جامبىلدا ٷكٸمەت باسشىسىنا روبوتتى تەحنيكانىڭ ەزٸرلەنگەن جٷيەسٸ تانىستىرىلدى

جۇمىس ساپارى اياسىندا باقىتجان ساعىنتاەۆ جامبىل وبلىسىنىڭ بٸلٸم بەرۋ سالاسىنىڭ قىزمەتكەرلەرٸمەن ەلباسى جولداۋلارىندا جەنە جۋىردا ٶتكەن قاۋٸپسٸزدٸك كەڭەسٸنٸڭ وتىرىسىندا العا قويعان تاپسىرمالارىن ورىنداۋ اياسىندا جوعارى, تەحنيكالىق جەنە كەسٸپتٸك بٸلٸم بەرۋ جٷيەسٸندە بٸلٸم ساپاسىن ارتتىرۋ, گرانتتاردى تيٸمدٸ پايدالانۋ, سونداي-اق جوو مەن كوللەدجدەردە بٸلٸم الۋ قۇنىن تٶمەندەتۋ جەنە باعا قالىپتاستىرۋ ايقىندىعىن ارتتىرۋ بويىنشا كەزدەسۋ ٶتكٸزدٸ. بۇل تۋرالى primeminister.kz حابارلايدى.

جيىنعا جوو رەكتورلارى, كوللەدجدەردٸڭ ديرەكتورلارى, جاستار مەن ستۋدەنتتەر ۇيىمدارىنىڭ, «اتامەكەن» ۇكپ, بيزنەس قاۋىمداستىقتار, ٷەۇ جەنە وبلىستىق پروكۋراتۋرا ٶكٸلدەرٸ قاتىستى.

ەلباسى ٶزٸنٸڭ جىل سايىنعى جولداۋلارىندا بٸلٸم بەرۋ جٷيەسٸنە ايرىقشا نازار اۋداراتىنىن ايتا كەتكەن جٶن. ماڭىزدى مەسەلەلەر — مەكتەپ قابىرعاسىنان باستاپ كوللەدجدەر مەن ۋنيۆەرسيتەتتەرگە دەيٸن ساپالى كادرلاردى دايارلاۋ. پرەزيدەنت بٸلٸم, عىلىم جەنە دەنساۋلىق ساقتاۋ شىعىندارىن بارلىق كٶزدەردەن بەس جىل ٸشٸندە جٸٶ-نٸڭ 10%-نا دەيٸن جەتكٸزۋدٸ تاپسىردى. قازٸرگٸ تاڭدا بٸلٸم بەرۋگە جۇمسالعان شىعىندار جٸٶ-نٸڭ 7,3–7,4%-ىن قۇرايدى.

ٷكٸمەت پرەزيدەنتتٸڭ تاپسىرمالارىن ورىنداۋ ٷشٸن قاجەتتٸ شارالاردى قابىلداپ جاتىر. الداعى ٷش جىلدا جولداۋدى ٸسكە اسىرۋعا 1,75 ترلن تەڭگە باعىتتالادى. 2019 جىلعى 1 قاڭتاردان باستاپ ەڭ تٶمەنگٸ جالاقى مٶلشەرٸ 1,5 ەسەگە — 28-دەن 42 مىڭ تەڭگەگە دەيٸن ٶسەدٸ. وسىلايشا, 1,3 ملن جالدامالى جۇمىسشىنىڭ جالاقىسى 30%-عا ٶسەدٸ. سونداي-اق, بۇل 275 مىڭ ازاماتتىق قىزمەتكەرگە, ونىڭ ٸشٸندە پەداگوگ ماماندارىنا قاتىستى, ولاردىڭ جالاقىسى 35%-عا ارتادى.

پرەمەر-مينيستر «مۇعالٸم مەرتەبەسٸ تۋرالى» زاڭ قابىلدانعاننان كەيٸن جوسپارلانعان رەفورمالاردى باستاۋ تۋرالى شەشٸم قابىلدانعانىن اتاپ ٶتتٸ. مۇعالٸمنٸڭ مەرتەبەسٸن كٶتەرۋ — كەلەشەك ۇرپاقتى تەربيەلەۋدٸڭ نەگٸزٸ, ٶسكەلەڭ ۇرپاق ٷشٸن مۇعالٸم ٷلگٸ جەنە ٶنەگە بولۋى تيٸس. بۇعان قوسا ۋنيۆەرسيتەتتەردە مۇعالٸمدەردٸ دايارلاۋ مەسەلەسٸنە ەرەكشە كٶڭٸل بٶلۋ قاجەت.

