جان-جاقتى ساياسي رەفورمالار جالعاسادى. «Egemen Qazaqstan» گازەتٸنە بەرگەن سۇحباتىندا قر پرەزيدەنتٸ قاسىم-جومارت توقاەۆ وسىلاي دەدٸ, دەپ حابارلايدى "ۇلت اقپارات".
«قازاقتا «ەل قۋاتتى بولماي, باق تۇراقتى بولمايدى» دەگەن ناقىل سٶز بار. وسى ورايدا مەملەكەتتٸلٸكتٸ نىعايتىپ, حالقىمىزدىڭ ەل-اۋقاتىن ارتتىرۋ ٷشٸن ماڭىزدى باستامالار قولعا الىندى.
ەڭ الدىمەن, قوعامنىڭ بەرەكە-بٸرلٸگٸ بەكەم بولۋى كەرەك. بۇعان بيلٸك پەن حالىق اراسىندا تۇراقتى ديالوگ ورناتۋ ارقىلى قول جەتكٸزۋگە بولادى. وسىعان وراي ۇلتتىق قوعامدىق سەنٸم كەڭەسٸ قۇرىلدى. ونىڭ نەگٸزگٸ ماقساتى – قوعامدىق سانانى جاڭعىرتۋعا ارنالعان اۋقىمدى شارالار ۇيىمداستىرۋ, ٶزەكتٸ مەسەلەلەردٸ تالقىلاپ, تيٸمدٸ ۇسىنىستار ەزٸرلەۋ. بٷگٸنگە دەيٸن كەڭەستٸڭ ەكٸ وتىرىسى ٶتكٸزٸلدٸ. ساياسي, ەكونوميكالىق جەنە ەلەۋمەتتٸك جاڭعىرۋ باعىتتارى بويىنشا كٶپتەگەن ۇسىنىس جاسالدى. قوعامدى الاڭداتقان تٷرلٸ مەسەلەلەر قىزۋ تالقىعا تٷستٸ», - دەدٸ ق.توقاەۆ.
مەملەكەت باسشىسى اتاپ ٶتكەندەي, ەلٸمٸزدە زامان تالابىنا ساي ساياسي رەفورمالار جٷرگٸزٸلۋدە.
«قازٸر مەنٸڭ باستاماممەن پارلامەنتتە بٸرقاتار ماڭىزدى زاڭنامالىق ٶزگەرٸستەر تالقىلانۋدا. «بەيبٸت جيىنداردى ۇيىمداستىرۋ جەنە ٶتكٸزۋ تەرتٸبٸ» تۋرالى زاڭ جوباسى قاراستىرىلىپ جاتىر. بۇل ەلٸمٸزدٸڭ دەموكراتييالىق دامۋىن ايقىندايتىن ٶتە ماڭىزدى قۇجات بولاتىنىنا كٷمەن جوق.
مەجٸلٸس پەن مەسليحات دەپۋتاتتارىنىڭ سايلاۋىنا تٷسەتٸن ساياسي پارتييالار ەيەلدەر مەن جاستار ٷشٸن وتىز پايىزدىق كۆوتا بٶلەتٸن بولادى. وسىعان وراي زاڭعا تيٸستٸ تولىقتىرۋلار ەنگٸزۋ قاراستىرىلۋدا. سونداي-اق ساياسي پارتييالاردى تٸركەۋدٸ جەڭٸلدەتۋ, پارلامەنتتٸك وپپوزيتسييا ينستيتۋتىن قالىپتاستىرۋ ٷشٸن زاڭناماعا ماڭىزدى تٷزەتۋلەر جاسالماق.
وسى ٶزگەرٸستەر ساياسي ٷدەرٸستەردٸ ودان ەرٸ ليبەراليزاتسييالاۋ جولىنداعى ناقتى قادام بولادى دەپ سەنەمٸن. جان-جاقتى ساياسي رەفورمالار جالعاسادى. بۇل – بٸزدٸڭ ستراتەگييالىق تاڭداۋىمىز», - دەدٸ پرەزيدەنت.
سونداي-اق قاسىم-جومارت توقاەۆ اازاماتتاردىڭ ٶتٸنٸش-تٸلەكتەرٸن جەدەل قاراستىرۋ ٷشٸن ٸسكە اسىرىلىپ جاتقان «حالىق ٷنٸنە قۇلاق اساتىن مەملەكەت» تۇجىرىمداماسى تۋرالى ايتتى.
«بۇل – ٶتە ماڭىزدى ەرٸ قاجەت باستاما. شەنەۋنٸكتەردٸڭ مٸندەتٸ – ەڭ الدىمەن, حالىققا قىزمەت ەتۋ. ولار ەل-جۇرتتىڭ مۇڭ-مۇقتاجىنا قۇلاق اسپاعاندا كٸمگە قۇلاق اسادى?! وسى قاعيداتتى بارلىق دەڭگەيدەگٸ مەملەكەتتٸك قىزمەتشٸلەردٸڭ ساناسىنا سٸڭٸرگەن جٶن. قازٸردٸڭ ٶزٸندە بۇل باعىتتا وڭ ٶزگەرٸس بار.
