فوتو: اشىق دەرەككٶز
«ەسٸرتكٸسٸز بولاشاق» جوباسىن ٸسكە اسىرۋ اياسىندا وبلىس پروكۋرورى نۇرعالىم ەبدٸروۆ مەركٸ اۋدانىنا شىعىپ, ەسٸرتكٸ قىلمىستارىنا قارسى ٸس-قيمىل بويىنشا اتقارىلىپ جاتقان جۇمىستاردىڭ جاي-كٷيٸن تەكسەردٸ, دەپ حابارلايدى Ult.kz.
جەرگٸلٸكتٸ جەردە وبلىستىق پوليتسييا دەپارتامەنتٸنٸڭ «دەلتا-دولينا» ارنايى بٶلٸمشەسٸ مەن ۋەكٸلەتتٸ مەملەكەتتٸك ورگانداردىڭ ەسەپتەرٸ تىڭدالىپ, ەسٸرتكٸ قىلمىسىنا قارسى كٷرەستٸ كٷشەيتۋ باعىتتارى ايقىندالدى.
ٶتكەن جىلى جابايى قاراسورا ٶسەتٸن جەر ۋچاسكەلەرٸنٸڭ ناقتى كوورديناتتارىن انىقتاۋدىڭ نەتيجەسٸندە 1 195 گەكتار اۋماقتا 1 000 توننادان استام قاراسورا شابۋ جەنە حيمييالىق ٶڭدەۋ ارقىلى جويىلدى.
اعىمداعى جىلى ولاردى جويۋ 4 514 گەكتار جەردەن 2 581 تونناعا دەيٸن ٶستٸ, ول وبلىس پەن باسقا دا ٶڭٸرلەردە ەسٸرتكٸ تارالۋىنىڭ الدىن الۋعا ايتارلىقتاي ىقپال ەتتٸ.
ەسٸرتكٸ قىلمىستارىنىڭ الدىن الۋ تيٸمدٸلٸگٸن ارتتىرۋ جەنە جازانىڭ بۇلتارتپاستىعى قاعيداتىن ٸسكە اسىرۋ ماقساتىندا وبلىس پروكۋراتۋراسىمەن قوسىمشا ۇيىمداستىرۋشىلىق-قۇقىقتىق شارالار كەشەنٸ قابىلداندى.
پروكۋراتۋرا, قۇقىقتىق ستاتيستيكا دەپارتامەنتٸ, پوليتسييا, ساراپشىلار جەنە داعدارىس ورتالىعى اراسىندا ٶزارا تٷسٸنٸستٸك پەن ىنتىماقتاستىق تۋرالى مەموراندۋمعا قول قويىلۋى نەگٸزگٸ جەتٸستٸك بولدى.
مەموراندۋمعا قول قويىلعان سەتتەن باستاپ تەرگەۋ جۇمىستارىنىڭ جەدەلدٸگٸ ارتتى, 35 قىلمىستىق ٸس بويىنشا ساراپتامالىق قورىتىندىلار جەدەل الىنىپ, بٸر تەۋلٸكتٸڭ ٸشٸندە ايىپتاۋ ٷكٸمدەرٸ شىعارىلدى.
بٸرلەسكەن شارالار ەسٸرتكٸنٸ ٶتكٸزۋ فاكتٸلەرٸن انىقتاۋ مەن سينتەتيكالىق ەسٸرتكٸلەردٸ تەركٸلەۋ دەڭگەيٸن تٶرت ەسەگە ارتتىرۋعا مٷمكٸندٸك بەردٸ.
«اقشا ٸزٸن قۋۋ» قاعيداتى نەگٸزٸندە بەلسەندٸ جۇمىس جٷرگٸزٸلۋدە: قازٸرگٸ تاڭدا 64 ملن تەڭگەدەن استام سوماعا 5 320 ەسٸرتكٸ ەسەبٸ انىقتالىپ, بۇعاتتالدى.
نۇرعالىم ەبدٸروۆ قۇقىق قورعاۋ جەنە جەرگٸلٸكتٸ اتقارۋشى ورگاندار اراسىنداعى ٶزارا ٸس-قيمىلدى كٷشەيتۋ, سونداي-اق ەسٸرتكٸ قىلمىستارىنا باقىلاۋ مەن پروفيلاكتيكانى قامتاماسىز ەتەتٸن كەشەندٸ شارالاردى ەنگٸزۋ تاپسىردى.