بٸلٸم بەرۋ جٷيەسٸنٸڭ ماڭىزدى مەسەلەلەرٸنٸڭ بٸرٸ — ساپا مەن باعا اراسىنداعى سەيكەسسٸزدٸك. وسىعان بايلانىستى ب. ساعىنتاەۆ كەزدەسۋ قاتىسۋشىلارىن سەبەپتەردٸ انىقتاۋعا جەنە بٸرلەسٸپ قاجەتتٸ شارالاردى قابىلداۋعا شاقىردى. جوو-لار مەن كوللەدجدەرگە قويىلاتىن تالاپتار — تٷلەكتەردٸڭ جۇمىسقا ورنالاسۋىن قامتاماسىز ەتۋ جەنە وقىتۋشىلار قۇرامىنىڭ تيٸستٸ بٸلٸكتٸلٸگٸنٸڭ بولۋى. بۇل ٷشٸن بٸرقاتار شەشٸمدەر قابىلداندى: جوو-لاردان جۇمىسقا ورنالاسۋ كٶرسەتكٸشتەرٸ تٶمەن ماماندىقتاردىڭ ليتسەنزييالارى قايتارىپ الىنادى, ەربٸر بەس جىلدا وقىتۋشىلار بٸلٸكتٸلٸك تالاپتارىنا سەيكەس ەمتيحان تاپسىرادى. بۇدان ٶزگە, ۋنيۆەرسيتەتتەر مەن كوللەدجدەردٸڭ تەحنيكالىق جابدىقتالۋى زاماناۋي تالاپتارعا سەيكەس كەلۋٸ كەرەك ەكەنٸ اتالىپ ٶتتٸ.

سونىمەن قاتار, كەزدەسۋ بارىسىندا جامبىل وبلىسىنىڭ بٸلٸم بەرۋ سالاسىنىڭ ٶكٸلدەرٸ سٶز سٶيلەدٸ. م. ح. دۋلاتي اتىنداعى تاراز مەملەكەتتٸك ۋنيۆەرسيتەتٸنٸڭ رەكتورى م. سارىبەكوۆ وبلىستا بٸلٸم بەرۋ جٷيەسٸن ودان ەرٸ دامىتۋ باعىتتارى اراسىندا زاماناۋي تالاپتاردى جەنە ٶڭٸر ەكونوميكاسىنىڭ قاجەتتٸلٸكتەرٸن ەسكەرە وتىرىپ, جاڭا ماماندىقتاردى اشۋ مەسەلەسٸن اتاپ ٶتتٸ. تاراز مەملەكەتتٸك پەداگوگيكالىق ۋنيۆەرسيتەتٸنٸڭ رەكتورى ە. ەمٸربەكۇلى وقىتۋعا جاڭا پەندٸ قوسۋ تۋرالى ۇسىنىس بٸلدٸردٸ. تاراز يننوۆاتسييالىق-گۋمانيتارلىق ۋنيۆەرسيتەتٸنٸڭ رەكتورى ە. ساۋراقوۆ بٷگٸندە پرەزيدەنتتٸڭ بەس ەلەۋمەتتٸك باستاماسىن ورىنداۋ اياسىندا ٸسكە اسىرىلىپ جاتقان ستۋدەنت جاستاردى جاتاقحانامەن قامتاماسىز ەتۋ مەسەلەسٸن كٶتەردٸ. قاراتاۋ گۋمانيتارلىق-تەحنيكالىق كوللەدجٸنٸڭ ديرەكتورى د. مەسەلبەكوۆ ٶز سٶزٸندە جۇمىسشى ماماندىقتارى (ينجەنەرلٸك-پەداگوگيكالىق, قۇرىلىس, حيمييا جەنە ت.ب.) بويىنشا قوسارلى بٸلٸم بەرۋ تاقىرىبىن قوزعادى.  

وبلىستىق بٸلٸم باسقارماسىنىڭ باسشىسى ر. تۇرماحانبەتوۆا ٶز كەزەگٸندە ٶڭٸردە مەكتەپكە دەيٸنگٸ جەنە ورتا بٸلٸم بەرۋدٸڭ قولجەتٸمدٸلٸگٸ مەن ساپاسىن ارتتىرۋ بويىنشا قابىلدانىپ جاتقان شارالار تۋرالى باياندادى. مەكتەپكە دەيٸنگٸ بٸلٸم بەرۋ بويىنشا: وسى جىلدىڭ باسىنان بەرٸ وبلىستا 3357 ورىنعا ارنالعان 35 مەكەمە, ونىڭ ٸشٸندە 30 جەكەمەنشٸك بالاباقشا مەن 5 شاعىن ورتالىق اشىلعان. وسىلايشا, 3 جاستان 6 جاسقا دەيٸنگٸ بالالاردى قامتۋ 98% قۇرايدى. پرەزيدەنتتٸڭ تاپسىرماسى بويىنشا ورتا بٸلٸم بەرۋ ساپاسىن ارتتىرۋ ماقساتىندا نازارباەۆ زيياتكەرلٸك مەكتەپتەرٸ جٷيەسٸنە 40 بٸلٸم بەرۋ مەكەمەسٸ كٶشٸرٸلدٸ. 16 مىڭعا جۋىق مۇعالٸم ەڭبەكاقىلارىنا 30% كٶلەمٸندە ٷستەمە اقى الادى.

