بۇل جاڭا جىل - بالالاردىڭ مەيرامى,
كەشٸرٸڭٸز, بالا ەمەسپٸن مەن ەندٸ...
شىرشا دەيمٸن... شىرشالاردى ايتام دا,
جارتى ايدان سوڭ قالادى ٶلٸپ قاي سايدا?!
نەنٸ ويلايدى, ٶز تٸلٸندە نە دەيدٸ-اي,
بۇ دٷنييادان و دٷنيياعا قايتاردا...
بالتالاعان ادامداردى قارعاي ما?
بٸلمەيمٸن عوي, بولا ما ەكەن ونداي دا?!
سو كٸسٸلەر جاھاننامنىڭ وتىندا,
شىتىر-شۇتىر شىرشاداي بوپ جانباي ما?!
ٶزٸ بٸلسٸن, تٷسٸنسە دە كٸم قالاي,
(ەكەم وقىپ قويسا, تاعى ۇرسا ما-اي?).
جۇرت تويلاپ جٷر, ال مەن تۇرمىن سوستيىپ,
نە ٶلٸ ەمەس, نە تٸرٸ ەمەس شىرشاداي...
اياق استى بوساپ كەتتٸ-اۋ كٶڭٸلٸم,
ۋا, تەڭٸر-اي, قارتايدىم با, نە بۇنىم?
شىڭعىرادى ٸشٸپ الىپ بٸرەۋلەر,
شىر اينالىپ شىرشا-قىزدىڭ ٶلٸگٸن...
وت-شاشۋلار... وتتارىنداي توزاقتىڭ,
الاس, الاس, التى الاشتان ازاپ-مۇڭ.
جەك كٶرە مە جاڭا جىلدى شىرشالار,
جەتە الماعان ناۋرىزىنا قازاقتىڭ?!
كٷن جىلىنسا, شىقسام اناۋ كٶك بەلگە,
تەك سول عانا, باسقا تٸلەك جوق مەندە.
...شىرشا ەگەمٸن, تال ەگەمٸن ناۋرىزدا,
قانشا كٷن بار وعان دەيٸن... كٶكتەمگە?!
ەەەح, ناۋرىز...
01.01.16 جىل.
الماس تەمٸرباي
توپتاستىرعان: ۇلت پورتالى
