ەۋليەاتا ٶڭٸرٸ – كٶپتەگەن عۇلاما عالىمدار مەن قاھارمان باتىرلاردىڭ, اتاقتى اقىن-جىراۋلار مەن قارىمدى قالامگەرلەردٸڭ قۇت مەكەنٸ. بۇل تۋرالى جامبىل جاباەۆتىڭ 175 جىلدىعىنا ارنالعان «ۇلى دالا اقىنى» اتتى حالىقارالىق كونفەرەنتسييادا قر پرەزيدەنتٸ ەكٸمشٸلٸگٸ باسشىسىنىڭ بٸرٸنشٸ ورىنباسارى دەۋرەن اباەۆ ايتتى, دەپ حابارلايدى قازاقپارات.
«بٷگٸن تاريحىمىزدىڭ التىن بەسٸگٸ سانالاتىن كٶنە تاراز قالاسىندا باس قوسۋىمىزدىڭ تەرەڭ مەنٸ بار. بۇل ٶلكە – مىڭجىلدىقتاردىڭ قۇرداسى, قازاق حاندىعى قۇرىلۋىنىڭ كۋەسٸ. ەۋليەاتا ٶڭٸرٸ – كٶپتەگەن عۇلاما عالىمدار مەن قاھارمان باتىرلاردىڭ, اتاقتى اقىن-جىراۋلار مەن قارىمدى قالامگەرلەردٸڭ قۇت مەكەنٸ. سولاردىڭ بٸرٸ, ەڭ تانىمالى - جامبىل تاۋىنىڭ ەتەگٸندەگٸ مويىنقۇمدا دٷنيەگە كەلگەن ۇلى جامبىل جاباەۆ. بٷگٸندە ەلٸمٸزدە ونىڭ 175 جىلدىق مەرەيتويى مەملەكەتتٸك دەڭگەيدە اتالىپ ٶتٸپ جاتىر», - دەدٸ دەۋرەن اباەۆ.
وسى رەتتە ول مەملەكەت باسشىسى قاسىم-جومارت توقاەۆتىڭ جارلىعىمەن ۇلى اقىننىڭ مەرەيتويىن ۇيىمداستىرۋ ٷشٸن ارناۋلى مەملەكەتتٸك كوميسسييا قۇرىلعانىن ەسكە سالىپ ٶتتٸ.
«بۇل ايتۋلى داتانىڭ بىلتىرعى اباي جىلىمەن ساباقتاسىپ, بيىلعى تەۋەلسٸزدٸك مەرەيتويىمەن تۇسپا-تۇس كەلۋٸنٸڭ سيمۆولدىق مەنٸ زور. سەبەبٸ قازاقتىڭ قوس ۇلى اقىنىنىڭ دا اسقاق ارمانى – جۇرتىنىڭ دەربەستٸگٸ مەن ٶسٸپ-ٶركەندەۋٸ ەدٸ. ولار وسى ٸزگٸ تٸلەكتٸ ٶلەڭٸنە ٶزەك, شىعارماشىلىعىنا ارقاۋ ەتتٸ. بٸز بٷگٸن ابىزدارىمىزعا ارمان بولعان ازاتتىقتىڭ ايشىقتى بەلەسٸنە شىعىپ, بابالار ميراسىن دەرٸپتەپ وتىرمىز. بايىپتاپ قاراعانعا بۇل – تاريحي سەت. سوندىقتان دا وسىناۋ ماڭىزدى ٸس-شارانىڭ ۇلىاقىننىڭ اتىمەن اتالاتىنوبلىستا ٶتكٸزٸلۋٸ زاڭدىلىق دەپ سانايمىن», - دەدٸ قر پرەزيدەنتٸ ەكٸمشٸلٸگٸ باسشىسىنىڭ بٸرٸنشٸ ورىنباسارى.
