2021-2025 جىلدار كەزەڭٸندە قۇرىلىس ماتەريالدارى سالاسىندا 1 ترلن 66 ملرد تەڭگەگە 165 جوبا ٸسكە اسىرىلماق. بۇل تۋرالى قر يندۋسترييا جەنە ينفراقۇرىلىمدىق دامۋ مينيسترٸ بەيبٸت اتامقۇلوۆ مەلٸم ەتتٸ, دەپ حابارلايدى قازاقپارات.
«پايدالانۋعا بەرٸلٸپ جاتقان جاڭا تۇرعىن ٷيلەردٸڭ كٶبەيگەنٸن ەسكەرسەك, جۇمىس ٸستەپ تۇرعان كەسٸپورىنداردىڭ قۋاتىن ارتتىرىپ, جاڭا سەرپٸندٸ ينۆەستيتسييالىق جوبالاردى ٸسكە اسىرۋ قاجەت. بۇل سالانىڭ يمپورتقا تەۋەلدٸلٸگٸن ازايتادى. 2021-2025 جىلدار كەزەڭٸندە جالپى سوماسى 1 ترلن 66 ملرد تەڭگەگە 165 جوبانى ٸسكە اسىرىپ, 16,3 مىڭ جاڭا جۇمىس ورنىن اشۋ بولجانىپ وتىر. ٶڭٸرلەرگە قاتىستى الساق, ەڭ كٶپ جاڭا ينۆەستيتسييالىق جوبالاردى اقمولا (21 جوبا), تٷركٸستان (21 جوبا), الماتى (19 جوبا) وبلىستارى مەن نۇر-سۇلتان (26 جوبا) جەنە شىمكەنت (16 جوبا) قالالارىندا ٸسكە قوسۋ جوسپارلانۋدا», - دەدٸ ب. اتامقۇلوۆ ٷكٸمەت وتىرىسىندا.
بيىل قۇرىلىس ماتەريالدارى ٶندٸرٸسٸندە 2 ٸرٸ جوبا ٸسكە قوسىلدى:
بٸرٸنشٸ جوبا. اقتٶبە وبلىسىندا زەردە-كەراميكا كەسٸپورنىن كەڭەيتۋ اياسىندا جوبالىق قۋاتى 5 ملن شارشى مەتر بولاتىن زاۋىت ٸسكە قوسىلدى. بۇل ەلدەگٸ كەراميكا پليتا ٶندٸرٸسٸ قۋاتىن 3 ەسەگە (2,5 ملن شارشى مەتردەن 7 ملن شارشى مەترگە دەيٸن) ارتتىردى.
ەكٸنشٸ جوبا. بيىلدىڭ 8 جەلتوقسانىندا «Orda Glass» جاۋاپكەرشٸلٸگٸ شەكتەۋلٸ سەرٸكتەستٸگٸنٸڭ تاباق شىنى قۇيۋعا ارنالعان كەسٸپورنى ٸسكە قوسىلدى. تەحنيكالىق ەرەكشەلٸكتەرگە سەيكەس, زاۋىت العاشقى ٶنٸمٸن كەلەسٸ جىلدىڭ سەۋٸر ايىندا نارىققا شىعارۋدى جوسپارلانىپ وتىر.