وتاندىق بيزنەستٸ دامىتۋعا ارنالعان بٸرقاتار باستاما جٷزەگە استى. مەنٸڭ تاپسىرمام بويىنشا شاعىن جەنە ميكرو بيزنەس ٶكٸلدەرٸ ٷش جىلعا تابىس سالىعىنان بوساتىلدى. ولاردىڭ قىزمەتٸ الداعى ٷش جىل بويى تەكسەرٸلمەيدٸ. سول ٷشٸن موراتوريي جارييالانعانىن بٸلەسٸزدەر. قازٸرگٸ تٶتەنشە جاعداي كەزٸندە دە كەسٸپكەرلەرگە ٷلكەن قولداۋ كٶرسەتٸلۋدە», - دەدٸ مەملەكەت باسشىسى.
پرەزيدەنتتٸڭ ايتۋىنشا, ەلدٸ الاڭداتاتىن ٶزەكتٸ مەسەلەنٸڭ بٸرٸ – باسپانا.
«وسى باعىتتا دا اۋقىمدى جۇمىستار اتقارىلدى. ٷكٸمەت الدىنا ەلباسى ۇسىنعان «باقىتتى وتباسى» باعدارلاماسىنىڭ اياسىن كەڭەيتٸپ, تۇرعىن ٷي قۇرىلىسىن جانداندىرۋ مٸندەتٸ قويىلدى. سوعان سەيكەس, بيىلدان باستاپ جىل سايىن كٶپ بالالى جەنە مٷگەدەك بالالارى بار 10 مىڭ وتباسى تۇرعىن ٷيمەن قامتاماسىز ەتٸلەدٸ.
از قامتىلعان جەنە كٶپ بالالى وتباسىلارعا ارنالعان ەلەۋمەتتٸك كٶمەكتٸڭ جاڭا تٷرلەرٸ ەنگٸزٸلدٸ. مىسالى, كٶپ بالالى وتباسىلارعا تابىسىنا قاراماي جەردەماقى بەرٸلە باستادى. جارتى ميلليوننان استام ازاماتتىڭ 300 مىڭ تەڭگەگە دەيٸنگٸ كەپٸلسٸز نەسيەسٸ ٶتەلدٸ. بۇل باستامالار حالىقتىڭ تۇرمىس ساپاسىن جاقسارتۋعا باعىتتالعان.
بىلتىر «پەداگوگ مەرتەبەسٸ تۋرالى» زاڭ قابىلداندى. سوعان وراي الداعى تٶرت جىلدا ۇستازداردىڭ ەڭبەكاقىسىن ەكٸ ەسە ارتتىرۋدى تاپسىردىم. بۇل جۇمىس جٷيەلٸ تٷردە جٷزەگە اسىرىلىپ كەلەدٸ. بيۋدجەت سالاسىنداعى باسقا دا قىزمەتكەرلەردٸڭ جالاقىسى كٶبەيتٸلۋدە», - دەدٸ ق.توقاەۆ.
سونىمەن قاتار قر پرەزيدەنتٸ جاستاردى قولداۋعا باعىتتالعان شارالار تۋرالى ايتتى.
«مەن تالانتتى دا تالاپتى جاستارعا سەنٸم ارتامىن. سول سەبەپتٸ «پرەزيدەنتتٸك جاستار كادرلىق رەزەرۆٸن» قۇرىپ, «جٷزدەن جٷيرٸك, مىڭنان تۇلپار» شىققان 300 جاستى ٸرٸكتەپ الدىق. ولاردىڭ بٸرازى قىزمەتكە ورنالاستى. تيٸستٸ مەملەكەتتٸك ورگاندارعا جاستار ساياساتىنا ارنالعان جاڭا كەشەندٸ باعدارلاما ەزٸرلەۋدٸ تاپسىردىم.
وسى جىلدى «ۆولونتەر جىلى» دەپ جارييالادىم. بٷگٸندە بۇل باستامانىڭ دەر كەزٸندە كٶتەرٸلگەنٸن كٶرٸپ وتىرمىز. قازٸرگٸدەي تٶتەنشە جاعدايدا ۆولونتەرلەر ايانباي ەڭبەك ەتٸپ جٷر. كٷردەلٸ كەزەڭدە بەلسەندٸلٸك تانىتقان جٸگەرلٸ جاستاردى ٷلگٸ تۇتۋىمىز كەرەك.
جالپى, بٸر جىل ٸشٸندە ناقتى جۇمىستار اتقارىلدى. سوندىقتان ەلدٸڭ ەڭسەسٸن كٶتەرەتٸن مۇنداي شەشٸمدەر الداعى ۋاقىتتا دا قابىلدانا بەرەدٸ», - دەپ تٷيدٸ مەملەكەت باسشىسى.
