Áýlieata óńiri – kóptegen ǵulama ǵalymdar men qaharman batyrlardyń, ataqty aqyn-jyraýlar men qarymdy qalamgerlerdiń qut mekeni. Bul týraly Jambyl Jabaevtyń 175 jyldyǵyna arnalǵan «Uly dala aqyny» atty halyqaralyq konferentsiiada QR Prezidenti Ákimshiligi basshysynyń birinshi orynbasary Dáýren Abaev aitty, dep habarlaidy QazAqparat.
«Búgin tarihymyzdyń altyn besigi sanalatyn kóne Taraz qalasynda bas qosýymyzdyń tereń máni bar. Bul ólke – myńjyldyqtardyń qurdasy, Qazaq handyǵy qurylýynyń kýási. Áýlieata óńiri – kóptegen ǵulama ǵalymdar men qaharman batyrlardyń, ataqty aqyn-jyraýlar men qarymdy qalamgerlerdiń qut mekeni. Solardyń biri, eń tanymaly - Jambyl taýynyń etegindegi Moiynqumda dúniege kelgen uly Jambyl Jabaev. Búginde elimizde onyń 175 jyldyq mereitoiy memlekettik deńgeide atalyp ótip jatyr», - dedi Dáýren Abaev.
Osy rette ol Memleket basshysy Qasym-Jomart Toqaevtyń Jarlyǵymen uly aqynnyń mereitoiyn uiymdastyrý úshin arnaýly memlekettik komissiia qurylǵanyn eske salyp ótti.
«Bul aitýly datanyń byltyrǵy Abai jylymen sabaqtasyp, biylǵy Táýelsizdik mereitoiymen tuspa-tus kelýiniń simvoldyq máni zor. Sebebi qazaqtyń qos uly aqynynyń da asqaq armany – jurtynyń derbestigi men ósip-órkendeýi edi. Olar osy izgi tilekti óleńine ózek, shyǵarmashylyǵyna arqaý etti. Biz búgin abyzdarymyzǵa arman bolǵan azattyqtyń aishyqty belesine shyǵyp, babalar mirasyn dáriptep otyrmyz. Baiyptap qaraǵanǵa bul – tarihi sát. Sondyqtan da osynaý mańyzdy is-sharanyń ulyaqynnyń atymen atalatynoblysta ótkizilýi zańdylyq dep sanaimyn», - dedi QR Prezidenti Ákimshiligi basshysynyń birinshi orynbasary.