بۇعان قوسا, مەسەلەلەردٸ تالقىلاۋ بارىسىندا ستۋدەنت جاستاردىڭ ٶكٸلدەرٸ پرەزيدەنتتٸڭ قازاقستان حالقىنا جولداۋىندا ايتىلعان باستامالارعا قولداۋ بٸلدٸردٸ. اتاپ ايتقاندا, جامبىل پوليتەحنيكالىق جوعارى كوللەدجٸنٸڭ IV كۋرس ستۋدەنتٸ م. اسىلحان جاڭا نەمٸس بٸلٸم بەرۋ باعدارلاماسى بويىنشا العان تەجٸريبەسٸمەن بٶلٸستٸ. باعدارلاما بٸرنەشە بٸلٸكتٸلٸكتٸ الۋعا مٷمكٸندٸك بەرەدٸ. مەسەلەن, 2,5 جىل ٸشٸندە ول 10-عا جۋىق بٸلٸكتٸلٸكتٸ يگەردٸ: بۇل — سىلاق جەنە گەودەزييالىق جۇمىستار, كٸرپٸش قالاۋ, بەتون, مونتاج جەنە ەرلەۋ جۇمىستارى. الىنعان بٸلٸمدەر مەن داعدىلار ەڭبەك نارىعىندا تيٸستٸ جۇمىستى تابۋعا ەلەۋلٸ سەپتٸگٸن تيگٸزەدٸ.

تاراز مەملەكەتتٸك پەداگوگيكالىق ۋنيۆەرسيتەتٸنٸڭ سوڭعى كۋرس ستۋدەنتٸ ٷ. ٸليياسوۆا, ٶز كەزەگٸندە, «مۇعالٸم مەرتەبەسٸ تۋرالى» زاڭدى قابىلداۋ جٶنٸندەگٸ ەلباسىنىڭ باستاماسىن قولدايتىنىن جەتكٸزدٸ. ونىڭ ايتۋىنشا, بۇل جاس پەداگوگتار مەن ستۋدەنتتەردٸ جٸگەرلەندٸرەدٸ. اتالعان زاڭ جاس ماماندارعا ٶزدەرٸنە دەگەن سەنٸمدٸ ۇيالاتىپ, سەتتٸ نەتيجەلەر كٶرسەتۋگە جول اشادى, ال بٸلٸم بەرۋ سالاسىن قارجىلاندىرۋدى ۇلعايتۋ جاس مامانداردىڭ ۇستاز بولۋعا دەگەن قىزىعۋشىلىعىن وياتپاق.

«ەلباسىمىز بيىلعى جولداۋىندا 2019 جىلدى جاستار جىلى دەپ بەلگٸلەدٸ. بەس ەلەۋمەتتٸك باستاماسىندا جاتاقحانا مەسەلەسٸنە توقتالدى. بۇنىڭ بارلىعى جاستارعا جاسالىپ جاتقان قولداۋ دەپ بٸلەمٸز. بٸز, جاستار, پرەزيدەنتكە شەكسٸز العىس ايتامىز», — دەدٸ ٶڭٸر جاستارىنىڭ اتىنان ٷ. ٸليياسوۆا.

پرەمەر-مينيستر ٶڭٸردە بٸلٸم بەرۋ قىزمەتتەرٸنٸڭ ساپاسىمەن تانىسۋ ماقساتىندا جوعارى پوليتەحنيكالىق كوللەدجدٸڭ ماتەريالدىق-تەحنيكالىق جابدىقتالۋىن تەكسەردٸ. جالپى حيمييا زەرتحاناسىنا باردى, وندا حيمييالىق تالداۋعا ارنالعان جاڭا قوندىرعىلار ەنگٸزٸلگەن. بۇدان ٶزگە, ب. ساعىنتاەۆقا روبوتتى تەحنيكانىڭ ەزٸرلەنگەن جٷيەسٸ تانىستىرىلدى. جامبىل وبلىسى ەكٸمدٸگٸنٸڭ دەرەكتەرٸ بويىنشا تەحنيكالىق جەنە كەسٸپتٸك بٸلٸم بەرۋ سالاسىندا 48 ۇيىم جۇمىس ٸستەيدٸ, ونىڭ 25-ٸ — مەملەكەتتٸك. 2018 جىلى ەكونوميكانىڭ 94 باسىم سالاسى بويىنشا 27 396 ستۋدەنت, ونىڭ ٸشٸندە 14 657 — مەملەكەتتٸك تاپسىرىس بويىنشا تجكب الۋدا.