Foto: ashyq derekkóz
«Esirtkisiz bolashaq» jobasyn iske asyrý aiasynda oblys prokýrory Nurǵalym Ábdirov Merki aýdanyna shyǵyp, esirtki qylmystaryna qarsy is-qimyl boiynsha atqarylyp jatqan jumystardyń jai-kúiin tekserdi, dep habarlaidy Ult.kz.
Jergilikti jerde oblystyq politsiia departamentiniń «Delta-dolina» arnaiy bólimshesi men ýákiletti memlekettik organdardyń esepteri tyńdalyp, esirtki qylmysyna qarsy kúresti kúsheitý baǵyttary aiqyndaldy.
Ótken jyly jabaiy qarasora ósetin jer ýchaskeleriniń naqty koordinattaryn anyqtaýdyń nátijesinde 1 195 gektar aýmaqta 1 000 tonnadan astam qarasora shabý jáne himiialyq óńdeý arqyly joiyldy.
Aǵymdaǵy jyly olardy joiý 4 514 gektar jerden 2 581 tonnaǵa deiin ósti, ol oblys pen basqa da óńirlerde esirtki taralýynyń aldyn alýǵa aitarlyqtai yqpal etti.
Esirtki qylmystarynyń aldyn alý tiimdiligin arttyrý jáne jazanyń bultartpastyǵy qaǵidatyn iske asyrý maqsatynda oblys prokýratýrasymen qosymsha uiymdastyrýshylyq-quqyqtyq sharalar kesheni qabyldandy.
Prokýratýra, Quqyqtyq statistika departamenti, politsiia, sarapshylar jáne daǵdarys ortalyǵy arasynda ózara túsinistik pen yntymaqtastyq týraly Memorandýmǵa qol qoiylýy negizgi jetistik boldy.
Memorandýmǵa qol qoiylǵan sátten bastap tergeý jumystarynyń jedeldigi artty, 35 qylmystyq is boiynsha saraptamalyq qorytyndylar jedel alynyp, bir táýliktiń ishinde aiyptaý úkimderi shyǵaryldy.
Birlesken sharalar esirtkini ótkizý faktilerin anyqtaý men sintetikalyq esirtkilerdi tárkileý deńgeiin tórt esege arttyrýǵa múmkindik berdi.
«Aqsha izin qýý» qaǵidaty negizinde belsendi jumys júrgizilýde: qazirgi tańda 64 mln teńgeden astam somaǵa 5 320 esirtki esebi anyqtalyp, buǵattaldy.
Nurǵalym Ábdirov quqyq qorǵaý jáne jergilikti atqarýshy organdar arasyndaǵy ózara is-qimyldy kúsheitý, sondai-aq esirtki qylmystaryna baqylaý men profilaktikany qamtamasyz etetin keshendi sharalardy engizý tapsyrdy.
