قازاقستان پرەزيدەنتٸ قاسىم-جومارت توقاەۆ جامبىل وبلىسىنىڭ جۇرتشىلىعىمەن كەزدەستٸ, دەپ حابارلايدى "ۇلت اقپارات" اقورداعا سٸلتەمە جاساپ.
جيىنعا ٶڭٸردٸڭ ارداگەرلەرٸ, زييالى قاۋىم, ازاماتتىق قوعام جەنە جاستار ٶكٸلدەرٸ قاتىستى.
قازاقستان پرەزيدەنتٸ جامبىل وبلىسىنىڭ ەكونوميكالىق مٷمكٸندٸكتەرٸن اتاپ ٶتٸپ, تٷيٸنٸ تارقاتىلماعان بٸرقاتار مەسەلەگە نازار اۋداردى.
– وبلىستاعى ورتاشا جالاقى مٶلشەرٸ – 112 مىڭ تەڭگە. بۇل – ەلدەگٸ ەڭ تٶمەن كٶرسەتكٸشتٸڭ بٸرٸ. 1 ماۋسىمنان باستاپ تابىسى تٶمەن بيۋدجەتتٸك سالا قىزمەتكەرلەرٸنٸڭ جالاقىسى ٶستٸ. ٶڭٸر كەسٸپورىندارى بۇل باستامادان شەت قالماۋى تيٸس. بارلىق دەڭگەيدەگٸ ەكٸمدەردٸڭ باستى مٸندەتٸ جاڭا جۇمىس ورىندارىن اشىپ, حالىقتى قىزمەتپەن قامتۋ ەكەنٸن ەسكەرتەمٸن. جۇمىس ورىندارىن اشۋدا بيزنەستٸڭ رٶلٸ جوعارى. سوندىقتان, جەرگٸلٸكتٸ كەسٸپكەرلەردٸ قولداۋدى جالعاستىرۋ قاجەت, – دەدٸ مەملەكەت باسشىسى.
قاسىم-جومارت توقاەۆ ٶنەركەسٸپتٸڭ مٷمكٸندٸگٸن تولىق پايدالانىپ, يندۋسترييالاندىرۋ جوبالارىن ٸسكە اسىرۋدا زاماناۋي تەحنولوگييالىق ٶندٸرٸسكە باسا مەن بەرۋ كەرەكتٸگٸنە توقتالدى.
– ٶڭدەۋ ٶنەركەسٸبٸنە, ەسٸرەسە, حيمييا كلاستەرٸنە ٸرٸ ينۆەستورلاردى تارتۋ قاجەت. ٷكٸمەت پەن ەكٸمدٸككە وسى مەسەلەنٸ ناقتىلاۋدى تاپسىرامىن. بۇل – ەكونوميكانىڭ ورنىقتى دامۋىنا ىقپال ەتەدٸ, ەڭبەك ٶنٸمدٸلٸگٸن ارتتىرادى. ٶڭٸردەگٸ ٶندٸرٸستٸڭ دامۋ كٶزٸ «تاراز» حيمييالىق پاركٸ» ارنايى ەكونوميكالىق ايماعى بولۋى قاجەت, – دەدٸ قازاقستان پرەزيدەنتٸ.
مەملەكەت باسشىسى ٶڭٸردٸڭ اۋىل شارۋاشىلىعى سالاسىنداعى ەڭبەك ٶنٸمدٸلٸگٸنٸڭ تٶمەن ەكەنٸن ايتتى.
– جەرگٸلٸكتٸ ەكٸمدٸك اگروسەكتور سالاسىنىڭ ماماندارىمەن تىعىز جۇمىس ٸستەۋٸ قاجەت. وبلىستا قانت قىزىلشاسى, جەمٸس جەنە كٶكٶنٸس داقىلدارىنىڭ كٶلەمٸن كٶبەيتۋگە مٷمكٸندٸك بار. ٷكٸمەت كەلەسٸ جىلدان باستاپ شەتەلدەن ەكەلٸنەتٸن شيكٸ قۇراق قانتىنا يمپورتتىق باج سالىعىن سالۋ تۋرالى شەشٸم قابىلدادى. وسىعان وراي, وبلىس ەكٸمٸنە قانت قىزىلشاسى مەن جەمٸس-كٶكٶنٸس داقىلدارىنىڭ ەگٸس كٶلەمٸن ۇلعايتىپ, ٶڭدەۋ كەسٸپورىندارىنىڭ قۋاتىن ارتتىرۋدى تاپسىرامىن, – دەدٸ قاسىم-جومارت توقاەۆ.
