جاقىندا لاۋازىمدى قىزمەتكە تاعايىندالعان ايتىسكەر اقىن رينات زايىتوۆ سۇقبات بەرٸپ, جاڭا قىزمەتٸنە قاتىستى ويىن ايتتى, دەپ حابارلايدى Sputnik قازاقستان.
"ۇجىمدى باسقارۋ – ۇجىممەن تٸل تابىسۋ. سوسىن جاۋاپكەرشٸلٸكتٸ موينىڭا الۋ. مەن ەۋ باستان جاۋاپكەرشٸلٸك الۋدان قاشقان جوقپىن. ٶزٸم ايتقان سٶزٸم ٷشٸن دە, ٸستەگەن ٸسٸم ٷشٸن دە. دەل سونداي جاۋاپكەرشٸلٸك موينىما رەسمي تٷردە جٷكتەلدٸ", – دەپ تٷسٸندٸردٸ جاڭا قىزمەتٸن ايتىسكەر اقىن.
ايتۋىنشا, جاڭا قىزمەتٸندەگٸ ايلىعى شامامەن 200 مىڭ تەڭگە. ال ٶزٸ ديرەكتور بولعان ٶنەر ورداسىنىڭ جىلدىق بيۋدجەتٸ 17-18 ميلليون تەڭگە.
"ەڭ بٸرٸنشٸ ەدەن جۋۋشىلارمەن سٶيلەستٸم. ولاردىڭ ناقتى ايلىعىن بٸلەمٸن. ەڭ كٶبٸ – 56 مىڭ تەڭگە. ول جەردە جۇمىس ٸستەيتٸن ەنشٸ-ەرتٸستٸڭ ايلىعى 100 مىڭ تەڭگەدەن اسپايدى. ونىڭ سىرتىندا الماتى قالاسىنىڭ ەكٸمدٸگٸنٸڭ تاپسىرماسى بار: "رينات, ۇلتتىق ٶنەر اقساپ بارادى. مىنا جاقتى رەتتەۋ كەرەك. ايعايلاعاندا ادالمىن دەيسٸڭ عوي, ٸستەپ كٶر" دەپ ۇسىنىس ايتتى", – دەيدٸ ايتىسكەر.
سۇقبات بارىسىندا ەزٸرگە "ٷش جٷزدٸڭ تاعدىرىنان ٷش قىزدىڭ تاعدىرى ارتىق بولىپ تۇر" دەگەن سىندى سٶز ايتپايتىنىن جەتكٸزدٸ.
"ەزٸرگە ايتپايمىن. قىزمەتتٸك ەتيكا دەگەن بار. ول اۆتوماتتى تٷردە كەلەتٸن كومپروميسس. قىزمەتكە بارامىن دەپ كەلٸسٸم بەرەتٸن كەزدە ولار ماعان "ايتپايسىڭ, ٷندەمەيسٸڭ" دەگەن جوق. ٶزٸمە-ٶزٸم شەكتەۋ قوياتىنىمدى ٸشتەي بٸلدٸم. جالپىۇلتتىق مەسەلەلەردە ويدى اشىق بٸلدٸرۋگە ەشكٸم توقتاۋ سالعان جوق. بٸراق بۇرىنعىداي وتىرىپ الىپ, كەشكە دەيٸن ۇرا بەرمەيمٸن. وعان ۋاقىتىم دا جوق, ەكٸنشٸدەن, مەنٸڭ تٷسٸنٸگٸمدە ۇياتسىزداۋ بولادى", – دەدٸ زايىتوۆ.
رينات زايىتوۆ "وققاعارىڭىز بار ما?" دەگەن سۇراققا تاڭدانىسپەن جاۋاپ بەردٸ.
"كٸم اتايىن دەپ جٷر مەنٸ? اتقىسى كەلگەن ادام وققاعارعا قارامايدى عوي", – دەدٸ زايىتوۆ.
ەڭگٸمە بارىسىندا رينات زايىتوۆ ديماش قۇدايبەرگەننٸڭ امەريكاعا كٶشكەلٸ جاتقانىنا قاتىستى ويىن ايتتى.
"دەپ سول بالادا ەندٸ شارۋام جوق. قازاق ەكٸگە بٶلٸنەدٸ: مەنٸ جاقتايتىندار جەنە ونى جاقتايتىندار. شارشادىم وندايدان. بوس ەڭگٸمە… قازاقتى ىرىلداستىرۋدان شارشادىم. قازاقتىڭ باسىن قوسقىم كەلەدٸ", – دەدٸ ول.
ايتا كەتەيٸك, 8 اقپاندا رينات زايىتوۆ الماتىداعى "الاتاۋ" دەستٷرلٸ ٶنەر تەاترىنىڭ ديرەكتورى بولىپ تاعايىندالدى.
ول 1983 جىلى 17 قاراشادا شىعىس قازاقستان وبلىسىنىڭ اياگٶز قالاسىندا دٷنيەگە كەلگەن. مۇقان تٶلەباەۆ اتىنداعى مۋزىكا كوللەدجٸن "درامالىق تەاتر اكتەرٸ" ماماندىعى بويىنشا تەمامداعان. ديپلوم العاننان كەيٸن سەمەيدەگٸ مەملەكەتتٸك پەداگوگيكالىق ينستيتۋتقا وقۋعا تٷسەدٸ. وسىلايشا قازاق تٸلٸ مەن ەدەبيەتٸ پەنٸنٸڭ وقىتۋشىسى بولادى.
ايتىسقا 17 جاسىنان ارالاسا باستاعان. سەمەيدەگٸ جاستار تەاترىندا قىزمەت ەتتٸ. ايماقتىق, رەسپۋبليكالىق جەنە حالىقارالىق ايتىستاردىڭ جەڭٸمپازى.
