سۋرەت: جامبىل وبلىسىنىڭ ەكٸمدٸگٸ
7 شٸلدەدە جامبىل وبلىسىنداعى سارىسۋ اۋدانىندا قاتتى نٶسەردەن كەيٸن كٶلبەۋ اعىن قالىپتاسىپ, تاۋ بٶكتەرٸندە ورنالاسقان 200-دەن استام ٷيدٸڭ اۋلاسى مەن 21 ٷيدٸڭ ٸشٸن سۋ الدى, دەپ حابارلايدى "ۇلت اقپارات" جامبىل وبلىسىنىڭ ەكٸمدٸگٸنە سٸلتەمە جاساپ.
وقيعا ورنىنا وبلىس ەكٸمٸنٸڭ ورىنباسارى قاناتبەك مەدٸبەك, تٶتەنشە جاعدايلار دەپارتامەنتٸنٸڭ باستىعى ارمان توقانوۆ, جولاۋشىلار كٶلiگi جەنە اۆتوموبيل جولدارى باسقارماسىنىڭ باسشىسى مۇرات ساۋرىقوۆ كەلگەن.
جەرگٸلٸكتٸ اتقارۋشى ورگان جەنە تٶتەنشە جاعدايلار دەپارتامەنتٸنەن جۇمىلدىرىلعان 50-دەن استام ادام تۇرعىندارعا كٶمەكتەسٸپ, سۋ ايداۋ جۇمىستارىن جٷرگٸزۋدە. بۇدان بٶلەك, 17 بٸرلٸك تەحنيكا تارتىلىپ, 11 موتوپومپا قولدانىلۋدا. قاجەتتٸ تەحنيكالار سانىن ارتتىرۋ ٷشٸن جەدەل شارالار قولعا الىنۋدا.
قازٸر ارنايى تەحنيكالاردىڭ كٶمەگٸمەن سۋدى توقتاتۋ, باعىتىن بۇرۋ جۇمىستارى ٷزدٸكسٸز اتقارىلۋدا.
زارداپ شەككەن تۇرعىندار ٷشٸن قابىلداۋ پۋنكتەرٸ دايىندىققا كەلتٸرٸلدٸ. ازاماتتاردى تاسىمالداۋعا ارنايى كٶلٸكتەر قاراستىرىلعان.
جالپى, تٶتەنشە جاعداي سالدارىن جويۋ, قالىپقا كەلتٸرۋ بويىنشا ناقتى جۇمىستار جٷرگٸزٸلۋدە.
ەربول قاراشٶكەەۆ جەدەل شتاب وتىرىسىندا ورىن العان جاعدايدىڭ قايتالانباۋى ٷشٸن سەبەبٸن زەردەلەۋ بويىنشا جاۋاپتى تۇلعالارعا ناقتى مٸندەتتەر جٷكتەدٸ.
"ارنايى كوميسسييا قۇرىلىپ, تۇرعىندارعا, زارداپ شەككەن نىساندارعا زاڭ تالاپتارىنا سەيكەس بارلىق قاجەتتٸ كٶمەك, قولداۋلار كٶرسەتٸلەدٸ. بٸز بۇل قيىندىقتى دا بٸرگە ەڭسەرەمٸز, – دەگەن ٶڭٸر باسشىسى اتالعان جاعداي جەكە باقىلاۋىندا بولاتىنىن باسا ايتتى", - دەدٸ ٶڭٸر باسشىسى.
ايتا كەتەيٸك, اۋدانداعى احۋال تۇراقتى, سۋ دەڭگەيٸ تٶمەندەدٸ. ادام, مال شىعىنى جوق.