قازاقستان پرەزيدەنتٸ ٶڭٸردە تۋريستەردٸ قىزىقتىراتىن تاريحي ورىندار بارشىلىق ەكەنٸن اتاپ ٶتٸپ, تۋريزمدٸ دامىتۋ قاجەتتٸگٸن ايتتى.
– ايماقتىڭ تۋريستٸك ەلەۋەتٸن ارتتىرىپ, ينۆەستيتسييا تارتۋ ٷشٸن جٷيەلٸ شارالار قابىلداۋ قاجەت. بۇل باعىتتا شەتەلدٸك وزىق تەجٸريبەلەردٸ ەسكەرگەن جٶن. ٷكٸمەت تۋريزمدٸ دامىتۋعا ارنالعان مەملەكەتتٸك باعدارلاما دايىنداۋدا. جامبىل وبلىسى تاريحي كٶرنەكتٸ ورىندارعا ٶتە باي. ٶڭٸردەگٸ ايشا بيبٸ جەنە قاراحان كەسەنەلەرٸ, جايساڭ كيەلٸ جەرٸ, كٶكساي شاتقالى جەنە باسقا دا تاريحي ورىندار – حالقىمىز ٷشٸن ورتاق مەدەني قۇندىلىقتار. ٷكٸمەت پەن ەكٸمدٸك بۇل سالانى بٸرلەسە دامىتۋعا كٷش سالۋى كەرەك. وعان وبلىستىڭ رەسۋرستارى جەتكٸلٸكتٸ, – دەدٸ مەملەكەت باسشىسى.
ايماقتار اراسىنداعى الشاقتىقتى ازايتۋ قاجەتتٸگٸن ايتقان قازاقستان پرەزيدەنتٸ جامبىل وبلىسىنداعى شاعىن قالالاردى دامىتۋ تۋرالى ويىن ورتاعا سالدى.
– مونو جەنە شاعىن قالالار – ٶز الدىنا بٶلەك مەسەلە. جاڭاتاس, قاراتاۋ سەكٸلدٸ شاعىن قالالاردىڭ ەلەۋمەتتٸك, كٶلٸك جەنە ينجەنەرلٸك ينفراقۇرىلىمىن دامىتامىز. بۇل شارالار, ەڭ الدىمەن, حالىقتىڭ ٶمٸر سٷرۋ ساپاسىن ارتتىرۋ ٷشٸن جاسالىپ وتىر, – دەدٸ قاسىم-جومارت توقاەۆ.
مەملەكەت باسشىسى سىبايلاس جەمقورلىق مەسەلەسٸنە دە توقتالدى.
– جەمقورلىقتى تٷبەگەيلٸ جويعانشا كٷرەسەمٸز. ەكٸمدەرگە ەرەكشە جاۋاپكەرشٸلٸك جٷكتەلەدٸ. ەل ەكونوميكاسىنىڭ دامۋى جەنە حالىقتىڭ ەل-اۋقاتىنىڭ ارتۋى وسىعان تٸكەلەي بايلانىستى. جەمقورلىقپەن كٷرەس – مەنٸڭ پرەزيدەنت رەتٸندە نەگٸزگٸ ماقساتتارىمنىڭ بٸرٸ. بۇل ٸسكە ايماق ٶكٸلدەرٸ بەلسەنە ارالاسۋى كەرەك, – دەدٸ قازاقستان پرەزيدەنتٸ.
