2021-2025 jyldar kezeńinde qurylys materialdary salasynda 1 trln 66 mlrd teńgege 165 joba iske asyrylmaq. Bul týraly QR Indýstriia jáne infraqurylymdyq damý ministri Beibit Atamqulov málim etti, dep habarlaidy QazAqparat.
«Paidalanýǵa berilip jatqan jańa turǵyn úilerdiń kóbeigenin eskersek, jumys istep turǵan kásiporyndardyń qýatyn arttyryp, jańa serpindi investitsiialyq jobalardy iske asyrý qajet. Bul salanyń importqa táýeldiligin azaitady. 2021-2025 jyldar kezeńinde jalpy somasy 1 trln 66 mlrd teńgege 165 jobany iske asyryp, 16,3 myń jańa jumys ornyn ashý boljanyp otyr. Óńirlerge qatysty alsaq, eń kóp jańa investitsiialyq jobalardy Aqmola (21 joba), Túrkistan (21 joba), Almaty (19 joba) oblystary men Nur-Sultan (26 joba) jáne Shymkent (16 joba) qalalarynda iske qosý josparlanýda», - dedi B. Atamqulov Úkimet otyrysynda.
Biyl qurylys materialdary óndirisinde 2 iri joba iske qosyldy:
Birinshi joba. Aqtóbe oblysynda Zerde-Keramika kásipornyn keńeitý aiasynda jobalyq qýaty 5 mln sharshy metr bolatyn zaýyt iske qosyldy. Bul eldegi keramika plita óndirisi qýatyn 3 esege (2,5 mln sharshy metrden 7 mln sharshy metrge deiin) arttyrdy.
Ekinshi joba. Biyldyń 8 jeltoqsanynda «Orda Glass» jaýapkershiligi shekteýli seriktestiginiń tabaq shyny quiýǵa arnalǵan kásiporny iske qosyldy. Tehnikalyq erekshelikterge sáikes, zaýyt alǵashqy ónimin kelesi jyldyń sáýir aiynda naryqqa shyǵarýdy josparlanyp otyr.
