قازاقستاندىق سپورتشى جەميلا باقبەرگەنوۆا ەيەلدەر كٷرەسٸنەن ازييا چەمپيونى اتاندى, دەپ حابارلايدى Olympic.kz.
ۇلان-باتور بوزكٸلەمٸندە ول 72 كەلٸ سالماق دەرەجەسٸندە قارسىلاس شاق كەلتٸرمەدٸ. "دٶڭگەلەك اينالىم" جٷيەسٸ بويىنشا ٶتكەن بەسەكەدە وتانداسىمىز قارسىلاستارىنىڭ بەرٸن جەڭدٸ. اتاپ ايتقاندا, ول داۆااناسان ەنحامار (موڭعولييا), سۆەتلانا وكنازاروۆا (ٶزبەكستان), نيككي نيككي (ٷندٸستان) مەن سۋميرە نييكۋرا (جاپونييا) سىندى مىقتى بالۋانداردىڭ جاۋىرىنىن جەرگە تيگٸزدٸ.
نەتيجەسٸندە ەيەلدەر كٷرەسٸنەن قازاقستان قۇراماسىنىڭ قورجىنىنا ەكٸنشٸ التىندى سالدى. جارىستىڭ العاشقى كٷنٸندە ونىڭ سىڭارى مادينا باقبەرگەنوۆا 68 كەلٸ سالماقتا توپ جارعان بولاتىن.
ايتا كەتەرلٸگٸ, كٷرەس تٷرلەرٸنەن ازييا چەمپيوناتى موڭعولييا استاناسى ۇلان-باتوردا ٶتٸپ جاتىر. ەيەلدەر كٷرەسٸنەن كەزدەسۋلەر دٶڭگەلەك اينالىم جٷيەسٸ بويىنشا ٶتۋدە.
سپورتشىلار ٶزدەرٸنٸڭ سالماق دەرەجەسٸندە بارلىق بالۋاندارمەن ەر اينالىمدا بەلدەسٸپ, جەڭٸمپازدى انىقتايدى. جەميلا اتالعان جٷيە بويىنشا بارلىق قارسىلاسىن بٸردەي جەڭٸپ, ۋاقىتىنان بۇرىن التىنعا قول جەتكٸزدٸ. بۇل - جەميلا باقبەرگەنوۆانىڭ ازييا چەمپيوناتىنداعى ەكٸنشٸ التىنى. ول بۇعان دەيٸن 2020 جىلى نيۋ-دەليدە ٶتكەن ازييا چەمپيوناتىندا ٷزدٸك اتانعان.