قاسىم-جومارت توقاەۆ اۋداندىق, اۋىلدىق ەلدٸ مەكەندەردەگٸ جولداردى جاقسارتۋدى, بٸلٸم بەرۋ نىساندارىن كٶپتەپ سالۋدى, سول ارقىلى ٷش اۋىسىمدى جەنە اپاتتى جاعدايداعى مەكتەپتەر مەسەلەسٸن رەتتەۋدٸ تاپسىردى. سونىمەن قاتار, مەملەكەت باسشىسى جاستارعا ەرقاشان قولداۋ كٶرسەتٸلەتٸنٸن جەنە بٸلٸكتٸ مامانداردىڭ شىعارماشىلىقتا, قىزمەتتٸك ساتىدا ٶسۋٸ ٷشٸن كەدەرگٸ بولماۋى كەرەكتٸگٸن ايتتى.
– ەكٸمدٸكتەردٸڭ جانىنداعى جاستار كەڭەسٸ ولاردىڭ قىزمەت بابىندا ٶسۋٸنە قاجەتتٸ باسپالداق بولۋى تيٸس. بٸز مەملەكەتتٸك قىزمەتتە عانا ەمەس, بٸلٸم مەن عىلىم, مەدەنيەت پەن سپورت, بيزنەس جەنە باسقا دا سالالاردا دارىنداردىڭ دارا شىعۋىن قولدايمىز. «جاس كەسٸپكەر» باعدارلاماسى اياسىندا جاستاردىڭ بيزنەس باستامالارى مەن ستارتاپتارى قولداۋ تابادى, – دەدٸ قازاقستان پرەزيدەنتٸ.
سونىمەن قاتار, قۇقىق قورعاۋ ورگاندارىنىڭ جۇمىسىن كٷشەيتۋ قاجەتتٸگٸن ەسكەرتٸپ, ٶڭٸردەگٸ مال ۇرلىعى مەن ەسٸرتكٸ ساۋداسىنا توسقاۋىل قويۋ كەرەكتٸگٸن اتاپ ٶتتٸ.
– ادال ەڭبەك ەتٸپ, كٷنٸن كٶرٸپ وتىرعان مالشىلاردى قورعاۋىمىز قاجەت. زاڭدى قاتايتىپ, قىلمىسكەرلەردٸ سىبايلاستارىمەن قوسىپ, قاتاڭ جازالاۋ كەرەك. سوندىقتان, ەكٸمدٸكتەر مەن جەرگٸلٸكتٸ پوليتسييا بارىمتاعا قارسى شۇعىل شارالار قابىلداۋى تيٸس. قىلمىستىق كودەكسكە تيٸستٸ ٶزگەرتۋلەر ەنگٸزۋ قاجەت. ەسٸرتكٸ قىلمىسىنىڭ ۋشىعۋى – بٷكٸل قوعامدى الاڭداتقان ٶزەكتٸ مەسەلەنٸڭ بٸرٸ. ٶكٸنٸشكە قاراي, قازٸرگٸ وزىق تەحنولوگييا دامىعان زاماندا «ەسٸرتكٸ بيزنەسٸنٸڭ» دەۋرەنٸ جٷرٸپ تۇر. بۇل, ەڭ الدىمەن, جاستاردىڭ ساناسىن جەنە دەنساۋلىعىن ۋلايتىن كەسەل. مۇنى توقتاتۋ قاجەت! – دەدٸ مەملەكەت باسشىسى.
قاسىم-جومارت توقاەۆ كەزدەسۋ سوڭىندا دەرٸگەر, مۇعالٸم جەنە كەسٸپكەرلەردٸ العىس حاتتارمەن ماراپاتتادى. ماراپاتتالعاندار: مويىنقۇم اۋداندىق اۋرۋحانانىڭ باس دەرٸگەرٸ ج.ايتيشەۆ, «كناۋف-گيپس تاراز» جشس ديرەكتورى م.بەكنازاروۆ, «Jasau Taraz» جەكە كەسٸپكەرلٸگٸ باسشىسى ا.بەكسۇلتانوۆا, وبلىستىق دارىندى بالالارعا ارنالعان مەكتەپ-ينتەرناتتىڭ قازاق تٸلٸ مەن ەدەبيەتٸ پەنٸنٸڭ مۇعالٸمٸ پ.وزىقباەۆا جەنە «اگروسپەتسستروي» جشس باس ديرەكتورى م.راحىمبەرديەۆ.
