جامبىل وبلىسى مەركٸ اۋدانىنىڭ پلودوۆوياگودنوە اۋىلىنداعى جەكە ٷيدە بەس ادام گازدان ۋلانىپ, ەكەۋٸ وقيعا ورنىندا كٶز جۇمدى, دەپ حابارلايدى "ۇلت اقپارات".
زارداپ شەككەن 3 ادام جەدەل تٷردە اۋرۋحاناعا جەتكٸزٸلٸپ, تيٸستٸ مەديتسينالىق كٶمەك كٶرسەتٸلگەن. بۇل تۋرالى «ٶڭٸرلٸك كوممۋنيكاتسييا قىزمەتٸنٸڭ الاڭىندا» ٶتكەن بريفينگتە وبلىستىق تجد باستىعىنىڭ مٸندەتٸن اتقارۋشى,
پولكوۆنيك ماقسات قوسىباەۆ مەلٸم ەتتٸ. ول ٶڭٸردەگٸ تۇرعىن ٷي سەكتورىندا ٶرتتەردٸڭ جەنە ۋلى گازبەن ۋلانۋ جاعدايلارىنىڭ الدىن الۋ جۇمىستارىنىڭ جٷرگٸزٸلۋٸ,ساقتىق شارالارىن ۇستانۋ بارىسى حاقىندا ايتتى.
الدىن الا مەلٸمەتتەر بويىنشا, مەركٸدەگٸ قايعىلى وقيعا تابيعي گازداعى پەشتٸڭ تٷتٸندٸگٸن ورناتۋ ەرەجەلەرٸن ساقتاماۋدان بولعان. بٷگٸن وبلىس ەكٸمٸنٸڭ تاپسىرماسىمەن وقيعانىڭ مەن-جايىن انىقتاۋ ٷشٸن قۇرامىندا جامبىل وبلىسى تج دەپارتامەنتٸنٸڭ, مەركٸ اۋدانى ەكٸمدٸگٸنٸڭ جەنە گاز كوممۋنالدىق كەسٸپورنىنىڭ ٶكٸلدەرٸ كٸرەتٸن ارنايى كوميسسييا قۇرىلدى.
«اتالعان تۇرعىن ٷيدە ٷگٸت-پروفيلاكتيكالىق جۇمىس جٷرگٸزٸلگەن. بيىلعى جىلدىڭ 15 قىركٷيەگٸندە گاز جەنە ەلەكتر اسپاپتارىن پايدالانۋ كەزٸندە تۇرمىستا ٶرت قاۋٸپسٸزدٸگٸ تالاپتارىن ساقتاۋ تۋرالى جادىناما تاراتىلعان بولاتىن. اعىمداعى جىلدىڭ 17 تامىزى مەن 17 قىركٷيەگٸ ارالىعىندا ٶتكٸزٸلگەن تۇرعىن ٷي سەكتورىندا ٶرت قاۋٸپسٸزدٸگٸ ايلىعىن ٶتكٸزۋ جوسپارىنا سەيكەس دەپارتامەنت قىزمەتكەرلەرٸ «قازترانسگازايماق» اق جپق ٶكٸلدەرٸمەن, ۆولونتەرلەرمەن, جپق بٸرلەسٸپ مەركٸ اۋدانىنىڭ پلودوۆوياگودنوە اۋىلىندا ٶرتتٸڭ الدىن الۋ جەنە حالىقتى ٶرت قاۋٸپسٸزدٸگٸ شارالارىنا وقىتۋ بويىنشا ٷگٸت-ناسيحات جۇمىستارىن جٷرگٸزدٸ»,- دەدٸ وبلىستىق تجد باستىعىنىڭ مٸندەتٸن اتقارۋشى , پولكوۆنيك ماقسات قوسىباەۆ.
جالپى, جامبىل وبلىسىندا 1 قازانعا دەيٸن جاۋاپتى مەكەمە تاراپىنان تۇرعىن ٷيلەرگە پروفيلاكتيكالىق جۇمىس جٷرگٸزٸلگەن. نەتيجەسٸندە 2167 ٷيدە 2863 ٶرت قاۋٸپسٸزدٸگٸ تالاپتارىنىڭ بۇزۋشىلىقتارى انىقتالىپ, 743 ٷيدە كەمشٸلٸكتەر تولىعىمەن جويىلعان.
قازٸرگٸ ۋاقىتتا گازدان ۋلانىپ, جانساقتاۋ بٶلٸمٸنە جاتقىزىلعان 3 ادامنىڭ بٸرەۋٸ پالاتاعا اۋىستىرىلىپ, ەكٸنشٸسٸ وبلىستىق بالالار اۋرۋحاناسىنا جەتكٸزٸلدٸ.
